منتدى عالم الأسرة والمجتمع - تطلقت ..بشكل عاطفي وروحي !!

ودي ارد عليكم كلكم بس انشغلت كثير هالفتره..

انا مشكلتي معاه مافهم للحين اني ابيه هو وابي حقوقي كزوجه مو طمعانه فيه.

اهله يسممون افكاره يجيني بفكره ويرجع بعد يوم يغيرها..

والله مو همي الماده بس وش اسوي لاصار هو يتمشكل معاي في هالموضوع
يعني اي مبلغ يعطيني اياه يرجع يحقق معاي فيه وين راح وايش جبتي وبكم وليش لين اكره اني اخذت منه

وهالاسلوب بس معاي انا يعطي اخواته وهو يقول انهم يروحون للسحره ولايرجع يسالهم عنها
يعطي زوجته للعيد اكثر مما يعطيني ولاتشتري فيها لبس تلبس بالعيد لبس قديم وانا البس انا واولادي لبس حلو ومرتب
وهم مايسالهم وين يودونها

تكفون قولو لي هل كل الرجال كذا ولابس هو عشانه كبير وخايف اني بلعب فيه وبفلوسه
اخواتي ياخذون فلوس ولايسالها زوجها وين راحت

انا ينزلني عند اهلي ويعطيني مثلا 200 ولو اخذت فتره وطلبته فلوس ثاني قال اجلسي وين راحت ال 200 وش جبتي وش صلحتي ويجلس يسفل فيني
انتي فاشله انتي مراهقه وانتي وانتي لين اكره حياتي

انا امس تناقشت معاه واقسمت له وانا صادقه اني اذا توظفت راح ادفع اجار للسكن عنده بس انه يظل ابو لعياله وادفع انا له مقابل
وانا والله اخذت يمين على نفسي وعاهدت ربي اني اذا ربي رزقني بالوظيفه ماعاد اخذ منه شي طول عمري

كرهني بكل حاجه مو عشان فلوسه عشانه ظالم واسلوبه زفت

يعني اخرها اليوم جالسين نفطر واقوله عن حاجه خربانه بالبيت قلت متى بتصلحها المشكله انه قد وافق من قبل بس انا استفسر متى
قال اصلا ماراح اصلحها قلت ليش قال لاني بهد بيتك وببني مكانه فلل لعيالي وانتي تسكنين بشقه فوق زوجتي لان عيالي متضايقين ويبون فلل

طيب انا ايش ذنبي قال بس انا حر واتصرف براحتي كلها املاكي قلت بس مو من حقك تظلمني عشان توسع لعيالك انت ربي منعم عليك اشتر لعيالك قصور او هد بيت زوجتك اكبر من بيتي وسوه فلل لعيالك قال هذا شي مو من اختصاصك

زوجتي تبي تطلع عيالها جنبها وتخلي الاداور اللي فوق لها وتحت استقبال وضيافه واحنا يجينا ناس وانتي ماعندك الا اهلك وعيالك صغار لايبون مجالس ولاغرف

المهم اني انقهرت قلت والله ماتهد بيتي وبيت عيالي الا اذا هديت حياتنا شغلك هذا ظلم وجلس يتظنز علي اني متخلفه ولااعرف شي ولاافهم وانه يدور مصلحتي

قلت الله يكبر عيالي وياخذون حقي لي قال حطي عليهم كيماوي وازرعيهم وتقومين بكره الا وهم رياجيل يعني الموقف مايتحمل مسخره مره حطمني رده ليش يستهين فيني وليش يبي عياله يتمتعون على حساب راحتنا

ماعاد اعرف اتصرف يقول لك ثلاث شهور وتنقلين من بيتك ..

بالامانه مو ظلم اللي يسويه بعيد عن الماده يكفي الاسلوب كل ماقلت شي له ولا جلست اقول بكره بإذن الله عيالي بينفعوني ولاشي قال مالك غنى عني مرد الكلب لخناقه ....

المصيبه انه يسفل فيني ويرجع يضحك ويطلب اموره كانه ماصار شي

يعني الصبح تناقشنا والحين يضحك وكل شي طبيعي

يعني زي اللي اني قاعد اقول قرارات وانتي مالك راي

الله يغنيني بفضله عمن سواه ....