|
السلام عليكم
اخواتي _______ واخواني سكن كن , معالم , هيام الرح ,alhanoof , دمعة حائرة ,shirmelan , اtmr980 اسال الله لكم الجنه واشكركم على ردودكم هيام الرح اختي والله اني فرحت بردك وهديت شوي لالالالالالالالالالالالالالالاكن والله يا اخواني اني من البارح لانوم ولا اكل ولا حكي احس اني من هول الصدمه ما ني عارفه حتى اسمي على العلم اني طلعت ورحت معاه السوق لكن عجزت افتح حلقي بكلمه كل الافكار تتصارع براسي بسرعه رهيبه وكل ما لقيت نفسي بروحي هات يا بكي ودموع ليش ومتى وشنو السبب؟؟ انا استحي منه اشلون اقدر اواجهه والله ان هذي عندي صعبه قولولي دبروني بطريقه تحفظ كرامتي ولا تجرحه ادعولي الواحد القهار انه يخفف عليه هذه المصيبه |
لاحول ولاقوة الابالله
توكلي على الله وادعي ربك في كل صلاة ان يبعد عنه كل بنت تحاول تاخذه منك وبعد ذلك الحوار الهادئ اتوقع يفيدك |
القلب المكلوم:
السلام عليكم ورحمة الله احذرك من مصارحة زوجك وانصحك بأن تتغاضي هذه المره ولاداعي بأن (تحشريه) في زاويه ضيقه فقد تكون النتيجه عكسيه تماما. فقد يعترف انه يخاطبهن ويقول (خير وش بتسوين) عندها سيسقط في يدك ولن تجدي الا ان تستسلمي للواقع او ان تتركيه ( على شي ما يستاهل ). ولنفرض -جدلا- انه يحادث اخريات على الماسنجر فما عليك الا ان تحاولي ان تسيطري على وقته وان تتقربي منه خاصه اذا جلس على الحاسب كأن تحضري له الشاي او غيره من المرطبات او الاكلات وتحاولي اشغاله والحديث معه او ان تحضري بعض المجلات وتبدأي في القراءه بجواره (انشبي في حلقه) بتلقينه مع الوقت يستسلم وما يشوف الا انتي. وبالتوفيق |
كل مشكلة لها حل واولها المواجهة
مسائج سكر عزيزتي القلب الملكوم اولاً انتِ الان تعانين من ضغط نفسي ومن قوة الصدمة عليكِ ان تفرغي هذا الضغط قبل كل شي .. ابكي تضرعي بين يدي الله ابكي كثيراً فوق المصلى حتى ترتاحي نفسياً .. المواجهة نعم هي صعبة جداً .. خصوصاً انكِ لاتملكين الدليل المادي فقط شفتي او سمعتي . حتى تكون المواجهة منصفة لج وله .. قولي له انج توبين تكلمينه في موضوع .. لما يجي بيني له انج تحبينه وانه زوجج وثقتج فيه مالها حدود وقولي له انا شفت بالغلط كذا وكذا وتضايقت وقلت مستحيل ان زوجي الملاك الي جالس الحين معاي يسوي جي وانا متأكدة انه لو كنت انت مستحيل راح تستمر في شي يغضب الله وفي نفس الوقت يهدم ويزعزع الحب والثقة .. وانا تزوجتك لاني احبك واباك وسعادتك عندي تسوى الدنيا ومافيها .. وبيني له حجم المعاناة الي حسيتي فيها . طبعا ردة فعلة راح تكون النكران بشكل كبير .. ويمكن الله يهديه ويعترف ببعض الامور ويوعدج انه ماراح يرجع لها . من تجربتي الشخصية ,احتجت اني اصارح زوجي 3 مرات ,وفي كل مرة يكون مبسوط اني واجته وشرحت له احساسي .. لاتنسين ان تبينين له انج بتوقفين معاه مهما يكون وراح تساعدينه انه يتخطى .. ومن ثاني يوم حسسيه انج نسيتي كل شي وتزيني له وامدحيه وقولي له انج تحبيه ودلكيه يعني دلليله وايد وانشاءالله بترجعون احسن من قبل ...((على فكرة انا اول شي قلت له اذا ماتركت الي عندج بسير بيت اهلي وطلقني ,,لكني اكتشفت ان هاي اكبر حماقة قلتها ,لانها تزيد الطين بله ولاتفيد ابداً .. لكن الحب والمصارحة والشفافية هي المطلوبة)) لكن انج تكتمين بداخلج فهاي اولاً بسبب لج امراض ثانياً ماراح يحل المشكلة ابداً .. دعواتي لج عزيزتي انج تتوفقين ان شاءالله ونحن كلنا معاج ونرجوا من الله عز وجل ان يسهل لج امرج ولاتقولين انج ماراح تنسين هالشي ,,بالعكس الله يجعل بين الزوجين مودة ورحمة ويمسح على قلوبهم ويصفيها.. |
اختى الغاليع عسى الله يفج كربك.. مثلا دورى بمواقع الدعوه محاضرات عن الخيانه.. بدل ماتكتبي اسم المحاضره عليها.. اكتبي عليها(شى غير اسم المحاضره عشااان بسرعه يشوفها) ويسمع المحاضره وينصدم.. واتمنى من الله يهديه ويرجعه لطرق الصلاح....
|
اشكر كل من رد علي
ريا السنين فرووته الحلوه one1425 هيام الروح اسال الله انه ما يحرمني من اخوات لي لانني وحيده وما عندي اخوه مر يوم واثنان وانا لم اكلمه احس النيران شابه بقلبي بس اجامله هل من حقه هذا الشئ هل اتركه على راحته اشلون وانا تاكدت من هل الشئ بارك الله فيكم احساني في دوامه اما بالنسبه للكمبيوتر فهو عنده بالعمل وهو نادرا ما يستخدم كمبيوتر البيت |
المصارحة ولكن بهدوء ورويه وانتظار الوقت المناسب
|
والله يا اختي الله يكون في عونك بس مثل ماقال لك الكل حاولي تتاكدين من الموضوع وإذا تأكدتي حاولي اتواجهينه بطريقة حلوة ومافيها عصبية أو ممكن تحاولي انك تشغلي وقته عشان مايصير عنده وقت للكومبيوتر :rolleyes: :rolleyes: |
الله يكون في عونك يا اختي بس مثل مانصحوك الكل حاولي تتأكدين من الموضوع عدل وإذا تأكدتي صارحيه بهدوء وشوفي الاسباب اللي تخليه يتجه إلى هالطريق أو ممكن انك تشغلي وقته يعني اتسوين لكم جو بحيث مايحصل وقت للكومبيوتر
|
حبيبتي القلب المكلوم
والله انا حاسه فيك واعرف الألم والحسره اللي في قلبك مهي بهينه اكيد.......لكن مثل ماقالوا اخواني واجهيه احسن شي المواجهه وقولي له انك عرفتي اكيد راح ينكر فواجهيه بالادله وقوليله يا يحذف البنات اللي عنده ...او لا يدخل انترنت وماسنجر ابد .....يكلم بنات اجل انتي شنو بالنسبه له ليش مايتكلم معاك ناقصنك شي......والله الرجال مايملأ عينهم إلا التراب... انا حبيبتي كان زوجي كده وأكثر كان عنده صور للبنات بعد ....أكتشفته وواجهته وخاصمته بعد لين ماتاب واعتذر مني وقال والله مااعيدها ابد... الله يوفقكم ويصلحكم لما فيه الخير |
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©