|
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
طيب وبعدين خلينا نفترض انك ماتعرف اسماء المطاعم والاكلات وين المشكلة!؟ صحيح أن مجتمعنا احيانا سطحي حتى النهاية بمعنى ينظر إلى الشكليات واللي مايعرف هالشي معناته مو متطور ولا كووول، بس هذي ترجع لك انت،ـ شخصياً لا أعرف بعض الأمور المتعلقة بالتقنيات، ومع ذلك ماعمري اشغلت نفسي هل الناس ينظرون لي نظرة اني مو عصري ولا لا، لأني مقتنع في الطريق اللي انا فيه ومقتنع إن الناس عبارة عن اهتمامات وهوايات مختلفة، ولذلك انظر إلى أن هواياتي ليست تقنية، معي آيفون ولا أعرف فيه إلا أكلم والواتس اب والرسايل والدكشنري، والباقي ما استخدمة، أنت بنفسك تقول هذي تافهة، بمعنى أن عقليتك أكبر من أنك تقول أنا وش سويت ولأي فندق رحت ولأي دولة تمشيت وأيش أكلت. وبيني وبينك الناس لما يسألون عنك وبالتحديد أصدقائك ما أظنهم بيقولون أنك بخيل، مثلاً أكيد يعرفون أصدقائك أنك مو بخيل وأنك كريم على نفسك ع الأقل، ولا أعتقد أن الناس لو سألوا عنك بيقولون والله صديقنا بخيل، الناس أول مايفكرون بأمور أساسية أما الكرم أو البخل فكثير من الناس مايسألون عنه. على كلٍ أخي لا تدلع ولا تفكر كثير بنظرة الناس، سافر وفلها واستمتع وعيش حياتك والعمر تراه قصير، وخلك من كلام الناس. |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
مو صحيح اخوى
و لا تعتقد الناس ماتعرف عنك شي و خاصة الحريم ^_^ و الله احيانا يعرفوا عنك امور قبل تعرفها انت .... وانت ذكرت نقطة و الظاهر هى السبب ؟! تفر اوروبا فر ... الرجل المسفار عادة يكون مشكوك بامره صراحة و لو تقدم لنا كان انرفض مباشرة حتى لو كان داعية .... ان كان المبتعث يشك احيانا بامره و هو رايح يدرس فكيف بغيره .... |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
اخي انت مو مهتم لكلام الناس لانك ما تعاني من مشكله ولله الحمد وانا كذلك ولكن عندي مشكله فاللي ايده بالنار مو مثل اللي ايده بالماء |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
بالعكس يعرفون اللي تحت الارض :) ولكن ماخذين عني فكره خاطئه وهذا سبب كتابة الموضوع وبخصوص السفرات سفراتي قليله جدا جدا ومحترم ومع ناس محترمين وحتي لو الناس ماخذين عني فكره خاطئه بالسفر لا يعتبر سبب الكثير من الشباب يسافر يصيع والكل يدري عنه ويرجع يتزوج يقولون شاب وتصرفه طبيعي!! يعني وقفت علي انا المراه تحب الراهي راعي السفرات حتي لو يخربط تتغاضي عنه للاسف |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
الرفض يكون عن طرف النساء لانهم ماخذين عني فكره خاطئه المراه تكره البخيل والمتشدد مره العمى |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
السلام عليكم ورحممة الله
أنا مع أم سفيان بخصوص السفر ... رغم أن خطيبي تقريبا مسفار كل سنه لازم يطلع لدول الخليج وواثقه فيه بس كلام الناس مايرحم.....حتى خواته فما بالك انت ... أنت ماعليك من الناس لا تقعد تطبق اللي هم يبونه عشششششش حيااااتك و رزقك بيد الله ، بس مافي مانع تتكلم عن إيجابيتك بالعكس أنت كذا بتكون مميز الناس تنظر لك خلال نظرتك انت لنفسك وتؤمن بك من خلال ما انت تؤمن بنفسك ، مثلا لوا كنت تتكلم انك إنسان طيب وذكرت مواقف بترسخ بذهنهم ، وما يكون كلام تباهي لا كلام عادي ، زي أي شخص يتكلم عن نفسه مثلا أنا لمن قررت اكون معيدة صرت اتكلم بهالموضوع واول من آمن بي اهلي وقرايبي كلهم فلانه بتصير معيدة و لو قلت لهم متى اتوظف معلمه قالوا لي لااااا أنت معيدةةة وتستحقين !!! حتى وصل لخطيبيي .... وانت لا بغيت تخطب تقرب من اخوان البنت صدقني بيعرفونك بدون لاتتكلم أنا مااقابل خواته الا بعزايم رسميه وانجنيت من الصفات الدقيقه اللي يملكها عني ... رغم اني مااتكلم بس افعل .. لاني مقتنعه فيني زي ما انا ولا صرت على حق ،، افعالك و طيبك وصدق نيتك بيكشفونها الناس عنك بالمعاشرررة .... انت تقرب من الناس اللي تبي تخطب منهم .... وتعامل بطبيعتك وصدقك ... والله يرزقك،،، رب رزق منعك منه ذنب ... لاتتصاغر الذنوب .. |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
اختي ممكن سؤال ؟ اشلون اتقرب من اخوان البنت ؟!!! يعني اهلي يشوفوا وحده او يسمعوا عنها نعرفهم من بعييييييييييييييد ويمكن ساكنين في منطقه غير منطقتنا وحتي لو ساكنين في منطقتنا اروح اطق الباب وادخل عندهم بالديوان ؟ مو مقبوله هالحركه نهائيا متخيله الموقف ؟ |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
لا أبدا لا تطق الباب
بذكاء تعامل مافيها شيء تكسب الناس ، طالما انك ماتستغفلهم وتكذب ، أنا قلت خلك على طبيعتك مو فجاة تقرب لهم لا مثلا خوالها عمامها اهلها احرص ع حضور العزايم اللي تخصهم و طلع طبيعتك لا تصير ساكت شاركهم مناسباتهم الاعياد تواصل وارسل رسايل معايده او مناسباتكم اعزموهم ، شيء طبيعي انك بعيد عن ناس بيرفضونك لمن يسالون عنك محد يعرف عنك شيء بيقولون القريب ولا البعيد و يتم الرفض !! حاووول تدخل مع جماعتك القريب والبعيد... وادع ربك ييسر امرك ويرزقك .... |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
اقتباس:
اعتقد والله اعلم ان نصيحتك لا تنطبق علي فقد اكون من بيئه ومحيط يختلف عنك وهذا الامر وارد فمن غير المعقول ان اذهب لناس ممكن ابي او اعمامي يعرفوهم من بعيد معرفه بين الجيل الكبير فقط وادخل عليهم فجأه وادخل بأي صفه ؟!! وتبيني اتعرف عليهم بعدين اخطب ؟ هذا اذا كان عندها اخوان بعمري وهذا اذا كان في بيتهم جمعه وديوان مستمر يا اختي نصيحتك بالنسبه لي شبه مستحيله ولا استطيع مجرد التفكير فيها اتمني ما تزعلين من كلامي حبيت اكون صريح معاك وجزاك الله خير مره اخرى نقطه اخيره اتمني توضحين لي كيف ابدأ اتعرف عليهم ممكن تتغير عندي الفكره تخيلي الموقف اللي راح اقوله او اللي انا فهمته لقينا البنت وعرفنا البيت اجي بسيارتي وافتر لين اعرف متي دوانيتهم مثلاً وشكلي كأني حرامي يحوم بالحاره فرضنا تسهل الامر وعرفت وقت اجتماعهم ومكانهم اصفط سيارتي انزل عندهم اسلم ويرحبون فيني ويقهوني وبعدين كأنهم راح يقولون منو ان ووش اللي جايبك بعرف بنفسي وبعدين شقول لهم يعني اقول لهم ودي اتعرف عليكم والا شقول يبي يعتقدون اني مو بصاحي او شحاذ واحتمال يعاملوني بطريقه استحقار ولا مبالاة لانهم راح يستغربون من تصرفي اتمني توضحين لي كيف اتعرف يمكن استوعب* |
رد : المجتمع ينظر لي نظره خاطئه وهالمشكله اغلبنا يعاني منها من غير ما يحس
هلا أخوي البدوي الحساس ... معرفك رائع :)
بخصوص موضوعك أستغرب ليه تخبي على الناس وأهلك ... يعني لو كنت ما تحب المطاعم مثلا وما تروح لها كان قلت لك خلك على طبيعتك وما يهمك الناس ..لو كنت ما تصرف وتشتري الغالي كان قلت لك خلك ماسك يدك :d لكن أنت تعرف وتصرف وتعيش ومخبي على أهلك وأقرب الناس لك مع انك عارف انه معرفتهم بتفرحهم فيك وتكبرك بعيونهم مع أني ما أوافق على مبدأ أن أكبر بعيون الناس لهذي الأسباب . لكن هذي هي نظرتهم وما أقدر أتدخل فيها . المهم أنت ... مو عيب لو عرفوا عنك أمور أنت ما تهمك كثير وما توزنها ومبدأها عندك مو كبير وتقولها لهم بس لأنك تعرف أنها تأثر فيهم . قول .. واطلع جدامهم ... ونزل شماغك يغسلونه لك لأن العصير انكت عليه بالعرس :23: واعزمهم على اكل المطعم وناقشهم لما تعزم بأي مطعم فيهم أرقى وأفخم . أنا عارفه ليش أنت ما تسوي كل هذا ..أنت مثلي ما تحب الفخشرة وبالتالي ما تحب أحد يقول عنك أي صفة من صفات المتفشخرين :26: لكن وبما أنها أثرت على حياتك فانظر لها من باب أن الله يحب أن يرى نعم عبده عليه .. وشوفة الحال تراها بداخل القلب قبل ما تكون بالأفعال وانت عارف داخلك فلا تهتم . تصدق مرات أحس أني اخذ اثم لأن عندي أجيب وألبس أفضل لبس ولا ألبس .. طيب ليش؟؟ ربنا منعم علي ولازم أشكر نعمته بأن أظهرها وافتخر انه أنعمها علي |
| الساعة الآن 05:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©