|
رد : عزوبي على حسابنا .. الى متى نتشحطط
املي في الله
هو يمكن مو شايف هالشي في موضوع بخاطري عليه من سنين .. ما يسمح لي اعدل شي بالبيت ولما نختلف على شي يقول هذا بيتي ! مرة قلت له بيتك خلاص ما لي شغل فيه اذا تبي احد يجيك انت استقبله .. مرة اخته زارتنا وصارت تعلق هذي الطاولة مكسورة وهذا الدولاب متى بيتسكر .. تفشلت منها مع انه بيت اخوها .. بس بوجهي ام مريمي ابوي من اول زواجي كان يتضايق من هذي الحركة .. اخذني مرة ورجعني وكلم زوجي قال زوجتك بالبيت واحد مكانه المفروض ينحرج لنفسه وللموقف اللي حطني فيه .. بس عادي هان عليه بعدها باسبوع ينزلني انام عشان يطلع يسهر سالته وناقشته مليون مرة بالموضوع قلت له اسهر على راحتك البيت امان .. اللي يسويه انه يخلي الطلعة عشان يحسسني بالذنب او يقعد لي عالوحدة متفائلة تعود وخلص .. الاشياء المتعطلة ما تستاهل ستارة ركبها بيده اليوم مع انه كان قايل لي قبل اسبوع باجيب عامل .. انا ما ابيه يتحمل مسؤولية ولا ابي منه شي زيادة.. وبكيفه يطلع ويتركني ماعندي مشكلة .. بس ما اصير نص دولابي هنا ونصه ببيت اهلي روح الله يرحمها .. ما نطلع من جزا الامهات الله يخليلي اياها والله شايلتنا وشايلة عنا كثير كان الحين مضطر خدامة وسواق وحضانة ومصاريف وحياتنا صعبة.. بس بدال ما يراعيها ويخفف عنها يتركنا لها نغثها بحوستنا وصجتنا بالويكند والاجازات هذا جزاها .. يا ما قلت له يفهم بس ما يحس.. او يحس بس يطنش.. اهم شي نفسه الله يعوض صبرك ويفرج همك يارب حلم الايام نفس الاحساس يجيني .. لهالدرجة ثقيلين عليه .. والله اني ازعل على حال عيالي المفروض الويكند يستغله يتقرب منهم .. ما يكفي وسط الاسبوع كل اليوم مشغول عنهم ولا يشوفونه الا النص ساعة حزت الغدا هو عشان يريح ضميره ياخذهم بالشهر مشوار ومع ان المشوار لهم ما يقدر يتجمل ويتحمل شقاوتهم ويرجعهم يبكون بعدين يزعل عشان بنتي ترمي حالها على اعمامها واخوالها وتجلس باحضانهم .. ولا يفهم انه ناقصها حنان الاب اما انا فاسمع بليلة الخميس واتمنى اقضي معه سهرات حلوة ورايقة بالبيت بس ما يعطيني فرصة.. قبل ما يطلع من الدوام يسالني بيجي احد ياخذك والا تستنيني اوديك.. واذا قلت له ابي اجلس فتح تحقيق ليش وش صاير وغريبة والا يقول كلمي اختك تجيك . للحياة امل اعرف الغلط مني .. لاني استسلمت له من البداية ولا اخذت موقف .. ومع السنين تعبت من المشاكل وكنت اشتري دماغي وامشي على هواه واللي قلتيه اقدر اسويه.. بس ما ابي خلاص .. عشر سنين على هذي الحال مو شوية .. متى باستقر ويصير بيتي هو مكاني من غير ما احتاج حلول وحيل واعذار ونقاشات ابي هذا الشي خلاص يتغير يصير نظام وقانون |
رد : عزوبي على حسابنا .. الى متى نتشحطط
مكلومة
تعز علي نفسي .. انا تعايشت مع اطباعه من زمان .. ابيه هو يتعايش معي بدون ما اذل نفسي بنت طيبة الله يسامحك .. والله مو مني .. تعودت لاني تزوجته فقير كان راتبه 3500 وكنت اخاف اطلب منه ولايصير معه واحرجه او يضطر يتدين عشاني و الحمد لله الحين عندي راتبي يكفيني صح ودي انه يحس بالمسؤولية ويعطينا مصروفنا من نفسه بس ما اقدر اطلبه لانه في نواحي ثانية ما يقصر توه مغير غرفة العيال ومجدد المجلس |
رد : عزوبي على حسابنا .. الى متى نتشحطط
عطر حبيبتي سامحيني انت ماقلت إنك موظفة ولا قلت إنه راتبه قليل الامر يهون بهذي الطريقة لكن اللي عليك الآن هو موقف جاد عشان تستقرين انت وعيالك ببيتك .. على فكرة مادام دايما يقولك هذا بيتي ليه ماتشتري بيت لنفسك مادام انت موظفة يمكن لوشاف هذا الشيء بيحس شوية إنك ممكن تستغنين عنه وعن البهذله هذي .
|
رد : عزوبي على حسابنا .. الى متى نتشحطط
ارجعي غصب عنه حتى لو تطبين عليه فجأه..بعدين خير ياطير تسلفين منه لاغراض العيد؟؟؟؟ ترا كل الرجال يعطون حريمهم بلا مقابل موب تسليف!!!
|
رد : عزوبي على حسابنا .. الى متى نتشحطط
انا كنت كذا
بداية الزواج كان يتهرب من مسئولياته المادية ويفرح اذا قلت ابي اهلي احياناً كان يجي ويقول لي ماشتقتي لهم ؟! وكنت ع نياتي افكر انه يبغاني اروح عشان يتأخر بالسهر برى البيت واكتشفت بالاخير انه كان يقلب البيت في غيابي لاستقبال نساء قذرات بعدين قريت مواضيع ناعمه الهاشمي في بوصله الشخصيات واستفدت صار يصرف وبالاخير صار كريم جداً انت قولي له ابي مصروف ولا تطلعين من بيتك ابد ، فهميه انك المسئول عنهم وانك ماراح تدفعين عليهم ريال واحد شوفي الرجل اذا ماتحمل مسئوليتك بيروح يدور له وحده تحمله مسئوليتها هم يحسون برجولتهم وهم يدفعون لك |
رد : عزوبي على حسابنا .. الى متى نتشحطط
والله ياختي انا زوجي نفس الشي دائما يحاول يصرفني واذا رحت عند اهلي مايجي الا الصبح طلعت الشمس واذا قام ابوي يصلي الفجر يوديني بيتي ومع ذالك مايخجل تعبت معاه ومع السهر مايجلس بالبيت نهائيا .. تخيلي ابي اطلع نفاس ويقولي مو لازم لاتطلعين ارتاحي توك وبعده راح وسافر مع اصحابة...
والله ماينفع معهم مدمنين سهر وكوره وبلاستيشن وسفر .. المسؤليات اخر همهم.. كثر الدق يفك الحام انصحيييية لين يفهم ويخجل. |
رد : عزوبي على حسابنا .. الى متى نتشحطط
اقتباس:
الموضوع يبي لها تدورين وين راحتك وتروحين لها لا تراعينه على حساب نفسك وعيالك يبي الفكه منكم هو اللي يطلع مو انت وعيالك اقعدي على قلبه تفهمين هالجملة لا عاد تنومين ببيت اهلك ابد ابد ابد بينهبل وينفجر بوجهك ما عليك منه وش قلنا ؟! اهم شي راحتك لغاية ما يتعود على وجودكم في حياته نوعية رجلك من اللي تنتزع الحقوق منه والا ينسى الثانين ويفكر بنفسه بس انت كذا تدقين وتد ثابت في حياتكم الزوجية والا بتظلين تعانين طول عمرك |
رد : عزوبي على حسابنا .. الى متى نتشحطط
عطر تدرين وش اتمنى
؟؟ قسم بالله اتمنى خيزرانه منقوعه بماءوملح شهر كامل عشان تكون قاسيه وادخل عليك بيت اهلك واجلدك واجلدك واجلدك واجلدك لين تنسين اسمك لعنبو ابليسك ذا منطق؟؟؟؟؟ تاركه بيتك وجالسه عند اهلك وكل هالدق بالحكي والنفسيه ولا ستوعبتي ياقلبي انتي البيت بيتك مو بيته وبعدين تلاقينه يقول بنفسه دامها مرتاحه عند اهلها بكيفها مابي ازعجها تجي للبيت طبعاً بيقول كذا وش يدريه انك متضايقه وانتي ساكته ماتعلمينه تبينه يحس من نفسه هو لا يعلم الغيب ولا يحس باحساس المراءه العاطفي عطر ياقلبي البيت اذا فقد الاستقرار معاد هو سكن والاستقرار مايجي بكثرة الروحه لهلهك بتقولين هو السبب طيب بنفرض انه هو السبب انتي ليه سلبيه؟؟؟ لاتزعلين مني ياقلبي اي انتي السبب تاركته ع كيفه تبين الشي يجي بنفسومتحمله كل هالحكي يابنت الحلال شغلي عقلك العاطفي شغلي ذكائك النسائي شوفي دوامه متى ينتهي وروحي بدري لبيتك وجهزي فطور معتبر سوا بيت اهلك او اطلبي من هالحريم الي يسووون جاهز وارجعي قبله للبيت نضفيه وعدليه وعدلي عيالك واستقبليه وافطرو وجهزي له ليله حلوه وقولي له ماهن علي تكمل رمضان لحالك ومالنا غناه عنك ومن هالحكي خليه يحس بقيمتكم بالبيت بالحكي وبالفعل واذا قال ابي لين تكمل الشغله الفلانيه قولي له الي ناقص نكمله سوا وبالمهاداه والحليله البسيطه تقدرين عليه بس اتركي الحساسيه عنك ونختك |
رد : عزوبي على حسابنا .. الى متى نتشحطط
بنت طيبة
بسيطة ما صار شي حبيبتي.. هو مو فقير ربي اكرمنا الحمد لله .. بس ماعنده ادارة مالية ولايقدم الاولويات .. البيت من اهدافي الله يقدرني عليه. زهرة ما اعرف غصب وفجاة مو اسلوبي ووضعنا ما يستدعي لو قلت له تعال خذنا موب قايل لا.. بس انا ابيه هو يتغير ويستحي يرمينا على اهلي كل يوم والثاني.. اما المصروف اعرف وادري انه من حقوقي ولو طلبت ما يقصر بس تعودت صعب اتغير .. وفي سبب ثاني بصراحة اخاف من المنة لو بينه وبين نفسه وحتى لو جاه خاطر انه عطاني شي ما استاهلة .. هذا الشي عندي زي الكابوس. جروح انا سكرت هالباب عشان ارتاح ما ابي افكر فيه وارجع افتحه على نفسي لو عنده اللي عنده بسلامته بس بعيد عن بيتي مو يعيشني البهذلة عشان نزواته. وماعندي استعداد ادرسه واحلله.. ما ابي آخذ منه شي اذا ما جا من نفسه مجروحة الله يعيني ويعينك.. شوك ان شا الله هذا اللي بيصير بس حاليا مستثقلة الروحة وعازة علي نفسي بعد هالرمية .. افكر بعد العيد وباتحجج زيه باعذار تافهة خل يشبع عزوبية البيت اصلا يسد النفس عافس الدنيا والمطبخ مغبر ما لي خلق للشغل والتنظيف ذاتي من قالك هو ما يعرف .. يعرف احساسي دايما اقول له مو بعلم الغيب .. بس ما همه هو مو فاقد الاستقرار .. مستقر ومرتاح برنامجه ثابت وروتيني وماعمره نام برا البيت حتى والبيت في اسوا حالاته .. انا اللي افتقده واحتاجه وكلامك على راسي بس اسمحي لي ما اقدر ارجع بهالطريقة |
رد : عزوبي على حسابنا .. الى متى نتشحطط
عطر ياقلبي دامه عارف وفاهم ومش فاقد الاستقرار ضاغطه ع نفسك وفاقده الاستقرار ومتعبه نفسك وعيالك عشان مين؟؟؟؟
حبيبتي نصيحة اخت ارجعي بيتك ولاعاد تطلعين الا اذا انتي لك مزاج طلعه لك مزاج طلعه تروحين بيت اهلك روحي مالك مزاج قولي مالي نفس خلك صريحه بمشاعرك لاتسمحين لاحد يحبرك ع شي ماتبينه البيت بيتك ومملكتك اذا ماحفظتي عليه بقوة شخصيتك ماراح احد يسعى للمحافضه عليه فهميزوجك باسلوبك مو بالكلام اللام ماينفع مع الرجال لان تفكيرهم غير تفكيرنا فهميه اني في بيتي ومملكتى لي مزاج اطلع ابطلع لي مزاج اقعد بيتي بقعد اجلسي بيتك واذا قال روحي لاهلك او اهلي زياره قولي لا مالي نفس هالاسبوع بجلس بالبيت عندي شغل بهدو واحترام مره مرتين ثلاث لحد مايتعود |
| الساعة الآن 12:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©