المشاركة الأصلية كتبت بواسطة متفائلة بالله35 (المشاركة 3085616)

خلطة الزنجبيل الطازج والعسل الاصلي وتخلط وتوضع على السره من الليل للصبح خلطة روعه لها فائده في الشفاء من اغلب الامراض ان شاالله لمده معينه

علاج ألآم الصداع المزمن .
2. آلام العين
3. التهاب الجيوب الأنفية.
4. ألام الرقبة الخلفية والأكتاف
5. آلام الرقبة الأمامية والكتمة والربو.
6. آلام أسفل الظهر
7. آلام المعدة والمرارة
8. مشاكل القولون العصبي
9. الإمساك المزمن وكذلك الإسهال .
10.مشاكل انخفاض وارتفاع ضغط الدم.
11.آلام الركب
اما العين والحسد ما عندي فكره عنها

المشاركة الأصلية كتبت بواسطة جمانه222 (المشاركة 3085721)

اسأل الله ان يشفيك ويشفيني ويشفي مرضى المسلمين
اليوم لي ست ايام استخدمها حسيت بحراره خفيفه الحمدلله بس اللي لاحظته اثناء استخدامي لها انه خفت بعض الاتعاب عندي ونشطت شوي.

المشاركة الأصلية كتبت بواسطة أم خآلد (المشاركة 3085757)

أنا كان فيني مس

المس عشان يروح لازم بعد العلاج ورد يومي وتحصين

أحنا مانحصن أنفسنا أبد أبد!!

المس الحين صار منتشر بشكل كبير كبير والمشكله الناس يقولون لا مستحيل فيني جني!!

لأن يتوقعون أن المس مثل الي فالمقاطع يصرخون ويناقزون!!

مايعرفون أن المس يظهر نفسه لو كان ضعيف وغبي يبين على الشخص من كلامه وتصرفاته الغريبه بالذات لو كان الانسان ضعيف وخوّاف أو إيمانه ضعيف!

ولو كان المس ذكي وقوي مستحيل يبين إلا بتكثيف العلاج ومعالج شاطر يفهم في علامات المس وله تجارب وخبرات..

ولو كان الانسان قوي ومايخاف بسهوله وإيمانه قوي يصعب جداً ظهور آثار المس عليه.. ممكن عادي يصلي كل صلواته ويقرا القرآن والرقيه ومايبين أبداً

بالذات أن مو كلنا نعرف وعندنا خبره في علامات المس وآثاره

أنا وحده من الناس الي كنت أقول مستحيل فيني شي وأنا أصلي وأقرا قرآن

بالصدفه صار الموضوع.. كنت أقرا البقره لأني سمعت عن فضلها وأن الدعاء مع قرائتها مستجاب

وماكان ببالي التحصين وأن فيني مرض روحي..

بعد سنه يمكن أو أكثر.. بدت تظهر أشياء وعلامات في البيت وقمت أشوف وأفطن لأمور ماكنت أفهمها

قمت ألاحظ تدني مستواي الأكاديمي من بعد ماكنت من الأوائل صرت أرسب و أهمل درااستي لين ماطردت من الجامعه !!

وبالنسبه للزواج صارت أمور كثيره غريبه جداً لأ أفضل ذكرها لأنها خاصه

ولكن بما معناه أن الناس مايشوفوني بشكلي الطبيعي ولكن بصوره بشعه ومايمشي لي نصيب

وجسمي بدا يضعف ضعف مب طبيعي وصرت لما آكل مايبين فيني

وأمرض

وصرت أنطوائيه وفيني ميول للمعاصي غريب!!

أنا حتى أغاني ماكنت أسمع.. صرت أحب الطرب وأميل ميول مو طبيعي للمعاصي

أشياء أنا أتقزز منها سابقاً قمت أحس بميول نحوها.. واستغرب نفسي!!

لين بعدين وبعد ماكثفت العلاج مع أهلي .. قعدت سنتين من علاج لعلاج

بانت الأعراض بشكل واضح من حركه بعض أجزاء الجسم وكتمة الصدر والأحلام والكوابيس

ويجيني الجني في الحلم يجادلني.. أكتشفت أنه ملحد وأنه يعتبرني أنا ربه!

وسبحان الله طول عمري وأنا عندي ميول لمجادلة الملحدين.. أو حتى اهتمام بأفكارهم

عمري ماتبنيت أي فكر ألحادي الحمدلله ولكن كنت دايماً أبحث في الالحاد بنية الثبات على الدين طبعاً وهداية الناس..

طبعاً هو الجني كان يحاول ولكن الله حفظني من الاحاد عمري ما فكرت حتى

عالجت الموضوع معالجة نفسيه.. بفضل الله ثم بفضل إمام المسجد المصري

جزاه الله خير.. قال لي أنتي أقوى منه لا تخلينه يتحكم في جسمك يقعدك في البيت لا طلعي وشوفي الناس واشتغلي لاتقولين بيعطلني.. لا روحي اشتغلي قاوميه

لما يحاول يحرك جسمك سوي حركه غير.. لاتخلينه يتكلم على لسانك

طبعاً عمره ماتكلم.. مع أني كنت أحس بضغط عالحنجره كبير..

قاومته فعلاً وكنت استهزىء فيه وأستعين بالدعاء عليه.. ونفسياً أيقنت أن هو ليس إلا سبب وأن الله راد أني أتعطل في زواجي ودراستي وعملي ولما الله يشاء راح يزيل السبب عني!

توكلت على الله أولاً .. وقلت يارب أنا بصلح وبحاول وأنت عليك العلاج

قريت القرآن كامل لمده 6 أيام ثلاث مرات ورا بعض .. وكان رمضان

وسبحان الله وقعت عقد العمل وبعدها تزوجت .. هذا كله خلال شهر رمضان الكريم !

مع أن أم زوجي تقول أنها من سنين وهي تبي تزوج ولدها من عايلتنا

وصار لها أكثر من شهر تبي تخطبني وتصير أمور تمنعها

سبحان الله

بس تجربه جداً فادتني خلتني أؤمن بعالم الغيب إيمان قوي لأني حسيت فيه

وخلتني أعرف الناس الي عندهم مشكله مس أو شي .. وأقدر أساعدهم نفسياً وحتى صرت أعرف أعلاج وأقرا

كم مره قريت على ناس من أهلي وساعدتهم في العلاج الحمدلله بفضل الله سبحانه

القرآءه تفرق من شخص لشخص بحسب قوة شخصيته وإيمانه

لازم الجن يحس أنك أقوى منه وتحتقره ولا تهابه أبداً

أتمنى أكون أضفت لكم شي.. وأقدت

وشكراً

المشاركة الأصلية كتبت بواسطة صفاء مكة (المشاركة 3085792)

ولو كان الانسان قوي ومايخاف بسهوله وإيمانه قوي يصعب جداً ظهور آثار المس عليه.. ممكن عادي يصلي كل صلواته ويقرا القرآن والرقيه ومايبين أبداً

بالذات أن مو كلنا نعرف وعندنا خبره في علامات المس وآثاره


اختي انا غير مقتنعه بذي العبارة ع مافهمت
كل انسان مؤمن قوي او ضعيف يتعرض للوسوسة من شيطان هذا طبيعي مثل ماهو مذكور في القران لكن تلبس جن في الانسان
ويتحكم فيه وهذا الانسان مؤمن قوي يذكر الله ويقرا القران باستمرار ويقرا المعوذات والادعية النبوية يكون فيه اثر تلبس !
يعني افهم ان القران الكريم اعوذ بالله من هذي الكلمة ماقدر يحمي المؤمن القوي من تلبس الجن والشياطين
مومنطقي الااذا كان عندك ادلة من القران والسنة فياليت تنقليها لي عشان افهم واسال المشايخ واقتنع

المشاركة الأصلية كتبت بواسطة صفاء مكة (المشاركة 3086069)

هل ورد في سنه استخدام الزنجبيل في علاج الامراض دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!

المشاركة الأصلية كتبت بواسطة جروح..! (المشاركة 3085849)

سمعت فيها
وجربوها اثنين من قرايبي واحد اثرت فيه والثاني ماحس بشيء
بس تأكد انه مو شيء نفسي
الآلام النفسيه تتحول لعضويه بسرعه وتتطلع بالتشخيص واذا عالجت الألم النفسي يزول العضوي وهذا الكلام عن تجربه شخصيه
الله يكتب لكم الشفاء ويحسب أجركم عنده