رد : كيف ما أزعل عليه
 

اسفه كتبت الموضوع هني بالغلط كنت معصبه وما انتبهت اسفه ممكن تحطونه بقسم المتزوجين

رد : كيف ما أزعل عليه
 

لا لا تقولين يحبني لو يحبني ليش يعذبني انا لحين مابي اعرف اذا يحبني او لا هو يقول الزواج من حقه هو ما يشوف نفسه غلطان لا عشان جذي انا حتى اريد اقهره واخذ حقي

رد : كيف ما أزعل عليه
 

حبيبتي ملكة طيب انتِ تحبينه جاوبيني بصراحه

رد : كيف ما أزعل عليه
 

والله مب مهم بس انتي جاوبيني اذا يحبني كيف لازم يعاملني

رد : كيف ما أزعل عليه
 

انا لما قريت أكثر من وحده بالمنتدى تميت افكر انا ليش جذي انا ما سويت حاجه حق نفسي انا لما سجلوا ورثي من ابوي باسمه ما اعترضت صح حزت بنفسي مب عشان البيزات زعلت لا والله بس زعلت ليش هم خلوه يسجل كل حاجه باسمه انا أبوي ما علمني كيف اخذ حقي شفت موضوع سيدة الموقف وروح الطير شفت كيف هم قويات بس ارجع اقول هو اقوى عني
اليوم لما قالي انه هو المقصر مع حرمته ثانيه وهي مظلومه والله قلت انا الغبيه كان يغيب عن البيت بالايام ولا مره سالته قلت بخاطري يمكن صج يكون وياها وهو يقولي انه متزاعل وياها انا ما احب المشاكل ولا اقدر عليها جسمي والله ما يتحمل انا احيانا اغيب عن الوعي بالايام اذا تعبت كثير

رد : كيف ما أزعل عليه
 

أنا مب زعلانه عليه والله والله العظيم انا بس اريد اقهره هو مستغرب ليش زعلانه من زواجه يقول كان المفروض ساره تزعل مب انتي يقول انا ما قصرت وياج صبرت وايد ولحين من حقي اشوف حياتي وانزين وانا مب من حقي

رد : كيف ما أزعل عليه
 

اسفه عارفه كلامي مب مرتب واحس اني اكتب مثل المجنونه ترى هو يقولي انتي مريضه

رد : كيف ما أزعل عليه
 

آسفه جداً جداً جداً
اني سألتك هذا السؤال لكن كنت بقول لك اذا باقي تحبينه شلون تسوين معه
كنت بقول لك شنو يسوي اللي يحب
كنت بقول لك هو ليه هو يسوي كذا مع انه يحبك
اعتذر منك مره إخرى🌹🌹

رد : كيف ما أزعل عليه
 

لا تقولين اسفه انتي ما غلطتي ترى انا اقول لاي احد اسفه عشان جذي الحين ماحد يخاف مني ولا يزعل عشاني تعرفين ابوي علمني كلمة اسفه اقولها لصغير حتى كان يقولي اذا غلطتي اعتذري بس لحين لا ا حس غير كل حاجه ابوي علمني حاجات والله كثيره خالد لحين خلاني اكره كل شي علمني اياه ابوي انا تعبت لاني صرت ما اعرف من صح ومن الغلط ومستحيل ابوي غلط لانه كان طيب ويحترم الناس ويحبهم وما يغلط ولا يرفع صوته انزين انتي جاوبيني ليش اذا يحبني يسوي جذي لا تقولين عشان انتي مانعته قولي اي حاجه ثانيه

رد : كيف ما أزعل عليه
 

ينقل للقسم الانسب ^_^