المشاركة الأصلية كتبت بواسطة ابو عبـد الرحيم (المشاركة 3114482)

يا هلا والله فيكم حبايب قلبي يامنتدى الاسرة والمجتمع الغالين والله اني من زمان ابي اطرح موضوع والحين تمكنت ولله الحمد

مشكلتي : هي عن والدي طبعا ابوي عمره 53 سنة اي ماهو صغير ابدا ابوي متزوج من 31 سنة وانا اكبر عياله وهذا وعمري 30 سنة والله تعبت منه للاسف مايسمع الكلام والدتي متوفية من سنتين وعاشت حياة سيئة جدا معه والحين اقولكم ليش ابوي انسان داشر

اولا : ابوي والعياذ بالله يشرب الخمر من زمان ومن اقولة يايبة انت في اخر عمرك في الدنيا صدقني اخرتها راح تكون في الجحيم يجي يسبني وكل شوي في حالات للاسف سيئة

ثانيا : ابوي مايصلي ابدا بتاتا وان قلت يايبة يلا امش صلي يعني اغصبه بعض الشي يجي يصلي وصلاتة كل غلط وغلط هذا ان كان استغفرالله والله ما ابي اتكلم على ابوي كذا لان مهما يفعل يبقى ابوي

ثالثا : ابوي حاط عينه على الخادمة بشكل كبير جدا والله العظيم اني مرة شايفه فتح غرفة الخادمة وشافني وعلى طول ولم سالته قال وهو يتعلثم عشان تسوي لي قهوة ؟ طيب كانت القهوة في المطبخ جاهزة وحارة ؟ وكمان شفته يوم من الايام يوم جت الخادمة عنده عطته الشاي قالها وش رايك تجلسين جنبي اعلمك عود وللاسف ابوي ناوي على شي ثاني والحمدالله الخادمة رفضت والى الان ابوي حاط عينه عليها

وللاسف انا تعبت مع التحدث معه وزي ماقلت لكم في الموضوع ابوي انسان للاسف بشكل كبير داشر حولنا ننصحة يعيئ لا صلاة لا قيام لا ولا ولا وكلامه والعياذ بالله بذيئ وطفشنا منه انا واخواني واخواتي وللعلم ابوي متقاعد قبل 3 سنوات اي تقاعد في سن 50 سنة والله صرت انحرج يوم يسالني ولدي ليش جدي يسوي كذا ما اعرف ارد والله فضحني ابوي جدا زوجتي صارت ماتسلم عليه ابدا كل الناس ابتعدو عن ابوي

وبمشيئة الله انكم تقدرون تساعدوني بما افعله مع الوالد