رد : حتى سالم مايباني
 

الله يهدي سرك
بعدما تهدين راح تكتشفين إنك كبرت وهولت الموضوع
أبوك ماسوى شي حرام شرعا ولا عيب عرفا،،
اهدي وخلك واقعية،،
الله يطرد ابليس عنك.

رد : حتى سالم مايباني
 

قلت لسالم اذا ماوقت معاي الحين والله لاهد اللي بينا ياتنزلي بوظبي يااطلعلك دبي اختار وسكرت انا موب قادره اقعد اهني واسمع صوت خليفه وصياحه احس اني بنفجر مااقدر
اتصل في ذياب اطلب منه يقعد مع خليفه يقولي باجر بيكبر وبينسى ..
لاتزعجيني انا مشغول يالله برايج
قلتله ونعمة الاخو والله

رد : حتى سالم مايباني
 

اهااا اخت مكلومه النار ماتحرق الا ريل واطيها
لاتتكلمين عن شي مامسج ولو مسج مابيكون مثل غيرج

رد : حتى سالم مايباني
 

رد : حتى سالم مايباني
 

انا قعدتي هني شكلها مابتطلع بنتيجه
على العموم انا واايد اسفه اني فتحت عليكم موضوع بسيط وسهل بالنسبه لكم بالفعل انا وااايد اسفه
اطلع اي بقعه واغير واهدي نفسيتي أنا اللي ماصدقت نفسي تهدى وترتاح الا يطلعلها موضوع مثل هالموضوع
وخليفه الحين اسير اقوله ابوك بايعك واصحى وعيش لنفسك .. انا مااقدر اعيش لاي حد على كثر ماحاولت اهتم بتفاصيل البيت طول هالثلاث السنين اخرتها هاي جزاي .. انام اخر وحده عشان اتاكد كل شي مكانه
وهو غايب وبايع كل شي يازعم الريال عايش على ذكرى المرحومه وولده واثاريه متهني مع هالغريبه

وانا هني قايمه بدور الام والاب واحاول بكثر مااقدر اهتم في بيته
بس والله ودفنته بطي يحرم عليها توطوط داخل البيت ولا تحرق البيت بريحتها وتدفن كل زاويه شلت ذكرى المرحومه اللي لاهي ولااهلها يسوون اثر المرحومه شرفها الله في الجنه مستعده انفصل مع سالم واخلي يتسهل بطريجه ولا يدخل بمشاكل اهلي وتفاصيلهم

ربي يحفظكم

رد : حتى سالم مايباني
 

سامحيني يا سر الموقف هني لاسف موب قاعد يخدمني وحده تقولي انتي تزوجتي سالم خليه يتزوج على راحته
والثانيه تقولي الموضوع بسيط وانتي تضخمينه
والله ياسر والله ياسر انه تعور واايد لدغه ياسر احس انها لدغه من اقرب ناسي اللي المفروض يكون كل شي بحياتي طلع خاين العشره

كيف وانا اجوفه كل دنيتي وغلاته اكبر من غلاة خليه كيف يبيع غلاته بهالسهوله
الثقه ياسر الثقه خلاص اكثر شخص تنام الليل وانت واثق انه مابيخون ويخون زوج بيخون اخ بيخون صاحب بيخون لكن ابو
يا سر ابوووك يخونك
والله حرقه باليوف ياسر

رد : حتى سالم مايباني
 

اروح بيتها ؟؟ قالتله مبروك .. كيف اروح بيتها بكل بساطه قالته مبروك مبروك اكيد بتقوله مبروك لانه انه امي موب امها
والثانيه بيتها عدال بيت اخوان ريلها يعني لو رحت بفتح على عمري باب انا غنيه عنه باجر بيتكلمون وبيقلولون اطلعت زعلانه وبيضرونا بكلامهم

وزوجي يقول ماينفع تطلعين دبي اقوله ساعه بس اكون عندك يقول ماينفع ماادري شو فيه موب حاس في الللي انا فيه
على العموم اشكرج اختيه
بس ان شالله في حل موب معقوله اسامحه

رد : حتى سالم مايباني
 

أعلم هو صعب الآن عليكِ ..

عشان خاطري حبيبتي توضأي ..

رد : طلبت من سالم الذهاب إليه للتخفيف عني ورفض
 

خوالي لاسف كلهم مشغولين بحياتهم ومن توفت امي قطعونا وقليل يسالون
لو علاقتنا قويه كان انا سرت لهم بس ادري يدتي حنونه ومازرتها من وفاه امي والحين ازورها وانا اشتكي صعبه
انا لو كلمت خالي يكلم ابويه بيقولي مايقدر وهاي خصوصيه مااقدر اتجاوزها
اصلن كل واحد ملتهي بحياته يعني اكلم منوه او منوه

رد : حتى سالم مايباني
 

انا اروح اقعد عند خليفه بالاول وتالي اصلي العشا والله المستعان
بس والله والله ماسامحه