رد : أهل زوجي يعذبون أبنائي
 

الله يعينك و يحمي لك عيالك

كوني قوية و واجهي. دافعي عنهم ... مالهم سواك

كوني لهم الام و الاب .. ولا تسمحي لاحد يسيئ لهم
مهما كانت صلة فيهم

رد : أهل زوجي يعذبون أبنائي
 

رد : أهل زوجي يعذبون أبنائي
 

أشكر جميع من رد علي..وربي يجعله بميزان حسناتكم.

بالنسبة ﻷسألتكم..
أسكن مع أهل زوجي.
نزول أطفالي..دائما ينزلون بطلب من أبو زوجي..
وإذا تعذرت قلت أبي أوكلهم أو أي عذر..على طول يدق على زوجي
ويقولة زوجتك حاشره الوغدان عني..وزوجي يكلمني يقول بسرعة نزليهم
وأقوله يافلان تو منزلتهم أبيهم مثلا يذاكرون
يقول أنا مابي مشاكل مع أبوي..
وللعلم والله العظيم ماعمري حاولت قطيعتهم
ﻷني أخاف الله..وأقابل أسائتهم بالاحسان
لعلهم يلينون لكن والله مايزودهم سكوتي وأحترامي وصبري ع أذاهم..إلا تسلط وتجبر وقهر لعيالي..
وأنا أعرف جيدا أنه ليست القوة بالصراخ والعصبيه
أذكر مرة حاولت أن أدافع وبكل هدوء وأدب
لكن مانفع معهم أبد..وبكيت أمامهم من شدة القهر.
ناس لاتعرف الرحمه..
وبالنسبة لزوجي للﻷسف كان يعرف
ومرة دافع عن أبنه..ﻷنه ضربه ولد عمته
لم يضربه فقط تكلم وقال هذا أخوك لاتضربه
وش سوت أخته زبدت ورعدت..وقالت أنتم ماتخافون من الله
تخانقون هالولد..قلبت السالفه وخلت حنا الظالمين.وهم البريئين
وتمسكنت عند زوجي ونزلت دمعتين..
ومن هالموقف زوجي تاب ماعاد يدافع عنا
وإذا شكو أطفالي له...يقول أكيد أنتم غلطانين
ويخانقهم..يخليهم يتندمون أنه شكى لهم
وعيالي تابو..مايقولون له

ومرة ضرب ولد حماتي ولدي وخنقه مع رقبته..وكنت أنا ببيت أهلي محرومه منهم..وراح ولدي فوق يصيح..ﻷنه قال لعماته ضربن فلان..قالن أحسن تستاهل..وجاه أبوه قاله ليه وش فيك وقاله فلان غالن مع رقبتي علشاني بس ماسمعته قال سكر الباب إذا طلعت وماسمعته وذبحن يبه..
وش سوى زوجي..بس راح وفصل البلاستيشن بكل هدوؤ
وقاله لاتضرب أخوك..ﻷنه خاايف من خوواته
يخااف ع زعلهن...وبعده راح زوجي ومسكن ولدي يخانقنه
ليه تعلم أبوك...وقالن لعيالهن ياويل أحد يلعب مع فلان اللي هو
ولدي..يعني حتى مايبونه يدافع عن نفسه..
قمة الظلم والقهر..ومواقف كثيرة تحصل تموتني عذاب

مثلا ولدي يكون كاشخ ومتعطر وينزل لهم
مبسوط..وتشوفه عمته وتقوول وعععععععع
وش ريحة هالعطر الخايسة..ليش لبسك كذا
يشككونه بلبسه.وضحكت الاطفال عليه..
المهم قالي..وحاولت أعزز ثقته بنفسه
قلت ماعليك من اي أحد يسبك..
بالعكس ريحتك حلوة ولبسك حلو..
يقول يمه ماأبي ألبس هاللبس
وأقوله خلك واثق من نفسك
ومن هالكلام..لكن من كثر مايحطمونه
ويلعبون بنفسيته..يتأثررر بكلامهم..
ومرة نزل هو وأخوه الصغير..قالت جاء
الكلب هو وأخوه..وضحكو الاطفال عليه
وفشلته..
ومرة ولدي تعشى معهم وجلس قبل
عيالهن بالسفرة وش سوت اللي ماتخاف من ربه
شاتت ولدي برجله تخانقه تقول أبعد وحطت عياله مكانه
وقامت صبت عصير لكل طفل من عيالهن
حتى اللي عمره سنه ونص ويوم خلصن
الاكواب قالت قم يله جب لك كوووب..
وإذا تعشى زوجي تحت معهم.أول مايشفن
ولدي يقلن تعاال ياقلبي هينا ويخلنه يجلس
بجنبهم وأول واحد يجلس ويعطنه عصير ع طول
وكل ياحبيبي ويقطعن له بيتزا..ويسولفن معه
ويضحكن معه..بحضور أبوه..علشان مايصدقنا
إذا أشتكينا منهم...أعوذ بالله كيد وخبث.
وعدم رحمة..مايخافن ربهن..

رد : أهل زوجي يسيئون لي ولااطفالي
 

اعوذ بالله شياطين ذولا ماهم آوادم يختي دافعي عنهم بيدينك ورجولك واعلى مافي خيلهم يركبوه البسة وهي حيوان مايعقل اللي يقرب من عيالها تخرمشه ..هما كذا ولا كذا ماراح يتركونك في حالك بس لاشافو منك الوجه الآخر والله غير يخافو ويعرفو إن الله حق .

رد : أهل زوجي يسيئون لي ولااطفالي
 

كل شيء كبري عقلك فيه وأصبري عليه إلا أطفالك لاتسمحي لــ ابن أمه يتعرض لهم بسوء
أو يدمر نفسياتهم , أيش راح تستفيدي لما بكره يكبرو بعقد وأمراض نفسية بسبب صبرك على
من لا أدب ولارحمة ولاعقل به

أسمحي لي السلبية منكِ زادت من عدوانهم وطغيانهم عليكِ
وعلى صغارك
إذا أبوهم سلبي وخواف
لاتكوني مثله

رد : أهل زوجي يسيئون لي ولااطفالي
 

انا بقولك حل بس عارفة الاعضاء بينتقدوني عليه بس انا لو مكانك كنت راح اعمله
سجلي اطفالك في نادي فيه رياضه للدفاع عن النفس زي الكاراتيه
ولا تكلمين انتي زوجك خلي الاطفال يقترحوا امكن يقتنع لو شاف حماسهم
اذا مانفع سجليهم في حلقة لتحفيظ القران اهم شي اشغليهم ماينزلو تحت
والله يحفظهم وستودعيهم ربك
وبالنسبه لحمواتك الله وكيلهم تحسبي عليهم على طول

رد : أهل زوجي يسيئون لي ولااطفالي
 

رد : أهل زوجي يسيئون لي ولااطفالي
 

لا حول ولا قوة إلا بالله ,
إنت لما حاولتي تدافعين عن أولادك سكتوك وبكيتي عندهم , يعني ما قدرتي تاخذين حقهم... ما فيك قوة بقدرهم (قوة أخذ الحق للنفس )
والموضوع أكبر من إنك تنتظرين لين تتغيرين وتقدرين تاخذين حقهم ..

* لذلك أولادك لا ينزلون تحت إلا مرة بالاسبوع وانتي معاهم , بما إن زوجك ضعيف شخصية مع أهله فبتقدرين عليه باذن الله , أولادك هم انجاز عمرك , حرام يتعرضون لكل هذي المواقف , إذا احنا موقف أو موقفين بالمدرسة مأثر على نفسياتنا وعالق ببالنا .

* الآن العقبة هي ما سيحدث بينك وبين زوجك عشان القرار الجديد , وهذي شطارتك وذكائك حطي هدف أولادي هم أمانة عندي
وماراح أعرضهم لكل هذا التعب النفسي ,

* الجانب المهم في الموضوع تعزيز ثقة الأبناء بنفسهم , إذا حدثوا لك بموقف اعتداء من الغير اسأليهم بعدل من غير عاطفة ماذا فعلت له كم عمره , وتذكري أن الخلاف بين الأطفال يحدث في كل بيت . لكن ما يحدث من عماتهم هو الطامة حقيقة .
واذا كان ولدك هو المخطي قولي طبيعي ياخذ حقه ( الطرف الثاني )

* لا تخلطين بين تقوية أبنائهم واحترامهم لعماتهم .
* إذا جاك يتكام خليه يقول كل الي بنفسه حتى لو غلط لين يسكت , عشان يفرغ , بعدين عززيه .
* قولي لهم في المواقف التي لا خلاف في خطأ عماتهم أنهم أخطأوا والله يهديهم بس إنت قوي مثل الجبل , و لا تهتم ..

الله يعينك ..

رد : أهل زوجي يسيئون لي ولااطفالي
 

مشكورات حبيباتي على الردود بنت طيبه الطيبة وسيدة الموقف و مرام سعود
وسكلوتا بكلوتا...الله يجعله بميزان حسناتكم يارب
ويرزقكم من حيث لاتحتسبون...

رد : أهل زوجي يسيئون لي ولااطفالي
 

عليكي بالدعاء الدعاء لا تستهيني به
تحري اوقات الإجابه