|
رد : هل تصرفي سليم؟ بخصوص سهر زوجي
اقتباس:
بالنسبة لضياع الهدف والمستقبل فحدث ولا حرج.. المتضرر الأول هو وأنا طبعا يلحقني الضرر بحكم اني زوجته.. عارفه انه انفصل من الجامعة أكاديميا بسبب المعدل.. الأخ مايتحمل يجلس ساعة في البيت يذاكر أو يحل واجبات.. مجرد ما يكلمونه أصحابه ويطلبون منه يجي يترك اللي في يده ويروح لهم طيرااااان, حتى مو شرط يقولون له تعال هو بس يعرف انهم متجمعين تجيه شعفه ومايرتاح إلا لما يروح لهم اللي في عمره كملوا دراستهم وحصلوا على ترقيات في عملهم وهو مكانك سر.. فقط لأن الاجتهاد مو موجود في قاموسه.. يمشي ورا هواه والشي اللي يحبه مو الشي المطلوب منه |
رد : هل تصرفي سليم؟ بخصوص سهر زوجي
اقتباس:
بس ان شاء الله ممكن تطورينه عاد امس يقولي كثير حياتي تغيرت بيكي ><<< قلت له طيب المفروض تكون انت اتغيرت hhf قالي انا تغيرت فيه أشياء كثير في تغيرت <<< ما أشوف شي ggg yyy |
رد : هل تصرفي سليم؟ بخصوص سهر زوجي
بس ﻵ تتعبي من انك تبذري الخير
و في نفس الوقت عيشي حياتك محد بيكفيك !! جزء من حياتك و يمكن جزء كبير بعد <<< يعتمد بعد الله على نفسك و مواقفك و اختياراتك في الحياه ﻵ تختاري الهم و النكد اختاري الجد و العمل اختاري السعاده اختاري القرب من رب العالمين و صدقيني بيفوق ان شاء الله الله يهديهم |
رد : هل تصرفي سليم؟ بخصوص سهر زوجي
الحاال من بعضه .. صراحه يطفش البيتوتي
اول الزواج يصدمك خروجه للانك مو متعوده حتى انا صارلي و كنت ازعل و انحرق وبالساعات هو مبسوط وانا متنكده و كنت اتصل كل شويه وينك تعال طفشت فجاه انقطعت ولا سار له اي اعتبار يقولي خفت من هالتغير .. سار يبغاني ادوره هههههههه بس يقهرني اذا سهر برى ولا يطلع كم ساعه عادي |
رد : هل تصرفي سليم؟ بخصوص سهر زوجي
عاشقة القهوة
الله يسعدك.. مشاركتك أثرت موضوعي والله أتمنى انه يتغير للأفضل مع الوقت.. أنا أحيانا أجيه بالنصح واللين وأحيانا بالزعل والله اني أحاول ما أنكد على نفسي وانبسط وأخليه هو كمان ينبسط بس أحيانا تجيني أفكار ما أدري هي صح وللا غلط: اني جالسه أضحك على نفسي وأقول اني تكيفت مع الوضع والحقيقة هي اني استسلمت والوضع مزري ومو قادره أغيره أنا مقهوره من جلسته برى البيت بالساعات وارتباطه بمواعيد مع أصحابه بدون مايرجع لي ويشوف إذا أبي أروح مكان.. يعني معطي الأولوية في حياته لأصحابه وأنا كذا ع الهامش.. أنا مقهورة كمان من لما يطلع معي أحسه جسد بدون روح لا ضحك ولا سواليف وكأنه قاعد على أعصابه ولما يدقون عليه أصحابه يقولهم أنا مع أهلي نص ساعة كذا وأجيكم <<< على كيفك انت تحدد نص ساعة يمكن أبي أجلس أكثر !!! والله في القلب كلام كثير بس الله المستعان |
رد : هل تصرفي سليم؟ بخصوص سهر زوجي
حلم الأيام
مشكوووووره على الرد طلع اللي مثل زوجي كثييير ههههههههه.. الله يصلح شباب المسلمين بس والله زين ان زوجك صار يبيك تدورين عليه.. أنا زوجي المصون ما يبيني أتصل عليه إلا إذا كان فيه شي ضروري وأحيانا أتصل ومايرد.. بعدها يعتذر برسالة ويقول الجوال كان ع الصامت أو ما سمعته أو ألعب بلوت والله أحيانا أقول البيتوتي أرحم ع الأقل يكون قدام عيني مو واحد يجلس بالساعات برا البيت ما أدري عنه وين يروح ومع مين يجلس |
رد : هل تصرفي سليم؟ بخصوص سهر زوجي
اقتباس:
صحيح كﻵمك و الله هذا كله من الولف <<< تعود على كذا و اذا بتغيرينه ﻵزم الصبر بس تكلمي معاه و قولي له انا قايمة افقد اﻹحساس بيك ابغى حبك و اهتمامك اعطيني وقت و اهتمام و يصير بعدين ما بزعل لو غبت إنما ﻵ تفكر في نفسك بس ة انت ايش تحب بس تدرين ليش هالحل مرهق ﻵنه صعب نعلم الناس كيف يحبونا و كيف يهتمون بينا زي اخي في الله و طرحه عن كيف تعلمين زوجك الرومانسيه الله يعطيه العافيه بس مستحيل تجي مني اعلمه مو نونو هو في المقابل اذا قصرتي في شي يحبه مثل الفراش مثﻻ يعني او طبخ و سألك او ناقشك او قال ليه تتصددين عني قولي اللي في قلبك و خليه يحس ان ﻷفعاله صدى !! و يحآسب نفسه اذا قصر مو احنا و بس اللي واجب علينا نعطي و اذا هو ما زرع ما رح يحصد bfd |
رد : هل تصرفي سليم؟ بخصوص سهر زوجي
عاشقة القهوة
المشكلة انه هو شايف نفسه مو مقصر ومعطيني كل الحب والاهتمام صحيح اننا تقريبا متفقين على ان فيه حب بيننا لكننا مختلفين في موضوع الاهتمام.. كل واحد فينا تفسيره للاهتمام مختلف عن الثاني أنا أفسر الاهتمام بأنه يشاركني معظم وقتي وبعض هواياتي (ولو مجاملة).. أبيه يعطيني الجزء الأكبر من وقته.. أبي نسولف مع بعض نلعب مع بعض.. باختصار أبي ونيس.. يؤسفني لما يرجع البيت متأخر نكون كلنا تعبانين ونعسانين مالنا خلق في شي.. والله حتى سواليف مايكون لي نفس أسولف.. حتى المعاشره الزوجية (واعذروني على الجرأة) مالي حيل فيها ولا خلق بس أضطر لتأدية الواجب.. لأن أحس طاقتي خلاص استنفذتها طول اليوم ولما يجي الليل أبي أرتاح وأنام.. أما بالنسبة له الاهتمام يعني انه مايخليني أحتاج شي من أكل أو شرب أو أي شي مادي.. ما أنكر بعد انه مايبخل علي بعواطفه.. ولكن.. أحس انه يبخل علي بوقته ما ابي أكون أنانية و أعزله عن العالم الخارجي وأخليه يدور في فلكي.. كل اللي ابيه وأطلبه انه يحدد بعض الأيام لطلعاته مع أصحابه وبعض الأيام لي أنا بمعنى أنه في يومي مايروح لأصحابه.. والله صرنا أنا وأصحابه مثل الضراير ههههههه |
رد : هل تصرفي سليم؟ بخصوص سهر زوجي
نسيت ما أقول انه كم مره يلاحظ اني زعلانه ومتغيره عليه وأصارحه بالسبب.. طبعا يغلبني بالنقاش وما أطلع منه بنتيجة
أنا عرفت ان حالته ميئوس منها من يوم ماسافرنا إلى دولة أجنبية.. كان كل يوم وحنا في الفندق ينزل البهو يقول يمكن ألقى سعوديين أو عرب أتعرف عليهم هههههه شر البلية مايضحك ما أدري هل فيه علاج سحري للي مثل حالته؟؟ |
رد : هل تصرفي سليم؟ بخصوص سهر زوجي
الزوج البيتوتي معاناه ...
اتمنى زوجي يطلع لو كم ساعة بالاسبوع ... 24ساعة بالبيت ... حتى لو بزور صحباتي يستناني عند باب بيتهم ... اشيل همه لو بخرج مكان ... مع ان اول الزواج ماكان كذا فجأة سار بيتوتي ... |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©