|
رد : مترددة بسبب كثرة شك زوجي بي
مع الاخت سابين
جايز هذا سبب طلاقه الاولي اختي ان كانت تجيه انتكاسات بفترات متباعده اصبري لكن ان كان معظم الوقت كذا استخيري والله يسهل لك |
رد : مترددة بسبب كثرة شك زوجي بي
بجد هالموضوع كان من فتره شغالني يعني مشابه له واحب اقولك يعني تفكيري بالموضوع بس ...
افتكر فيه شخص تكلم عنه الدكتور الحبيب .. وقال انه كان يعاني من وسواس مو بس مع زوجته مع كل اهله .. بس زوجته اكثر شي .. والسبب انه في مرحله مبكره من عمره .. اكتشف خيانه حقيقيه لانسانه تقرب له .. وصار هالانسان يسترجع بعقله كل المواقف ويفكر بالماضي كيف خدعتني قريبتي وكيف خرجت من وراي .. وهي قالت لي كذا وكذا من اجل تخدعني ووو .. وماخرج نفسه من هالحاله صار يفكر + الصدمه .. وبعد سنين تزوج .. وصار يفكر بالموقف تبع قريبته الي مانساه .. وصار يقارن بين حركات زوجته ( الطبيعيه ) مع قريبته الخيانه .. ودخل الحابل بالنابل .. ومع الوقت زادت الحاله ليـــــــــــــــــن بجد وسوس .. والوسواس معروف اذا ماتعالج وزاد يقوى مع الوقت .. طبعا اخر شيء اختنقت زوجته منه ومن وسوسته والشك والاسقاطات المريضه .. لكن هالانسان تعالج في الاخير لانه هو شخصيا تعب من التفكير والوهم .. _________ حبيت اقول هالقصه للفائده مو اكثر .. ___________ حاولي يتعالج واذا ماتعالج بنفسه .. - ابعدي عن أي حركه تثير الشك فيه - وحاولي تزيدي من مستوى ثقته فيك بأي طريقه بكلامك وافعالك ( انا اعرف انه انتي طبيعيه وعداك العيب لكن مجاراه لعقله ) - عليك بالدعاء لانه يطمن القلب ويبعد عنه الشيطان - حاولي تعتبريه بداخلك انه مريض واحتسبي الاجر وساعديه يتخلص من هالتفكير واسبابه . - صارحيه بأن هالكلام مايصير وانه يجرحك وصعدي بالتدريج من هالكلام .. من اجل يعرف ان الموضوع صعب عليك .. ويقول بخاطره اكيد سبب كلامها وزعلها اني تماديت كثير في اوهامي .. وربي يعينك ان شاء الله .. ويقويك .. وان شاء الله يبقى حبوب معاك على طول .. ^_^ |
رد : تردد
اقتباس:
أسأل الله أن يشفيه وأن يسعدكما |
رد : مترددة بسبب كثرة شك زوجي بي
نعرف زوجته من بعيد لو في شي كان عرفنا لانه يقرب لنا يعني كان مو موسوس بس اتوقع كان فيه مرض نفسي يمكن خفيف وزاد معي لانه من اخذته ياكل ادويه يقول عشان حراره وخرابيط يمكن مشت على زوجته وانا بان مرضه او زاد لانه اي شي يخله يوسوس
|
رد : مترددة بسبب كثرة شك زوجي بي
تصدقون بديت اوسوس اخاف يسوي فيني شي لانه اخر مره مسك يدي بقوه كان يبي يضربني بس بعد لاني تريقت على كلامه وسؤاله يقولي لي تلمسيني وانا نايم وش عندك قلت يمكن اتقلب لمستك عادي تصير هو يشك اني اراقبه نام اولا الله يستر ويشرح صدره ويشفيه ويبعده عني ان كان فيه شر لي
|
رد : مترددة بسبب كثرة شك زوجي بي
......
وصلت لانك تخافي على نفسك منه ؟ إحمي نفسك بالطريقه الي تقدري عليها وابدا لا تسمحي لاي شيء في الدنيا انه يأذيك .. ربي يقويك ويشافيه من هالوسواس .. ويبعد عنكم كل شر .. بس معلش هوا يتعاطى شي ؟ يعني يقلب من حبوب لشخص يبغى يضربك او يأذيك ؟ شوفي الامور من كل الزوايا .. اذا ماكان شيء نفسي ممكن يكون عضوي .. طيب قبل ما ياخذ الدوا وينام عن الصلوات وخاصه المغرب .. كيف محافظته على الصلاه جميعها ؟ |
رد : مترددة بسبب كثرة شك زوجي بي
والله اول الامر كان يصير حبوب شوي يقلب ويسال وش هذا وليه وكذا فتره رحلت لاهلي اخر شي وصفه له الطبيب علاج تقريبا نفع بس ممكن ينتكس بالنسبه للصلاه مايحرص مره يحب ينام كثير بس اذا كان صاحي يروح يصلي بالمسجد
|
احباط
سبق وذكرت عن حال رزوجي انه موسوس وشكاك المهم صارت السالفه انه من زمان صار له حادث اثر على راسه
المشكله ياكل حبوب كلها نفسيه ويقولي انها حقت العضلات جسمه يشد وفيه حراراه لاكلها تنظمه المهم قعد شهرين لاخر مشكله هادي المهم غير علاجه الدكتور لعدم توفره حاليا وصار زوجي ضعيف جنسيا اكثر من شهر يقولي هو حد مايتعود الجسم عليه للحين يتعود له عشر سنين ياكل الحبوب المهم صار موقف لها رحت مستوصف وقام يهاوش ليه مادخلته معي وحسيته توتر قلت جته حالته الممرضه احسها خافت المهم طلع ورجعنا طار بالسياره قلت بنسوي حادث جا الليل وعاد سالفه الدكتوره وقام يسوي حركات مو طبيعي انا مارديت جاني احباط ونمت قلت سالفته مطوله وش مقعدني عنده وتعقدت وجاني اكتئاب هو من بكرى يقول تهاوش بالعمل قلت ليه بس تهوش انتبه لتصرفك وقعد طول اليوم منسدح بالفراش وكسلان وساكت من بكرى رجع عادي بس مشكلته الجنسيه فيه ضعف من اول يعني احس لازم محاولات بس الحين احسه خلاص مادري شسوي احيان ارحمه احيان اقول مادري وش بيسوي بعدين تعبت اقول وش مصبرني كاني مزوجه شايب علما اني كبيره طقيت 35 يعني اتوقع لو حصل طلاق بتزوج كبير واحتمال صغير الله اعلم hfh |
رد : احباط
المشكله قبل الزواج بدت معاه او بعده
كم سنه متزوجه كم طفل عندك كم عمره |
رد : مترددة بسبب كثرة شك زوجي بي
تم دمج الموضوعين لترابط المحتوى ..
|
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©