منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي مسكته الشرطه اول يوم العيد (http://www.66n.com/forums/showthread.php?t=254429)

غلاة امي 07-10-2014 10:35 AM

رد : زوجي مسكته الشرطه اول يوم العيد
 
اقتباس:

المشاركة الأصلية كتبت بواسطة Samo7ah (المشاركة 3118590)
انا اقول بدال هالفلوس اللي يلعب فيها روحي اسكني في بيت اجار عشان يتعدل يحسب الفلوس حساب
الله يعينك

صدقتي مابيحس ولا يتعدل الا اذا سكنت بيت بروحي وشاف المسؤوليه على اصولها شاف اهلي طيبين عجبه الوضع غلطتي اني ماسكنت بيتهم ولا بتعرف امه تادبه ماعندها هالخرابيط الله يعينا جميع

غلاة امي 07-10-2014 10:39 AM

رد : زوجي مسكته الشرطه اول يوم العيد
 
قولولي كيف استقبله بيرجع المغرب ازعل ولا ايش اسوي ماعرف كيف اتصرف ابغا موقف قوي ولا ماله داعي ازعل وهو توه طالع من سجن واطنش احس اني ملخبطه

حلم آلآيآم 07-10-2014 10:39 AM

رد : زوجي مسكته الشرطه اول يوم العيد
 
و الله بيندم على تضييعه هاللحضات
سارلي قبل زيك .. جهزت البيت ولي كم يوم اخطط واشتري وازبط
و قلتله فاليوم الفلاني لازم تكون موجود

اتصل عليه ادوره ارسل .. مافي حياه
مره زعلت زعلت و صلت معي ع الاخر
و قلتله بجلس عند امي .. يوم جا شاف البيت ندم

و كره نفسه .. و جلس يومين فالبيت قافل على نفسه
وما يرد حزنت عليه .. خفت يسير فيه شيء

يوم جيت عيونه مورمه و رايح فيها
سامحته ورجعت .. بس شكلي خلاص ما عاد اسوي شيء عشانه

كمان كان فالعيد وخرب علي احلى ايامي

روح الطير 07-10-2014 10:40 AM

رد : زوجي مسكته الشرطه اول يوم العيد
 
اهم من كل شي

هو فين يبات ؟
و مع مين يبات ؟
و يسهر مع مين ؟
و ايش يعمل برة لما يبات برة البيت ؟

المهم ..
مابغى اخبب عليك .. لكن كفاية استغفال الرجال لزوجاتهم

انا زوجي كان كذا ..
و نفس تصرفاته كذا كانت تقريبا ..

مسز داني 07-10-2014 10:40 AM

رد : زوجي مسكته الشرطه اول يوم العيد
 
عزيزتي
مو تقولين ان سهرته
تكون مرة في الشهر..او مرة كل شهرين؟
كيف يلعب بالفلوس و هو عطاك 60 الف من نقود وصلته
لا اعاتبك او اغلطك اختي
بس حسيت والله اعلم انك تضخمين في عقلك عيوبه
و تخففين من عيوبك وهذا يحدث كثيرا عند الناس
فتقولي يسهر مرة بالشهر لكن انت تهمليه مرات
حاولي انه ما يأثر غلطه على ردات فعلك بحيث تكوني مخطئة ايضا
بقدر ما تبحثي عن حل لسهره يرضي الطرفين

غلاة امي 07-10-2014 10:53 AM

رد : زوجي مسكته الشرطه اول يوم العيد
 
اقتباس:

المشاركة الأصلية كتبت بواسطة حلم آلآيآم (المشاركة 3118603)
و الله بيندم على تضييعه هاللحضات
سارلي قبل زيك .. جهزت البيت ولي كم يوم اخطط واشتري وازبط
و قلتله فاليوم الفلاني لازم تكون موجود

اتصل عليه ادوره ارسل .. مافي حياه
مره زعلت زعلت و صلت معي ع الاخر
و قلتله بجلس عند امي .. يوم جا شاف البيت ندم

و كره نفسه .. و جلس يومين فالبيت قافل على نفسه
وما يرد حزنت عليه .. خفت يسير فيه شيء

يوم جيت عيونه مورمه و رايح فيها
سامحته ورجعت .. بس شكلي خلاص ما عاد اسوي شيء عشانه

كمان كان فالعيد وخرب علي احلى ايامي

حلم زوجك ماشاءالله حس بغلطته وندم لو اول مره بتطوفينها وبتسامحيه بس انا داايم يكررها واذا زعلت وين اروح وانا اصلا ساكنه بيت اهلي ازعل عليه بعدين ارجع قسمي غصب عشان اهلي مايحسون بشي ومايفكني لين اسامحه وكل مره يوعد انها اخر مره وبعد فتره ينسا كل شي ونرد من اول وجديد تعبت من مكثر مازعل عليه واهاوشه مشكلته في الايام الحلوه يخربها علي ليته في الايام العاديه بتكون اهون

غلاة امي 07-10-2014 11:12 AM

رد : زوجي مسكته الشرطه اول يوم العيد
 
اقتباس:

المشاركة الأصلية كتبت بواسطة روح الطير (المشاركة 3118604)
اهم من كل شي

هو فين يبات ؟
و مع مين يبات ؟
و يسهر مع مين ؟
و ايش يعمل برة لما يبات برة البيت ؟

المهم ..
مابغى اخبب عليك .. لكن كفاية استغفال الرجال لزوجاتهم

انا زوجي كان كذا ..
و نفس تصرفاته كذا كانت تقريبا ..

مره في دبي ومره في الشارقه ومره في العزبه يبات
هو خوياه كثير فيهم المحترميين وفيهم اللعابين وانا ماعرف اذا بات يكون مع من فيهم على كثر مايقولي اخربط بينهم في منهم كبار عقال عيالهم على طوله وفي الي في سنه واخوه قالي انا مارتاح لبعض اصحابه
في دبي يقول تمشينا وفليل حجزنا فندق وبتنا ومرات يروح عشان سياير ويبات في الشارقه ومرات يجتمعون في عزبه واحد يسمرون ويباتون زوجي مايعرف للكمبيوتر كثير قبل فتره صار وايد يتابع افلام اباحيه يدخلها من موقع وانا اعرف زوجي مايعرف للكمبيوتر اكيد حد علمه كيف يدخل وكيف ينزل برنامج يفتح المواقع المحضوره وحاسه انه تعلم يوم يروح العزبه هناك الله لا يبارك فيهم يحسبني ما ادري ايش يدخل وانا انبش من وراه انصدمت منه طاح من عيني احس اني مااحبه والاحترام مايستاهله ممكن اعرف كيف تعاملتي مع زوجك

غلاة امي 07-10-2014 11:34 AM

رد : زوجي مسكته الشرطه اول يوم العيد
 
اقتباس:

المشاركة الأصلية كتبت بواسطة مسز داني (المشاركة 3118605)
عزيزتي
مو تقولين ان سهرته
تكون مرة في الشهر..او مرة كل شهرين؟
كيف يلعب بالفلوس و هو عطاك 60 الف من نقود وصلته
لا اعاتبك او اغلطك اختي
بس حسيت والله اعلم انك تضخمين في عقلك عيوبه
و تخففين من عيوبك وهذا يحدث كثيرا عند الناس
فتقولي يسهر مرة بالشهر لكن انت تهمليه مرات
حاولي انه ما يأثر غلطه على ردات فعلك بحيث تكوني مخطئة ايضا
بقدر ما تبحثي عن حل لسهره يرضي الطرفين

ايوه بعد فتره يسويها بس يسويها في الاوقات الغلط مايفكر فينا ومايعطيني خبر انه بيبات يووم كامل ماعررف هو وين حي ولا مييت كل مادقت في راسه راح وبات وماعليه من حد بعدين يرجع يعتذر ويبرر عالاقل اعرف انت وين بتكون يكون عندي علم تنرفزني حركته وعلى 60 ليش مايعطيني كل ماجاه مبلغ انا زوجته ويحقلي بس معاشه الشهري مايعرف يقسمه مصروف في ايدي حقي لا والمعاش يروح وانا ماشفت منه شي الا شياء الضروريه مرات يكون خاطري اعطي حد وحده ولدت ولا بشتري اشياء نفسي فيها كل مابغا شي رحت عنده قلتله عطيني يعطيني مصروف ويفك نفسه ويفكني يمكن معك حق مرات اضخم الامور وصررت مااشوف الا عيوبه وما يعجبني شي منه مرات اشوف نفسي عليه مشكلت بيئتنا كلها مظاهر في مظاهر واحس عيوبي كلها ردت فعل لافعاله كيف يكسرني في الايام الحلوه واكون زينه معاه ماقدر لو تعدل انا دايركت بتعدل لاني بكون مرتاحه وبعطي مثل مايعطيني زوجي واعرفه مابيتعدل الا اذا اخذت موقف قوي وتدخل الاهل بس ماقدر اخطو هالخطوه مش عشانه عشان نفسي كيف بيكون شكلي عند اهلي بتفشل وانا الي امثل اني مرتاحه ومابينا مشاكل

3beer1977 07-10-2014 12:23 PM

رد : زوجي مسكته الشرطه اول يوم العيد
 
خلاص الي صار صار
ونصيحتي خليك طبيعيه واستقبليه قدام عياله استقبال حلو
وبعدين ادخلي انت وياه بغرفه لوحدكم وتكلمي معاه باسلوب واعي
قولي شايف ايش صار من ورا اصحابك
مشاكل ومضاربه ودخلت التوقيف
انا واطفالك مو من حقنا نعايد ونفرح بالعيد
وانت معانا .. الحين لازم تشوف حل وتتغير
وتحس بالمسئوليه لو ما احبك ومتأمله فيك خير
بزعل وبقلب الدنيا فوق راسك
بس علشانك حبيبي وابو عيالي بعطيك هالفرصه الاخيره
وانا خلاص ماعاد اتحمل هالحياة .

وجيبي كل الكلام الي براسك بادب واحترام
وبيني له قوتك وصدقك وجديتك بانه لو ماتغير بيخسر بيته وعياله

والله ييسر امورك وتبشرينا انك حليتي الامور

أم دان 07-10-2014 02:58 PM

رد : زوجي مسكته الشرطه اول يوم العيد
 
استقبلي زوجك عادي ولا تزعلي ولا تصرخي ،اللي شافه في التوقيف كفاه لاتزيدي عليه،
أختي احتوي زوجك ،حني عليه،ثم عاتبيه في وقت مناسب ،،أعطيه فرصة يحس بتأنيب الضمير والذنب،
مهما كان خطؤه إنت كل همك ضيع عليكم تمشية العيد،،؟!!!
أختي أرجوك ثقفي نفسك ولا تضيعي زوجك من بين ايدك،
زوجك فيه صفات ايجابية كثيرة حاولي تستغلينها،،اطرحي موضوع واستفيدي من اﻷخوات وابدئي ببناء وترميم حياتك.


الساعة الآن 08:14 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©