طيب كويس ان زوجك راح للجمعيات الخيريه وبكذا انحل جزء من المشكله الباقي هو انك ماتهتمين فتكاليف الزواج وزي ماقالوا الاخوات والاخوان مو مهم بعض الاشياء مالها لزمه واصبروا والله بيسرها من عنده اذا ربي كاتب ان يجمعكم بالحلال راح تنحل مشاكلكم واقل الزواج تكلفه اكثره بركه والله يبارك لكم ان شاء الله وصدقيني من اول ماقريت مشكلتك اليوم الصباح وانا اقلبها يمين يسار واقول الله يعينهم ويرزقهم وتحياتي اختي....

أسأل الله العظيم رب العرش العظيم الحى القيوم الواحد الاحد الصمد الذى لم يلد ولم يولد ولم يكن له كفوا احد ان ييسر لكما امركما وان يجمع بينكم فى الخير دائما وان يبارك لكما ويتم زواجكم على خير وجه وان ييسره لكما وان يرزقكم ذرية طيبة صالحة.
فإنتى اخيتى انسانة اكثر من رائعة فوقوفك معة يدل على ذلك ومافعله والدك انما من باب حرصه وخوفه عليكى جزاه الله خيرا وكذلك خطيبك اكثر من رائع برده المبلغ عند علمه وادعوا الله ان يؤلف بين قلوبكم على محبته وطاعته .

ياااااحبيبتي يازاهده

وربي اني حاسه فيك لان حالتنا انا وزوجي مثل

حالتك ماتصدقين اذا قلت لك اننا اوقات نبكي سوى

ودنا نعيش مع بعض لكن للاسف الماده هي السبب وانا لي

متملكه 8 اشهر ومااتمنى تطول المده

بس اختي حبيت اساعدك بشي انا سمعت عن مشروع الشيخ

بن باز وانه يعطي كل شاب بيتزوج عشرين الف

خلي زوجك يروح لهم

وبالنسبه لابوكي حاولي تتفاهمين معاه بهدوء

وخبريه ان زوجك جاب الفلوس وزياده

وادعو ربي اللي مايصعب عليه شي انه يسهل عليكم

وعلينا وعلى كل متزوجين ويجمعنا مع ازواجنا ياااااااارب

زاهده .. والله فرحتي قلبي يوم قلتي انها رجع المبلغ .. يعني انا كنت خايفة عليكي مثل ابوكي ..

اول شي خطوة رائعة جدا انه يروح للمؤسسات الخيرية ..

وحاولوا انكم توفروا الضروريات .. والباقي يجي بعدين ..

بالنسبة للوالد صلي ركعتين وادعي الله وروحي كلميه وقوليله يحمد ربه ان ربي رزقه ببنت تدور على الرجل الصالح في زمن اتغيروا فيه الناس .. واشرحي له الوضع .. وقولي له اني صليت الاستخارة .. كلميه بنت لأبوها .. قولي له ان سعادتك وراحتك مع هذا الانسان اذكري له حديث الرسول اللهم صلي وسلم عليه (( الارواح جنود مجندة ما تعارف منها ائتلف وما تناكر منها اختلف )) ..

ولا تنسي الدعااااااااااااااااااااء والله للدعاء فضائل اكثرنا يغفل عنها ..

والله يتمم لك ولكل منهم مثلكم بخير يارب العالمين .. ان شا الله بعد كذا ترسلي رسالة تقولي اني تزوجت
آمييـــــــــــــــــــــــــــــــــــن

الأخت زاهده ...

هل يستطيع التقديم على بطاقة Master Card ؟؟؟

حيث أنها تسمح بشراء ما قيمته راتبين من راتبه ومن ثم يسددها البنك كل شهر من حسابه ...

وأكرر ... شراء وليس سحب نقود ... نعم يستطيع سحب النقود ولكن السحب النقدي سيدخل في مسألة الربا ...


AM7

ما أقدر أنصحك بشي مثل الإستغفار , والدليل قوله تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً (10)يُرْسِلِ السَّمَاءَ عَلَيْكُمْ مِدْرَاراً (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً (12) )

مشكورين أخواني وأخواتي على وقفتكم معاي وبصراحه لو ماآرائكم وتشجيعكم لي كان ليلحين ماانحلت المشكله.

الحمد لله سويت الي قلتولي عليه وكلمت أبوي ، والحمد لله قدرت أقنعه والحمد لله أقتنع بكلامي واتصل بخطيبي وكلمه واستسمح منه والحمد لله رجعت المياه لمجاريها.
أما بالنسبه للمصاريف ابوي راح يساعده باللي يقدر عليه .

بس بغيت اسأل الأخت life_ roseعن مشروع الشيخ بن باز اشلون نوصل له ؟؟؟


تحياتي: زاهده

بسم الله الرحمن الرحيم

السلام عليكم اخواني الاعزاء

زاهده عيوني والله انك فرحتيني بهالخبر وبصراحه كم تمنيت ان تتيسر الامور معك والحمد لله تيسرت والله يجعلها في ميزان حسنات ابوك واحنا فزمن صعب والله يعين الاخت اللي متملكه من ثمان شهور وزي ماقالت بسبب الماده الله يعينكم ويعين كل مسلم والله يفرج همكم وهم كل مسلم ومسلمه والله يجمعكم بازواجكم تحت سقف واحد في ظل الحي الذي لا ينام سبحانه جل شأنه ....

بصراحه انتي قدوه صالحه في اعانة الزوجه لزوجها على مصاعب الحياه ...

دعوادي لكن بالسعاده ولقاء الاحبه.....

تسلمين أخت مبتدئه والله يجزاك ألف خير أكيد بدعائكم لي تيسرت الأمور وانتو يأختي ماقصرتو نصحتوني وشجعتوني وأنا كل ماأقرأ رد اتشجع أكثر واكثر .

والبناتياأختي لو يسوون مثلي ومثل الأخت life_ rose انكان يمكن انحلت مشكلة العنوسه على الأقل .
والي أطلبه من البنات أنهم يراعون الشباب وخاصه الي ظروفهم صعبه وانشالله راح تلاقي السعاده من رب العالمين لأنها رئفت بحال فقير والكثر من كذا أنه زوجها والله سبحانه وتعالى راح يعوضها صبرها أكيد.

تحياتي: زاهده

يارب يسعدكم

الصبر والدعاء والعزيمة تصنع المعجزات

تحياتي