رد : اخو خاطبي رفض اتمام الخطوبة لاختلاف الاصل
 

ممكن احد دخل براسه بعد خطبتك كيف واحده متعرف عليها قبل

او ممكن هو توه يفكر بالنقطه هذي

لان موافقه الاخ ابد مب مطلوبه

رد : اخو خاطبي رفض اتمام الخطوبة لاختلاف الاصل
 

حبيبتي
الجيل الحديد تقدم خطوه عن الي قبله
كانو الشباب يوعد بالزواج ويقولك اعلي مارضو قبل حتى يخطب ويتركك
الجيل الحديد يكلم اهله ويخطبك ويدخل بيتكم ويمكن يشوفك شوفه شرعيه
وبعدين بتركك بسبب الاهل او عدم اتفاق على شرط

هذي القصه سمعتها كثير
والله يستر من الجيل الجاي وش يسوي

احمدي ربك انه مااخذ منك شيء ثاني والا اهلك شكو وعرفو وذبحوك


احمدي الله
واشكريه
انتي محظوووظه

رد : محتاجه لكم
 

غلطانه ياربمو اختي تزوجت عن حب وولد قبايل كمان وعندها بنوته وعايشه احلى عيشه لاقوة الإ بالله

واختي الثانية حبيبها خطبها واخوه الكبير هوه اللي خرب خطوبتهم وكان عنده شرط غريب بس المهم ماتم زواجهم،،، شباب اليوم غيررر،،،

الزمن تغير ووسائل التواصل الإجتماعي غيرت كل شي كل شي بدون استثناء الي متى بنظل نحارب كل شي جديد في بداياته ولازم ينفرض علينا فرض ،،،،

رد : اخو خاطبي رفض اتمام الخطوبة لاختلاف الاصل
 

غاليتي ساندرا
الزمن ماتغير (الزمن هو الدهر والدهر هو الله)
اللي تغير هم البشر،
لا أحارب كل جديد ولكن أحارب كل ماهو خارج عن حدود ونطاق الشرع

اللي خلقنا عالم إن اﻹنسان يميل ويحب ويعشق (ألا يعلم من خلق وهو اللطيف الخبير)

في الحديث عن سيد البشر(لم ير للمتحابين مثل النكاح)
ومعنى الحديث أن الرجل إذا نظر إلى المرأة وأحبها، فعلاج ذلك الزواج بها،
قال*المناوي*في "فيض القدير" بعد ذكره لهذا الحديث:*إذا نظر رجل لأجنبية وأخذت بمجامع قلبه فنكاحها يورثه مزيد المحبة،

لكن الحاصل ياغالية هو استخدام وسائل التواصل من معظمهم في الغير مباح.
مو حرام اﻹنسان يحب لكن الحرام اللي صاير هاﻷيام اغواء البنات والتلاعب بهن،واﻹيقاع بهن،
حججهم سهلة،،ابوي ماوافق،،أخوي عارض،،أمي اعترضت،،المادة عندي مو ميسرة،،،،الخ
اللي مو قد الحب ولا هو قد المسؤولية وتبع لفلان وعلان وشخصيته غير مستقلة لا يورط بنت الناس،
اللي شوره مو بيده،وباقي ياخذ إذن أهله لا يقتل مشاعر انسانة بريئة،وبكل بساطة يصدمها بأعذار سخيفة،،
بكل صراحة مافي رجولة ولا نخوة ولا شهامة عند الكثير واﻷغلبية همهم التسلية مو أكثر،
لكن اﻷيام تدور بين الناس،،
اللي يتلاعب ببنات الناس اليوم الله بيسلط عليه أو ع ذريته من يتلاعب بهم.

*أرجوا يكون وصل لك قصدي.

رد : اخو خاطبي رفض اتمام الخطوبة لاختلاف الاصل
 

حبيبتي كل الاحتمالات قالوها لك الاخوان الافاضل وهي وارده

اللي يحب يقنع اهله فيها ويعمل المستحيل ليتزوجها مو يستسلم عن راي واحد
من اخوانه وتقتنع بكﻻمه بسرعه

واذا كان فعلا أخوه رفض يدل علي ضعف شخصيته

المهم اختي في احسن منه وافضل منه الله يرزقك بخير منه
لا تعلقي روحك بمثله

....

رد : اخو خاطبي رفض اتمام الخطوبة لاختلاف الاصل
 

جيل يخوف ماعندهم ادني إحترام للمشاعر البنت
بس كل شيء دين يرجع له في اغلي واعز ناس له
الله يغار علي محارمه

رد : اخو خاطبي رفض اتمام الخطوبة لاختلاف الاصل
 

اللهم أجبر كسرى وضعفي وقيلة حيلتي يارب عوضني وخذ حقي على من ظلمني

رد : اخو خاطبي رفض اتمام الخطوبة لاختلاف الاصل
 

يمكن لعبه منه

رد : اخو خاطبي رفض اتمام الخطوبة لاختلاف الاصل
 

مبتعثه تعجبيني بشخصيته وأفكارك دايم ادور ردك بكل موضوع بس ليش لعبه منه هو يحلف برحمة أبوه انه اخوانه كلهم ضده وقالي أسئلي اختي لو منتي مصدقتني بس انا اللي قاهرني ضعفه قدامهم ويقولي مابي ادخلك بمشاكل وتسمعي كلام يضايقك وكمان قالي انه اخوانه منبوذين من جيرانهم واقاربه بس ابي أوضح لكم الصوره

رد : اخو خاطبي رفض اتمام الخطوبة لاختلاف الاصل
 

مكسوره حتى لو كان كلامه صحيح
الرجل اذا حب وحده ووعدها يحارب العالم علشانها
قريبي حب وحده واهله متشددين مره واهلها بعد
حارب العالم كله وحاول المستحيل علشان يقعنهم واقنعهم
انتي خلاص قولي لا اقنعت اهلك تعال غيره لا
اقطعي تواصل معه
قريبتي حبت واحد وجا للبيت وخطبها
عقب اتصل وقال لاهلها عمي مارضى علشانها مو من قبيلتهم ويمكن يفضح علاقتنا
بغت تموت وبكا ودموع وحسره والم
تزوجت هي و هو بعد فتره تزوج وحده مو من قبيلتهم وشلون العم رضى هالمره اقولها كان يلعب عليك تقول لا حرام كان يبكي يبغاني
لا تتعلقي فيه كثير وتوبي لله وخلاص عطيتيه فرصه والكره بملعبه
بنات وقفوا بوجه اهلهم علشان تاخذ الي تبغى
شلون رجل ومو قادر
نصيحه اتركيه واغلقي جوالك وغيري رقمك واذا يبغى يعرف كيف يوصل لك
الله بوفقك يارب