|
رد : عفوا .. هذي الزعلة حقتي!
اقتباس:
مبطلة زعل لكن انا استعد للزعلة الجاية هههههه:) وصادقة انا اصلا امشي ع هذا النمط بحجة اشتري سلامة راحتي فحاجة تمغص انو حتى الزعلات الكبيرة يلقوا لها مخرج :) |
رد : عفوا .. هذي الزعلة حقتي!
اقتباس:
|
رد : عفوا .. هذي الزعلة حقتي!
اقتباس:
الله يخليهم لك يارب حتى أنا أخواني ما لاحظت فيهم دا الشيء لكن الزوج غيرررررررر أخوانك حتى لو غلطو يقولوك بقواية عين . ايوا غلطنا وعاجبنا مالك شغل فينا ! |
رد : عفوا .. هذي الزعلة حقتي!
الحمد لله براءة أن مشكلتك منتشرة وعادية :) وأشوف ردودك بنفسية حلوة
شفت لك رد بأحد المواضيع من فترة وكتبت رد موجه لك أسألك عن أحوالك لكن الظاهر ما شفتيه أو انحذف :) ان شاء الله تكوني بخير وبدأ زوجك وأنتِ تتأقلموا مع الحياة الزوجية |
رد : عفوا .. هذي الزعلة حقتي!
هلا قلبي
شوفت ردك ورديت عليك ما اعرف اذا انحذف :/ مستجداتي زوجي بإجازة فحاليا مستقرين فمدينتنا ، وأوضاعي الحمدلله تمام نتيجة الاستقرار وكمان نظام رمضان ساعد كثير ،سرنا نجلس مع بعض شوية خلال اليوم . ومو زي قبل أول ما يصحى يلبس ويخرج ! بعد ما رجع من سفرته مع اصحابه سفرني داخليا سفرة ماشي حالها لكني فرحت نسبيا إن السفرة جات منه بدون ما أطلب ، .. بنص رمضان سافر ثلاثة ايام لمدينة قريبة لاصحابه ! يقول صلة رحم ، ومتوقعه انو يسافر قريب خارجيا ! وكم مرة يقول حروح لاوروبا اتمشى وحسكن مع اصحابي اللي هناك ! ماني عارفة كيف اتعامل معاه من ناحية كثرة سفرياته ! ورفضه لحاجات مادية أنا بحاجة لها وكلها للبيت ! بحجة أنا ماعندي وطلباتك غالية طلباتي الغالية بنظره ما تجي نص قيمة التذكرة ! وأنا أقوله مو شرط تجيبها مع بعض ! بكل مرة جيب حاجة لكن مو اخذها علباله ! نظامي ذحين اذا قال بسافر.. اسكت .. ما اتفاعل معاه ! أهم حاجة قبل يروح يعطيني مصروفي وحركز بالمرات الجاية مصروف للبيت كمان لان بأخر مرة رفض يعطيني للبيت بحجة ما معاه ! |
رد : عفوا .. هذي الزعلة حقتي!
اقتباس:
طيب كيف علاقتكم وتقاربكم لبعض ؟؟ تحسن؟ انتبهي من الحمل الى أن تتوضح لك كل الأمور حبيبتي. |
رد : عفوا .. هذي الزعلة حقتي!
اقتباس:
ﻷن شخصيته بدأت تتضح قدامي ، الحمل أن شاء الله ما يحصل إلا بالوقت المناسب لو إنه هوا مزاجي بهذي الناحية ! لكن أنا عندي أعراض صحية قريت بالنت إنها تسبب تأخر الحمل فكأني مطمنة :) ،لأني لسع ما راجعت عشانها ،، |
رد : عفوا .. هذي الزعلة حقتي!
صدق إحساسي و توقعي
قالي حسافر فالعيد آه يارب افرغ علي من الصبر الجميل ما يغمرني والهمني الحكمة بالقول والعمل قاعدة أعاتب نفسي إني زعلت وهتميت ! |
| الساعة الآن 01:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©