|
رد : وصلنا الى طريق مسدود
الله يفرج همك الله يهديه
حبيبتي انتي لاتعطينه مجال اذا قال كل واحد يروح بحال سبيله لاتردين عليه وتوافقينه مثل ماقالت سر استخدمي الذكاء العاطفي معه والزمي الدعاء ربي يفرج همك ويصلح حاله وأقرأي سورة البقره كل ثلاث ليال صدقيني بترتاحين وتتغير اوضاعك ورددي أدعية تسخير الزوج والإستغفار |
رد : وصلنا الى طريق مسدود
حبيبتي سر افهميني
هو مو اذا عصب سب وشتم لا اساسا انا ما اشوفه وايد تخيلي حتى الغدا اتغدا بروحي والعشا اتعشى بروحي وين الاستقرار؟؟؟! وين الجو الاسري وهو قالي هذا اللي عندي ما اقدر اعطيج اكثر يعتي مو ناوي على التغيير وانت ياما وياما دللته ودلعته يقوم يتطنز علي حقيقة انا كزوجة ماني مستفيدة منه ولاشي غير حسناته ههههههههه حاليا لا اكلمه ولا يكلمني صبري خلص خلاص ما عاد اقدر اصبر كل همه بيته الاول واحنا ورا ظهره حسبي الله عليه هو بالاساس بالاساس ما كانت له رغبة بالزواج فاكيد الانسان اللي ما له رغبة ماراح يعطي من قلبه وانا وايد ذليت نفسي له ودست على كرامتي عشانه حسبي الله ونعم الوكيل |
رد : وصلنا الى طريق مسدود
طيب موهبه هو لم مايبيج بيطلقج صح
ليه متمسك فيج للحين دامه مغصوب عليج ومرته وردت له شلي مانعه مايطلق |
رد : وصلنا الى طريق مسدود
لان بينتظر امه الى ان توصل الكويت
ما يعرف يسوي شي بدونها قالي اذا وصلت امي انا حاضر باطلقج وعلى فكرة كل وصياتكم سويتها بس ماكو فايدة صبرت ودلعته ودعيت بس هو مو قادر على بيتين وهذاك اساسا بيت مو مستقر يارب رحمتك |
رد : وصلنا الى طريق مسدود
موهبة معقول تهدمين بيتك من اجل توافه (ماتغزل فى ,يراسلها و ما يراسلنى. ما تغدى عندى)
تقولين حسناته يعنى عنده حسنات ,لا يعميك الغضب عن ايجابيات زوجك مادام قايم بواجباته من حقك بنتك تعيش بين امها وابوها,لا تحريميها الاستقرار,ستندمين بعد فوات الاوان |
رد : وصلنا الى طريق مسدود
لو بس ظروفه واحس واقف معاي نفسيا جان تحملت
بس هو لا ظروف لا لسان اخلاق سيئة يعني من كل صوب اللهم عشان لا ابخس حقه مع بنته ما يقصر ابدا ولا بالفلوس يقصر بس انا شخصيا ماني مستفيدة منه بالعكس احس يمص صحتي وعافيتي يبيني اصبر ويبيني اخليه على راحته ويبيني اتنازل عن حقوقي ويبيني ويبيني ويبيني وهو مع كل هذا اسلوبه سيء ولسانه سليط |
رد : وصلنا الى طريق مسدود
شلون باخلي بنتي مرتاحة وعايشة بجو مرتاح وانا اساسا مو مرتاحة نفسيا
ومو مستقرة كاني مطلقة اقعد واطلع واكل لوحدي شفايدة الزواج |
رد : وصلنا الى طريق مسدود
موهبة كم عمره وكم عمرج فديتج ؟
|
رد : وصلنا الى طريق مسدود
هو 36 وانا 32
بس هو تفكيره عاطفي الامور يحط اولوياتها بحسب قلبه مو بحسب عقله يعني اذا استانس معاي غير اولوياته وصرت انا وبنتي في المقدمة واذا استاء مني او مال الى زوجته نسفنا ويقولها اشكره مالج حق علي هواه هو اللي يمشيه مو عقله وانا تحس قواي استنزفت ماعاد فيني صبر والوحدة اذبحتني كله بروحي سامحوني كلامي ملخبط بس احتاج افضفض ممكن ما احتاج حل لان الحل حاليا بوجهة نظري هي الطلاق احتاج للفضفضة فقط والاحتواء |
رد : وصلنا الى طريق مسدود
اليوم الجمعة تضرعى الى الله و اسأليه ان يلهمك الصواب
|
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©