رد : تجاربكم في خلط الرضاعة الطبيعية مع الصناعية
 

رد : تجاربكم في خلط الرضاعة الطبيعية مع الصناعية
 

رد : تجاربكم في خلط الرضاعة الطبيعية مع الصناعية
 

رد : تجاربكم في خلط الرضاعة الطبيعية مع الصناعية
 

خخخخخخخخ قصدت انه بعد ما دخلت الرضاعة الصناعية
ترك الرضاعة الطبيعية لحاله وكره صدري يعني فطم حاله

رغم انه كان ودي استمر للسنتين .. بس الحمدلله على كل حال

تسلمي حبيبتي .. والله مش عارفة انا متاكدة انه الاكل له دخل
والحين قاطعة عنها البيض والزبادي ومخففة الجبنة وغيرت الحليب العادي لحليب الصويا
باذن الله ببدا معاها elimination diet عالاسبوع الجاي واعرف السبب

صديقاتي ربات بيوت اغلبهم وفي بعضهم كانو طالبات
بس حبو يعودو اطفالهم عالببرونة لانه زي ماقلت لك احيانا الوحدة بتنزنق
تكوني بشارع او بمول او بزيارة وجا وقت رضعة البيبي .! فامشكلة اذا مو
متعود عالببرونة ...

بالنسبة لاوقات الرضاعة قالت لي ال midwife مافي وقت معين
لانه بيعتمد على البيبي وشهيته وطبيعة حليب الام بس بشكل عام قالت لازم ماتمر ست ساعات بدون مايرضع حتا لو نايم
تصحيه يرضع خاصة باول الاسابيع
من ناحية ثانية نصحتني نصيحة ذهبية قالت لي مش كل ما فتح فمه يبكي
تحطي له صدرك! لانه بعدين بيتعود علي الصدر كا لهاية
لما يبكي احمليه هزيه شوي كلميه نوميه علا بطنه لانه يمكن تكون غازات
واو طول البكا بتعرفي انه فعلا جوعان فا اعطيه صدرك
بس مهم مهم جدا يابنات لا تعودو البيبي كل ما قال واااع رضعتوه

رد : تجاربكم في خلط الرضاعة الطبيعية مع الصناعية
 

روح
بالنسبة للعلب انا ماكنت احط الحليب بالببرونات او بعلب كبيرة
لانها اولا بتاخذ حيز بالفريزر
وثانيا اذا فرزنتي كمية حليب كبيرة وبعدها ماشرب البيبي راح يرتمي حرااام

فاكنت مثلا اشفط الحليب وبدال مااحطه بعلبه كبيرة
كنت ااوزعه علا ثلاث او اربع علب صغيره.. وقبل وقت الرضعة اطلع علبتين
واحطهم بالثلاجة واعطيهم له .. وانتي بتقدري اول فترة بتكفيه علبتين صغار
بعدين بيصيرو تلات وهكذا


"" شرب الماااااء واكل الجبنة يزيد من انتاج الحليب كمان السمسم جدا مفيد
""قبل الشفط حطو كمادة دافية علا الصدر مع شوية مساج
""وقت ماترضعو البيبي وحسيتو انه الصدر الثاني كمان مليان وبدا يسيل
استغلو الفرصة واشفطو
""ممكن حتا قبل الشفط خلو البيبي يرضع شوي بس عشان تحفزو انتاج الحليب زيادة
""تاكدو من وضعيه الشفاط اذا ماطلع حليب او كان في الم معناها الوضعية غلط
فا ضلو حاولو لغاية ماتتحصلو علا وضعية صحيحة

رد : تجاربكم في خلط الرضاعة الطبيعية مع الصناعية
 

روح حبيبتي حاولت اجيب صورة بس ماعرفت
لاني اكتب من التلفون
روحي جوجل واكتبي breastmilk storage
بتطلع لك اشكال والوان حتا في اكياس خاصة مش علب بس

وربي يقومكم بالسلامة ياحلوات

رد : تجاربكم في خلط الرضاعة الطبيعية مع الصناعية
 

رد : تجاربكم في خلط الرضاعة الطبيعية مع الصناعية
 

الاجابة موجودة في الردود
بس شكلك مو مركزة مع الحمل 😁😁

الله يقومك بالسلامة


من تجارب صديقاتي الي اعتبرها ناجحة

يفضل مرة وحدة في اليوم

وصديقاتي خلوها ليلا عشان البيبي يشبع تمام وينام

مدة اطول


بس مافهمت. ايش من معلومات ورا علبة الحليب؟؟

رد : تجاربكم في خلط الرضاعة الطبيعية مع الصناعية
 

الله يتمم لكم على خير و يقومكم بالسلامه ..

أنا ضد إدخال الحليب الصناعي للطفل في الشهور الأولى إلا إذا كانت حالة خاصة وبنصيحة الطبيب ..

أنا رضعت ولدي طبيعي وفطمته على السنه وسبع شهور ..

الممرضة اللي علمتني طريقة الرضاعه قالت لي على جهاز للشفط لكن وحده من قريباتي نصحتني أشفط باليد وما استخدم أي أجهزة .. عشان ما يصير ترهل بعدين .. طبعا سمعت كلامها وخاصة إنها ماشاءالله أم وخالة وعمة .. فعندها خبرة ..

استمريت على الشفط فترة وكنت أفضل أعبي ببرونه أو 2 .. وأخليهم في الثلاجه .. وكل ببرونه فيها كميه حليب تكفيه رضعه واحده ..

سبحان الله صح تتعبي شوي وإنتي تشفطي وخاصة إذا الحليب قليل لكن إذا بتطلعي سواء بتاخذين الطفل معاك أو تخلينه مع حد في البيت أو حتى إذا زارروك ناس بتكونين مرتاحه عالاخر

نصيحتي لكم لا ترضعون أولادكم قدام حد .. وطبعا اكيد ما بتشفطون قدام حد .. وإذا عندكم كميات كبيرة مخزنه في الفريزر ما في داعي تذكرونها للناس .. ترى مهما قلتوا عن الصعوبات في النهايه ما تثبت أي معلومه إلا كميات الحليب الموجوده في فريزر فلإنه .. والله أعلم كم وحده بتنقل الخبر وكم وحده بتسمع .. حتى لو نيتها مو سيئة ..


جربي تشفطي في البداية .. اشربي ماء كثير و حليب وكلي خضار وفواكه وأنا نصحوني بالحلبه والشوفان .. ما جربت الحلبة لكن الشوفان فادني كثير الحمدلله ..

قريباتي ياخذون حبوب الحلبه .. يجيبوها من أمريكا وما أدري إذا هي موجوده في كل مكان .. لكن يقولون إنها مفيده ..

بالنسبه للرضاعه الطبيعيه إذا شبع الطفل ( يعني رضع15 - 20دقيقه) .. بينام 4 ساعات تقريبا .. بس ممكن ينام أكثر أو أقل طبعا يختلف من طفل لآخر وحسب حليب الأم كمان ..



أنا ما جربت الصناعي وما أعرف كم يحتاج الطفل بالضبط لكن لو اضطريت في المستقبل أني استخدمه بستشير طبيب قبل وما بعتمد على نصائح الحريم وتجاربهن لأني لاحظتهن يدخلون الحليب الصناعي بداعي وبدون داعي .. ويقعدون ينصحونك تسوين مثلهم ..

(طبعا كلامي بشكل عام عن حريم صادفتهن في الحياه الواقعيه وما أقصد ناس هنا .. بالعكس الخوات ماشاءالله ما قصروا بنصائحهن ..)

وسبق إن ذكرت في موضوع سابق اللي نفع مع وحده يمكن ما ينفع غيرها .. ومو كل نصائح الطبيب تكون عامه .. في منها خاصه لطفلك إنتي حسب حالته وعمره .. أذكر بنت عمتي كانت تقول لي شربي إبنك حليب البقر لأنه الدكتورة قالت لها استخدمي حليب البقر لبنتك بدل الصناعي .. هي قصدها تفيدني طبعا لكن هي بنتها كان عمرها فوق السنه وأنا ابني كان عنده شهور بس .. لذلك انتبهوا ولا تسوون تجارب على أطفالكم ..

بس مثل ما قالت أم يوسف .. وهذه كمان من تجارب قريباتي .. يرضعون الطفل حليب صناعي مرة في الليل قبل النوم .. لأنه إثقل عن حليب الأم فيشبع الطفل وينام أكثر .. حتى قريبتي كانت تقول لي بنتها تنام لين الصبح ماشاءالله ..


وأمي الله يحفظها كانت مضطرة ترضعنا صناعي 100% والكميه والوقت محددين وإخر جرعه تكون على الساعه 12 بالليل وإذا بكينا بالليل تسكتنا بأي طريقة بس ما تشربنا حليب ..


بنت خالتي ترضع عيالها طبيعي تقول لي إذا صاحوا في الليل أقوم أجلس وارضعهم. 15 إلي 20 دقيقه مو أكثر وارجعهم لسريرهم..

عجبتني الفكرة لأنه نوم الطفل عند الأم معاناه الصراحه مثل ما قالوا الخوات قبلي يتعود ويشم ريحتك ويبكي كل شوي ويبا يشرب مو لأنه جوعان لكن لأنه متعود ..


إذا قررتي ترضعين إبنك حليب صناعي بالليل لا تخلين الببرونه في فمه مثل اللهاية فترة طويله .. لأنه ممكن يسبب تسوس في الأسنان..


أنا يزعجني منظر الطفل الكبير اللي عمره فوق السنتين مثلا وهو ماشي بإلببرونه و ما ينام إلا وهي في فمه.. معاناه أحسها للأم وكمان للطفل فعشان ما اخلي ابني يعتمد عليها كثير واضطر إفطمه مرتين استبدلتها باكواب الأطفال قبل ما يكمل السنه .. والحمدلله الأكوإب أريح بكثير ولما فطمته كان هو متعود يشرب من ألاكواب واساسا ما كنت معودتنه على اللهايه فالحمدلله ما عرضته لصدمات اضافيه ..

هي كلها صعبه ومتعبه لكن أنا عندي اتعب في البدايه اهون من أني أاجله لبعدين لأن البدايات تمر أسرع ..

رد : تجاربكم في خلط الرضاعة الطبيعية مع الصناعية
 

فاكهة والله ما نسيت اسألك بنت عمتي عن الرضاعه الصناعيه وطريقتها ‏،،‏ كل ما اتصل عليها ما ترد وفي النهايه عرفت ان جوالها انسرق وما جابت بديل لسه ‏

ان شاء الله اجيب لك معلومات منها لأنها تقريبا من الايام الاولى دخلت الرضاعه الصناعيه

ربي يتمم لك على خير ويقومك بالسلامه