|
رد : مشكلة غامضة ... وأحتاج المشورة
اقتباس:
شكراً جزيلا |
رد : مشكلة غامضة ... وأحتاج المشورة
تقفيلها الجوال وتصكيره اثناء المكالمه غلط الا اذا انت رافع صوتك عليها بهالحاله مالومها
ثانيا انت من الاساس ماتقبلت االبنت ولا حبيتها ... بعدين ياخي ليش كذا تصرفك ؟؟؟ سويت قلق علشان زوجتك ماقالت لك هالخبر قمت دقيت على امها وبعده رحت لبيتهم وبعده دقيت على امها وبعده قعدت مع ابوها ياخي هدئ اعصابك ماله داعي تكبير السالفه .. نصيحه لك الزواج ماينفع معه هالاسلوب سواء تزوجت هالبنت او غيرها ..اذا صارت هذي مشكله صغيره وتصرفت كذا فما بالك بعدين خلال فترة الزواج ... انت الرجل وانت صاحب القوامه وقائد السفينه ... اذا كان كان القائد ماعنده الصبر والتروي كيف يقود سفينته بامان وسلام ... |
رد : مشكلة غامضة ... وأحتاج المشورة
يااخي ربما كانت مشكلة عائلية وتدخلك فيها ضايقها لا تزعل من الاساس انت ليه تدخلت؟؟؟؟؟؟؟ماهمك الا زوجتك والله يهدي القلوب توضأوصلي ركعتين استخارة وان ارتحت حاول تصلح وضعكم الله يهديكم ويسعدكم
|
رد : مشكلة غامضة ... وأحتاج المشورة
اخوي الكريم
إذا خطيبتك داخله قلبك ومتقبلها زوجه لك نقول لك استخير الله اعزم وتوكل على الله اما إذا كنت تحس بنفور منها وحاس انك غاصبن نفسك عليها نقول استخير الله واستشيراحد العقلاء وتسريح بإحسان. |
رد : مشكلة غامضة ... وأحتاج المشورة
اقتباس:
كلام سليم والله لو أنا مكانها ومسوي القلق هذا كله لاسحب نفسي واتركك أجل لاتزوجت إيش بتسوي ... بصراحة تصرفك يدل على قلة عقل منك وسامحني لو خطيب أختك سوى نفس الحركة الظاهر مايطلع من عندكم إلا وأنت موريه شغله ... حاول توزن تصرفاتك الله يرضى عليك ترى بنات الناس مو لعبة أمك عاجبتها وأبوك مو عاجبه وذحين أنت ندمان الله يهديك بس . |
رد : خطيبتي لا تحترمني... وأحتاج المشورة
اخي الكريم
لمن قرأت موضوعك ذكرتني بمواقف مرت علي انا مثل حالتك لمن يعصب علي زوجي بدايه الملكه يقفل الجوال بوجهي وانا مازلت اتكلم مايتقبل كلامي ابد على اننا اخذنا بعض عن حب ولكن ماعنده اسلوب التعامل حتى المزح يعصبه واذكر مره مزحت معه مزحه بسيطه والله وزعل وقاطعني ايام وبعدها جلس يهدنني بالطلاق من بعد هذي السالفه صرت ما امزح معه ولا اقول له شي صريح ولا اخذ واعطي معه كثير انت لازم تشوف لك حل صلي استخاره وربي بيكتب لك الى به الخير لانه في النفس الوقت صعب تظلون معلقين كذا انا مجربه وضعك في الاسلوب ومجربه وضعك في تعليق البنت اكثرمن سنه اسأل الله ان يوفقك ويكتب لك الي فيه الخير ك |
رد : مشكلة غامضة ... وأحتاج المشورة
اقتباس:
اني اروح عند ابوها هذا كان رد اهلها لي .... قلت اعطوني البنت اكلمها قالوا البنت عند ابوها واول ما رحت لابوها قلت يقولون البنت عندك ... قال لي والله ولا طبت عندي .. قلت عموما خذ العلم كذا وكذا وكذا . قام يتعذر للبنت . وشجعته على سحب الجوال من ناحية ما تقبلت تقبلتها ; ولكن ردة فعلها هو اللي خلاني اعصب وتشجيع اهلها لردة فعلها خلاني اعصب زيادة . وانا قاطعتهم بسبب ردة فعلهم ... بالبداية كان عتاب ظاهر وبسبب ردة الفعل اصبح حقد باطن رغم اني حاقد على الاهل وليس من البنت ....<<<< وهذا الشي احيانا يدفعني لكراهية البنت !!!!! |
رد : مشكلة غامضة ... وأحتاج المشورة
اقتباس:
وشكرا هذه وجهة نظر واتقبلها .. وبالاول وبالاخير ترى والله مو ندمان , ردة فعلي ما زلت اشوفها عادية |
رد : خطيبتي لا تحترمني... وأحتاج المشورة
أخي الكريم ..
أعتقد أنك الان تشعر إنك مغصوب على البنت .. ومنت مقتنع فيها .. نصيحتي .. إختيار أهل زوجتك له أهمية كبيرة لاتقل عن أهمية إختيار الزوجة نفسها .. بكرة راح يكون هذا جد عيالك وهذي جدتها و.. وأخوالها وخالاتها .. وماتقدر تمنع عيالك عنهم .. أستخير الله سبحانه وتعالى وإن إنت مقتنع في البنت توكل على الله والله يتمم لكم على خير .. وإلا حذاري إنك تتزوجها وإنت غير مقتنع فيها أو في أهلها .. لأنه لاسمح الله بكرة تتركها وبينكم عيال راح تتعبوا وتتعبوا عيالكم معاكم . أكلمك عن تجربة .. أنا لاقيت مشاكل كثيرة من أهل زوجتي أيام الملكة .. لكن كنت وقتها حاس إن الفاس وقع في الراس ولابد إني أكمل بالرغم من معارضة والدي لهذا الزواج في البداية .. تم الزواج .. زادت المشاكل .. مافي إحترام من الزوجة ولا من أهلها .. وبالتالي صار بيننا الاحترام مفقود سواء مني أو منهم .. إلى أن أنتهى الامر بالطلاق .. وبيننا فلذة كبد . أكثر مايحز في نفسي بالنسبة لولدي إنه راح يتربى في بيئة سيئة أخلاقياً واللي هي بيئة أهل أمه .. لكن الله يهديه ويصلحه من عنده .. لذلك أقول لك إختيار أهل الزوجة شي مهم جداً . |
رد : مشكلة غامضة ... وأحتاج المشورة
اقتباس:
أتت المشكلة وانتشرت ودفنت وانا اتكلم معاها ولا نطقت باي كلمة .. سألتها وما زالت تخبئ وبعدها اعترفت وقلت لها ما يصير الكلام هذا .. لاني احس نفسي حقير وانا اكلمك . ويوم سألتك كمان مالك نفس تقولين . وبعدها البنت قفلت الخط وتعطي مشغول ووووو الى انتهت . قلنا البنت صغيرة وقلنا انها انحرجت . ولكن مساندة الاهل للبنت ما زال عالق في رأسي .. او تكلمها جوال وتقفل فيك ويجي احد يقولك اساسا مالك حق تكلمها . ( يعني جعل من ردة فعلها اني مالي حق اكلمها ) والله عجب |
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©