منتدى عالم الأسرة والمجتمع - 12 سنة انتظر الزوج الصالح وصابرة وماسكه نفسي من الفتن والصبر مل مني ا

12 سنة انتظر الزوج الصالح وصابرة وماسكه نفسي من الفتن والصبر مل مني الى الله المشتكى
ذقت الهم والوجع والمر والتجريح والنظرات والهمز واللمز
قريباتي اللي قدي والي اصغر بكثير تزوجن وعيلن وانا اتفرج والعنوسة باقي
وش ذنبي ان شكلي عادية وش ذنبي ان لوني حنطيه وملامحي عاديه
مجتمع ماهمه الا المظاهر وبس
والله كل اللي حولي يمدحون بحشمتي ديني واخلاقي
بس كل الناس الحين ماهمها الا الجمال
بنات لبس عاري وعبايات ضيقه واخلاق ونفسيه شينه ولاسناعه ولاطبخ ولانفخ ومشوا ولاحظت انهن كلهن حلوات هذا زودهم علي انا وخواتي وبعض صديقاتي
جونا ناس وكلهم ينحاااشون
ناس زيون وعاديين وناس انا حلى منهم بمراحل وكلهم ماعجبتهن جتني شوفات ناس يهبلون من الجمال والبياض اتمنى بس الارض تنشق وتبلعني من الفشيله منهم حتي عيونهم مايطالعوني من كثر ماانا مو عاجبتهم
وش جابكم وانتوا دارين اني عاديه جايين عشان الاخلاق ويوم شافوني حتى الاخلاق ماهمتهم
كلهم حريم

حسيييت بجرح وبكيت وللحين مجروحه كل الحريم اللي جو يشوفوني وماعجبتهم
كنت مصدقه نفسي اي رجال يشوف اي حرمه حتى لو جمالها عادي بينهبل عليها
ولنه كان ععععادي وانا افتح منه بمراحل واجمل اشباه ولاعحبته من بعجب اجل

كل اسبوع نطلع زيارات للاقارب وكل بناتهم اللي كبري اللي عندها 2و3 مشغولين بعيالهم وانا ابلع العبره
لحد يقول طنشي احساس بالنقص بالحاجه شي غصب عليك حزن وزفره جواتك ماتقدرين تتجنبينها
وتدارينها المضحك المبكي ان اذا سمعت اخواني اواهلي جايبين طاري رجال من اقاربنا او بعيد اقول في نفسي يمكن يخطبني ويكون هونصيبي واتمنى واحبك دراما بالاخير عقب فتره اسمع انه خطب وبيتزوج

قريباتنا لادخلت لاجلست الاعب اطفالهم امهاتهن يقولن لااله الا الله توه يتذكرون ذكر الله يوم خذيت عيال بناتهم العبهن

حرمه قد قالت بخطبك لولدي فلان ايام الصباوالحين اقوى سحبه وكل ماشافت بنوته حلوه قالت بخطبها لولدي فلان قدامي
المتاخره عن الزواج مسكينه ان صبغتي ان رحتي عروس ان رحتي لناس وفزعتي معهم قالوا اي عشان يخطبونها لولدهم ولو هالشي صحيح كان كل من زوج عياله سحبت عليه وبدلت بوجهن ثاني لكن مانقول الا
حسبي على من آذاني
اصعب شي يمر عليك تحسين بحاجة كلمه حلوه حنان ضنا تلمينه لحضنك بيت انتي أميرته
تجيك الفتن من كل صوب الرجال يأذونك بالواتس اب بالتويتر بكل مكان وانتي تصدين عنهم رغم انك بأقصى حاجات العاطفه والزواج وأحد يسمعك وتسمعينه

وكل هذا فطره وحاجه طبيعيه في كل بني آدم
اللهم الهمنا الصبر والثباااااات
واغننا وعفنا بحلالك عن حرامك
واقضي حوائجنا
ربنا لاتزغ قلوبنا
ربي إني مسني الضر وأنت أرحم الراحمين
واقضي حوائجنا
ربنا لاتزغ قلوبنا
ربي إني مسني الضر وأنت أرحم الراحمين