|
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
تبين مقابل عاجل بكل شي تسوينه؟! عمرك ما رح ترتاحين كذا طيب ممكن لما ما شكرك انت جبتيها بمزح وقلتي له طيب لا شكراً ولا يعطيك العافية ولا شي؟! او اي طريقة ثانية حبيبتي فكي انت شوي ولا تدققين بتصرفاته هو ثقته بنفسه عاليه وعايش حياته وانت مركزة عليه وحاطته تحت المجهر كان ما لك حياة ثانية؟ كلام الاخت اللي قبلي سليم وجميييييل جداً طبقيه وبترتاحين انت مو ثقيله بس هذي المشكلة |
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
|
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
يقولي مو قليلة في حقي لو مااستاهل ماكان اشتريتي لي لوما اني طيب معاك ماكان سويتي وحطيتي وانتي ماجبتي شي خارق كل الحريم كذا يحبون يدلعون ازواجهم كل شي عنده مردود وكل شي عنده له مبرر له عذر له سبب ....سؤالي كيف أتأقلم مع عقليته |
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
وانت تزعلين اذا قال كذا؟! يا بنت الحلال اقلبيها لمزح اضحكي طيب قولي له " لو ما تستاهل كان ربي ما زوجك وحده مثلي؟ اكيد تستاهل!" وخلاص صرنا خالصين ، هو واثق من نفسه وانت نفس الشي باختصار انت بسيطة وواضحة وهو مللللكع |
رد : كيف أتأقلم مع طباع زوجي من غير ماأكبت وأمرض نفسي؟
باأحاول أوجز ماأريد في نقطتين
1- كيف أتأقلم معاه بصدق وأتجاوز حالة الكبت اللي فيني أنا صرت أصحى من النوم كأنه أحد خانقني 2-كيف أمسك نفسي ماأبكي أثناء العلاقة الخاصة ،لأن لي الآن ثلاث مرات كل مايحاول يقرب مني ويحضني مااقدر اتقبل هذا الشي منه فأحاول أجامل وأضغط على نفسي ماأبين لكن في النهاية أفشل وأنفجر بالبكاء وهو يسخط ويتذمر مني ويقول انتي كذا تجبريني على الحرام ...مايفكر يحضني اويهديني يقول لا انتي تعودتي على الدلع كم بتجلسين على هذا الحال أنا نفسي أسأل كم باجلس على هذا الحال طالما أنا ماعندي قدرة تحمل كبيرة وجالسة أضغط على نفسي وهو ماعنده أسلوب حلو يتعامل به معايا ولا يحسسني انه لي قيمة في حياته أكيد بنطول لين الله يفرجها من عنده |
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
وهو منافق ماينعرف صدقه من كذبه مستحيل امسك عليه شئ قد ماأحاول احشره في زواية يخارج نفسه منها شاكرة متابعتك لموضوعي |
رد : كيف أتأقلم مع طباع زوجي من غير ماأكبت وأمرض نفسي؟
اختي شكلك عندك تراكمات فضيعه
او انك حساسه زياده عن اللزوم ورومانسيه وطباعك تختلف عن طباع زوجك وهاذا الي متعبك كلام الاخوات كله صح خذي الامور بمزح وبساطه ولا تخليه محور اهتمامك ولا تدققي عليه عزيزتي لاتزعلي بس التعب النفسي الي انتي فيه مبالغ شوي بالنسبه لمشكله زوجيه،،،، يمكن في شي منكد عليكي غير زوجك وانتي مو ماخذه بالك الحمدلله زوجك مو خاين ولا كان صارت سالفه واحساس ثاني يمكن عندك نقص فيتامين ب12 كيف تتقبليه !!!!!!!!!!! هي قناعات لازم تغيرينها بنفسك واسلوب لازم يتغير عشان تتماشي معه باين انك محتاجه منه احتواء هالفتره وحنان لاانك ذكرتي كلمة اتمني واتمني كثير وقت العلاقه تبكي،،،،،كلميه قوليله يصبر عليكي شوي وانك تمري بفتره من الضغوط جربي تروحي طبيبه نفسيه بس عشان تتكلمي وتفضفضي لها اطرحي مشكلتك ع صديقه مقربه او اختك يمكن تلقي مواساه او تلقي رائيي يريحك اكثر ودعم منهم الله يفرج همك ويوسع صدرك ويريح بالك |
رد : كيف أتأقلم مع طباع زوجي من غير ماأكبت وأمرض نفسي؟
اعطيه جوه وعيشي معاه بدون جديه
حترتاحي كثير حطي ببالك هو حابك وشاريك بس اسلوبه وطبعه كيذا خلاص تبينه تكيفي معاه ع هالوضع تحبيه تقبلي عيوبه وسلوبه واتكيفي معاه.. |
رد : كيف أتأقلم مع طباع زوجي من غير ماأكبت وأمرض نفسي؟
شدني موضوعك مع اني لي فترة طويلة ادخل كزائرة بدون ما اعلق على المواضيع
شخصية زوجك شبيه بشخصية زوجي لنا 28 سنة متزوجين شخصيته قوية جدا وانا حساسة جدا و رومنسية و هو عملي لا تهمة العواطف كثيرا تعبت معه كثير الى ان اصابني اكتئاب و قلق و رهاب اجتماعي و اضطريت اني اتعالج عند طبيب نفسي واستخدم علاجات استخدمت نفس طريقتك في الاهمال ...قد يكون يتأثر باهمالي ولكنه يكابر ...ولكن كان يبان عليه التوتر كنت ادور في فلكه حتى ارضية ...لان كل ما اعطيته من اهتمام طالب بالمزيد دون ان يعطي او يشكر الى ان انتبت لنفسي فتوقفت ....تألمت في البداية لان مو من طبعي اني اكون جافة ولكن هو اجبرني مثل ما قلت لك ...بداية الامر تعبت ولكن بعدين ارتحت ... حبيت نفسي ...تفاهمت مع نفسي و تصالحت معها...عودت نفسي اني اهتم بها ومن ثم الاخرين تعرفي اختي ...هو لما حس اني تغيرت ...خاف من تغيري ولكن بعدين بعدين صار يحسب لي حساب كنت اي تقصير منه اتجاهي ...كنت اتكلم معه ..بداية الامر كنت اخاف ...ولكن بعدين زادت ثقتي بنفسي لم اهمل الدعاء في جوف الليل بان الله يسخرة لي في سياسة جديدة صرت اطبقها في التعامل معه ... ابين له انه في اول وقمة اهتمامي ...ولكن داخل نفسي اقول ...انا اول وبعدين البقية لن يهتم بي احد ان انا فقدت صحتي و عافيتي ...بل بالعكس سوف يبحث عن غيري ولكن الى الان انا استخدم العلاج المضاد للاكتئاب ... ولي اكثر من عشر سنوات استخدمها ولكن ...هو تغير معي كثيرا...صار هو اللي يغمرني بالحب و الحنان واللطف الرجال يبغي لهم طوله بال و المسايسة والدهاء في المعاملة حبي نفسك اولا و سوف يحبك ويهتم بك زوجك زوجك طيب ولكن هذه طريقته في التعامل ربي يسعدكم |
رد : كيف أتأقلم مع طباع زوجي من غير ماأكبت وأمرض نفسي؟
اقتباس:
انا مااهتم ولااطالبه بشئ كأننا زملاء في البيت وهو عاجبه الحال ولاطلب مني اتغير بالعكس هو يحب هذا الجو ولمن أطول على هذا الحال أعيش صراع وادخل في حالة اكتئاب وهو مايسمع لي عشان افضفض يقول هذي كلها من وساوس غيري من حالك ولا خلاص كل واحد في طريق وعادي الاولاد اجيب لهم شغالة وزمان اذكر جاتني نفسية قوية ورحت للدكتور واعطاني مهدئات استمريت عليها ثلاث سنوات يقول الدكتور معاك قلق وتوتر عصبي شديد والسبب زوجي وهو ولااهتم ولاسأل عن حالتي |
| الساعة الآن 05:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©