منتدى عالم الأسرة والمجتمع - زوجي همه الوحيد اخواته وطلباتهم

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي همه الوحيد اخواته وطلباتهم (http://www.66n.com/forums/showthread.php?t=251234)

رد : زوجي همه الوحيد اخواته وطلباتهم

مشكورين وجزاكم ربي الف خير ان شالله بأطبق كلامك عاشقة القهوه ولايهونون الباقيين وان شالله خير...

رد : زوجي همه الوحيد اخواته وطلباتهم

ايش الشي اللي انتي تعطينة واخواته مايعطونه!!!

احرميه لحد ما يعرف اولوياته

رد : زوجي همه الوحيد اخواته وطلباتهم

حاولي تكسبين قلبه عشان يلبي طلباتك
ولازم توقفينه عند حده في السب قدام أهله

رد : زوجي همه الوحيد اخواته وطلباتهم

امه عايشه وشكيت لها الحال بس ماسبيت في بناتها حطيت اللوم على زوجي تفاجأت انها تقول بيودي بناتي ويهتم فيهم غصبا عنك قلت طيب يعدل بيني وبينهم انا بعد زوجته قالت هو عندك اطلبيه اللي تبغين ماحد منعك ..هي طيبه معاي جدا بس بناتها وولدها خط احمر ماتبيني اعارض على شي ..وكلمته اكثر من مره بخصوص السب قدام اهله ويوعدني يتغير وبس نجتمع ينسى كل شي

رد : زوجي همه الوحيد اخواته وطلباتهم

ريهام
أنت أخبرتيه عن وضعكم ببيت أهلك ؟!

رد : زوجي همه الوحيد اخواته وطلباتهم

تصدقين زوجك زي زوج أختي أفنى عمره في خدمة أخواته متزوجات وغير متزوجات وعياله وزوجته خارجين من نطاق تفكيره تماما في اي شيء لدرجة حتى الألعاب يشتريها لعيال أخواته وينسى عياله وفوق هذا كله تزوج عليها.... النتيجة ........ الآن عيال أختي رجال الله يحفظهم لكن الهوة اللي بينهم وبين أبوهم سحيقة تخيلي لايحبون يجلسون معاه ولايهرجون معاه يستجدي القعدة معاهم لكنهم رافضينه تماما هدم في نفوسهم كل محبة له اليوم اللي مو عندهم يفرحون وبقوة طبعا بالنسبة لأختي قفلت قلبها تماما عنه ولا عاد يهمها جا ولا راح زيه زي أي حاجة مالها قيمة عندها الله المستعان أتمنى ياريهام ماتوصلي لحالة أختي وتعالجين هذا الأمر من بدري لأن تراكمات السنين مستحيل تروح مهما حاولتي الله يعينك .

رد : زوجي همه الوحيد اخواته وطلباتهم

انا ماخبرته عن وضعي ببيت اهلي بس الاكيد يلاحظ انهم مايسألون عني ومايزوروني غير بالمناسبات واكثر من مره غلط بحقي وبحياتي مارحت بيت اهلي زعلانه او تدخل احد من اهلي استنجدت بأهلي اكثر من مره بس لاحياة لمن تنادي

رد : زوجي همه الوحيد اخواته وطلباتهم

انا بصراحه ماحبه نهائي خصوصا السنين الاخيره وربي صرت افكر انتقم منه بس خايفه على اولادي وبيت اهلي مستحيل ارجع له