|
رد : ايش الحل مع خياناته، علاقاته اللي ماتنتهي؟
اقتباس:
شوفي مسأله الاربعين عند اهلي هذي مافيها تفكير انا الطفل مستحيل اروشه او انظفه ماعندي خبره وبما انك حرمه، عارفه اني احتاج للراحه والرعايه ولا راح يتاثر جسمي وصحتي وممكن حتى حياتي الجنسيه غير كذا زوجي اتكالي، حتى ملابسه يرميها على الارض كيف بيساعدني؟ و ظروفنا ماتسمح بالشغاله ولو جبت حدها تنتظيف مارح تمسك البيبي وامي بيتها بعيد عن بيتنا، ولو ظروفها تسمح كان هي تجيني بس للاسف ويختي كل الرجال حريمهم يمرون بفتره الاربعين، لو كل رجال بيخون صدقيني مارح كل وحده تحمل وتولد مو عذره ابد الاربعين |
رد : ايش الحل مع خياناته، علاقاته اللي ماتنتهي؟
اقتباس:
شكراً على النصائح الله يعطيك العافيه مساله التجسس فعلاً انا ما اايد التجسس لان اصلا التفتيش بحد ذاته قلق من خلال تحربتي لكن والله هو يحسسني ان وراه شيء ويشككني هو من النوع الغير حذر او حريص، احياناً لو جمله بالغلط تخليني افتش وراه في النهايه انا انسانه، وزوجته، الغيره طبيعيه مافي انسانه طبيعيه بتحس بشيء وبتسكت مستحييييل !! هو ايضاً غيور جداً، ومايضايقني بغيرته بس لسبب واحد انا ( انسانه نظيفه) حتى بصري اغضه عن الرجال، مع اني مو ملتزمه، لكن في خط احمر مستحيل اتعداه اما الثقه في النفس الحمدلله مافقدتها، ولارح افقدها بس انا مع الحمل مو قادره اتحمل شيء |
رد : ايش الحل مع خياناته، علاقاته اللي ماتنتهي؟
عزيزتي جفاف ... *لتعلمي أن الموقف الأخير لم يصل لحد (اليقين) حتى تزعلين منه وتسوين مشكلة تخيلي لو 1% إنه لم يكن يكلم امرأة! دعي المواقف القوية التي تتخذينها معه مقابل أمور واضحة لا شك فيها .. *الذي حدث أنك كنت تعدين كثيرا بعض خياناته (على حد كلامك ) فانفجرتي في الموقف الأخير >>> وهذا لن يقدره زوجك فهو لا يعلم أنك كنت تعلمين وتعدين فتنبهي لذلك .. *إخبارك لأخيك في هذي المرحلة أراه خطأءا ممكن استخدام هذا( الإسلوب) لكن لاحقا . * من الخطأ عزيزتي إنك تنامين في غرفة بلحالك عن زوجك .. ولا أدري هل هذا إسلوبك من قبل ؟ عندما تنام المرأة في حال الزعل في غرفة بلحالها فهي تزيد الفجوة كثيرا ويكون الصلح أصعب . * كونه تروش بعد العمل ولو مو عادته ليس دليلا على الزنا والعياذ بالله . * الشيطان سيُحضر جنده ورجله من أجل أن يفرق بينكما وسيثير الشكوك في راسك كثيرا فاستعيذي منه. * وإذا كن زوجك رائعا ويعيبه الخيانة... بإذن الله سيستقيم أمره لكن عليك باللجوء إلى الله والصبر والتركيز فيما يجب تفعلينه معه .. وهنا لا أقلل من حجم الخيانة الذي ربما يصل أن المرأة تطلب الطلاق .. لكن زواجك عمره قصير وبينكما طفل فالصبر والتأني مفتاح الفرج . *موضوع الخيانة للأسف موجود بشكل واضح في المجتمع ممكن نساعدك في حله بإذن الله لكن ليس في وقت تكوني زعلانة معاه .. * لذلك حاولي الآن ترجعين العلاقة بينكم وتنصالحون وبعدها بإذن الله تستشيرين في هذا الموضوع والله يفرج عنك ويزيل كربك..ويهدي زوجك |
رد : ايش الحل مع خياناته، علاقاته اللي ماتنتهي؟
اقتباس:
وهي اللي خلتني اثوور واذكر الاشياء السابقه اللي على اساسها زعلت من تصرفه مع الحرمه الغريبه ذكرت خياناته، وتصرفاته عشان محد يقولي مشكلتك تافهه، تصرفي كان مترتب على تكدسات وايضاً هذي الفتره متاكده انه يخونني على الاقل مكالمات نوع الخيانه ذكرتها في ردودي السابقه بس احياناً اشك انه لمس وحده، لكن عندي امل انها مجرد وساوس من الشيطان خصوصاً ما مسكت عليه شيء |
رد : ايش الحل مع خياناته، علاقاته اللي ماتنتهي؟
اقتباس:
واتمنى انك مهما شايفه الوضع مايستاهل، مستحيل وحده تسكت على كذا ومساله انفجاري بسبب اشياء ماضيه، هو فيه خيانات واجهته فيها واشياء سكت عنها لاني تعبت يعني هو عارف نفسه غلطان، وردة فعلي طبيعيه وشكي ايضاً طبيعي ،،،،،، اخوي مره وحده قلت له، ولو ماكنت عارفه راح يحل الموضوع بسريه كان ماكلمته، والمكالمه كانت الاولى والاخيره وحتى انا ما اايد، لكن احس يبغاله جنس ذكوري قوي يردعه ،،،، النوم لوحدي، حتى انا ما اايده وعمري على مثر زعلاتنا مانمت لوحدي لكن هالمره غير، حتى ردك فعلي، اول مره ابكي كثير لعده اساب، حملي ونفسيتي، ايضاً متحسفه انه ماقدر حالتي، وانه بنفس الساعه الحرمه الغريبه ياماما وانا زوجته ماخلي كلمه واهانه الا قالها لي وهو غلطان فعلاً !! حتى لما اقوله زين ترضى اسويها فيك، ماعرف يرد وكمل شتمه اول مره حسيت اني كارهه انظر في وجهه، اضطريت اخرج ،،،، فعلاً مساله الاستحمام مو دليل، واحتمال كبير مالمس وحده، بس يقهرني فيه استغناءه عني فتره طويله بالعادة مايصبر 3 ايام على بعضها هذي المره حتى هو ماينظر في شككتي ان فيه بديل، هو بديل عاطفي اكيد فيه، لكن جنسي الله اعلم ،،،،، صدقيني احاول اصبر وادعيله واستودعه الله لكن تخيلي زوجك يخرج من البيت وانتي متاكده ان وحده تنتظره تكلمه؟ وخصوصً متاكده من هالشيء تخيلي انه على علاقات نسائيه قويه، ايش بتكون ردك فعلك كل شيء له حدود وانا انسانه لي طاقه ،،، دائماً اتناقش معاه ويحلف لي يمين انه ترك ذي الحركات، وللاسف يومين ثلاث اتاكد انه مازال يعني حاله مزرري |
رد : ايش الحل مع خياناته، علاقاته اللي ماتنتهي؟
اقتباس:
من خلال سردك لما حدث لم يتبين لي أنه اعترف أنها امرأة .. لذلك كان ردي كما قرأت .. وقد بينت من خلال حديثي أن مسألة الخيانة ممكن توصل للطلاق في (حدود معينة) وهذا ما يؤكد أني لم أقصد إن الوحدة تسكت على شئ زي هذا ! نعود للموضوع : خلال المواجهات السابقة لم تذكري له أنه إذا تكرر(هذا الأمر) سأذكر ذلك لوالدتك مثلا أو والدك أو ماشابه ذلك؟ أو ماقلتي له سأنفصل عنك إذا تكرر هذا الشئ؟ >>> هل كان هناك تهديد بشئ؟ احكي لي طبيعة المواجهة ؟ وهل إذا حلف إنه ما يرجع للخيانة يتوب وبعد أيام يرجع أو هو أصلا لم يتب؟ >>> فرق كبير .. وكيف مستوى تدينه ؟ أسأل الله أن يفرج كربك ويريح بالك .. حاسه فيك بالثامن ومشكلة زي كذا ..حقيقة شئ صعب .. |
رد : ايش الحل مع خياناته، علاقاته اللي ماتنتهي؟
أشعر أن البعض متساهل في الموضوع وهو ليس كذالگ ،،،
ياأختي ليتگ أنهيتي المشكله قبل أن يحصل حمل ،، لكن في هذا الوقت ياليت تتأكدين إلا أي علاقه وصل أم أنه تجاوز كل الخطوط الحمراء ،فإذا تيقنتي من ماتشكين فيه فأنتي معرضه للخطر بعيد الشر عنگ فلاتتساهلين معاه إذا وضحت الحقيقه.. |
رد : ايش الحل مع خياناته، علاقاته اللي ماتنتهي؟
أختي الكريمة اذا أوصلتي الموضوع لأهلك يجب أن يكون بيدك أدلة واضحة على خياناته .. فأسهل ردة فعل يقوم بها زوج هي انكار كل اتهاماتك له مثلا أنت تؤكدي انه حاليا له علاقات هاتفية ... هل عندك الدليل أم هي مجرد تخمينات؟؟ و نصيحتي لك أن لا تضخمي الأمر و أنت في فترة الحمل و الحامل عندها حساسية و نفسيتها غير مستقرة و سيكون تصرفك غير موزون .. الأفضل أن تعيدي حياتك مع زوجك كسابق عهدها حتى تلدي و تستقر نفسيتك و تستطعين اتخاذ القرار المناسب لحالتك |
رد : ايش الحل مع خياناته، علاقاته اللي ماتنتهي؟
استغرب من اللي يقولوا لا تطلعي من بيتك في نفاسك ..
وكأن الزوج طفل لازم نوقف على راسه ونراقبه ومانبتعد عنه لحظة عشان مايغلط .. ترى الرجال لو يبي يسوي شي سواه سواء زوجته تتنفس ببيتها ولا بيت أمها .. ليش هي تضحي ؟ هذا حقها.. والبكرية صعب تتنفس لحالها .. أنا حتى بنتي الثالثة كانت أمي الله يحفظها تحممها في نفاسي .. |
رد : ايش الحل مع خياناته، علاقاته اللي ماتنتهي؟
أختي بكل صراحة جاوبيني تبين تفضفضين وتنفسين عن نفسك ولا تبين حل؟؟
إنت تحبين زوجك ومتمسكة فيه؟؟ ولا بايعته ووصلتي لقناعة تامة بعدم الخسارة إذا فقدتيه؟ |
| الساعة الآن 01:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©