|
رد : جرحت زوجتي و ندمان
الله يديم المحبه بينكم ولايغير عليكم
من واقع تجربه ممكن تكون فاقده الأمان لأنه كان يصير نفس الشي بسبب مشاكلي مع زوجي وكنت جدا كتومه مااحب المشاكل واذا فتحت مشكله انقلب الجو كئيب خلهآ تحس بالأمان معاك وتثق فيك مع الوقت راح تصارحك أهم شي اذا تكلمت لاتقاطعها وخلهآ على راحتها وحاول تستمع لها وتكون متجاوب معاها وحاول تسحب الكلام منها بطريقه ذكيه الله يهنيكم ولاتنسى التحصين انت وزجتك |
رد : جرحت زوجتي و ندمان
ما شاء الله تبارك الله
أنا مع إختي ترانيم البنت إللي فاقده الأمان تجيها أيام تحزن و تخاف من المستقبل الأمان أهم شي بحياة أي مخلوق حسسها بالأمان بكلامك و تصرفاتك أهم شي الكككككلام طيب خاطرها بالكلام الطيب إللي يرفع المعنويات الله يخليكم لبعض و يبعد عنكم كل شر |
رد : جرحت زوجتي و ندمان
انا اشوف تبطل اعتذار لان الشغله بلفعل ما تسوة ... واذا دخلت بحزن من جديد طنش وازعل انت ... واذا سألتك ليش قول لها لان انصدمت انك من النوع الي ما ينسه ويسامح .... زعلها مو منك بس هل موقف اتخذته شماعه تعلق عليه شخصيتها المائلة للحزن ... الزوج حلو يشد شوي ويرخي شوي وترة احنا النساء اذا لقينا حبيبنا كله عسل ناكله ما نخلي فتفوته فيه
احلي شي في الانسان يصغر قلمه فلا يمسك علي الغير زلاتهم ويكبر مساحته (ممحاته ) فيغفر وينسي اخطاء الغير |
رد : جرحت زوجتي و ندمان
السلام عليكم جميعاً,,,
أشكر الجميع على الردود و الحمد لله ارتحت كثيراً من ردوركم... من خلال ردودكم تأكدت من احساسي الاخر ؟؟ زوجتي دائماً تتذكر اشياء محزنة صارت لها بالماضي و تندب حظها و انها وحيدة ووو و تحب تكون وحيدة بهذه الاوقات مع انها لما يكون عندنا ناس تكون جداً مبسوطة و اجتماعية جداً,,,, بصراحة طبعها هذا ينرفزني جداً لانه يجيب لي الكآبة و البيت كامل يصير ممل جداً و أنا كنت اسكت و احاول اواسيها لانه كنت احس انه أنا السبب باللي يصير لها و مع نفسي اتمنى لو اني تزوجت وحدة تحب الحياة و البسمة دايم بوجهها !!! مع أن زوجتي ممتازة من جميع النواحي الا من هذا الموضوع و بصراحة انه مهم بالنسبة لي ابغى ارجع للبيت من يوم طويل بالعمل ارتاح و اضحك شوي مو كآبة في كآبة " تصير يومين او ثلاثة بالاسبوع" "!!! كيف اخليها تتغير مع انها ما تتكلم يعني ما تجي و تشكي لي لا بس يبين بوجهها و اذا طنشتها و سويت حالي من منتبه انها متضايقة تصير تجلس قريب مني علشان الاحظها و بصراحة اني احبها لانه مو مقصر بأي شي و علشان كذا صعب اني اطنشها ؟؟ عطوني من خبراتكم بالحياة ؟؟ اخاف يستمر هذا الوضع سنين !!! يا ناس طاقة سلبية بالبيت ؟؟ خلاص لما اشوفها كذا اتذكر الموت ووو و الاشياء الحزينة باحياة و انسى الاشياء الحلوة ؟؟ ساعدوني ؟؟ والله يجزاكم كل خير,,, |
رد : جرحت زوجتي و ندمان
لما قلت تأكدت أحساسي الثاني أقصد :
أنه هي شخصيتها كذا مائلة للحزن و انها الضعيفة و المظلومة و المنحوسة وووو و ما فيه أحد يفهمها الخ.... و ارجع و أقول لما يعني تدخل جوء الحزن مستحيل مستحيل تتكلم حاولت مليون مرة و بجميع الطرق اخليها تتكلم مو راضية,,, ابغى اغيرها شلون ؟؟ صراحة حاولت اقراء بالنت مشاكل مشابهة حصلت وحدة نوعاً ما نفس المشكلة و اللي مخوفني صاحبة المشكلة تقول انها متزوجة من 10 سنوات !!! مستحيل و صعب جداً أصبر مثل هالمدة ملل و كأبة ؟؟ |
رد : جرحت زوجتي و ندمان
احتمال كبير انها طريقة تحاول تلفت فيها نظرك لها.. تبي اهتمام زيادة.. وجربتها كم مرة قبل ومشت معاها :)
يمكن مثلها مثل اللي يتميرض عشان يهتمون فيه.. فاقولك بالاحوال العادية اهتم فيها ودللها واعطيها وكثر.. بس اذا جتها هالحالة لا تعلق على هالموضوع واسكت لا تبدي له اهتمام ابدا.. يمكن تزيد العيار هي شوي تجس نبضك عشان توصل للي تبيه وكمل الهدوء عندك "بدون ماتبين لامبالي" عشان تستوعب ان هالاسلوب ماينفع.. موفق |
رد : جرحت زوجتي و ندمان
اقتباس:
كيف تسوي هذا الشي علشان اهتم فيها بالعكس لما تسوي كذا ردي يكون كذا ؟؟ دائم اسالها وش فيك متضايقة ؟؟ تعبانه ؟ و جوابها لا مافيني شي ؟ خلاص اسكت و هي تسكت ساعة ساعتين ثلاث اربع او حتى خمس ساعات او لين اروح انام او هي تنام و نصحى الصباح كانه ما صار شي !!! يعني بالعربي ما تستفيد شي بس تضايق عمرها و تضايقني معاها !!! |
رد : جرحت زوجتي و ندمان
اقتباس:
الزبدة اذا شفتها كذا لاتبدي اي ردة فعل وتصرف بشكل طبيعي كنك مو شايف.. عاد اذا بدت تتشكى اسكت برضو بس اسمعها.. عشان مايصير في مدخل ان ماعندك احساس.. الخ واذا المشكلة تفاقمت.. فهي جدية ويمكن يمكن يبي لها جلسات علاج نفسي.. لو كان الوضع بمستوى السوء اللي انت قاعد توصفه.. |
رد : جرحت زوجتي و ندمان
اقتباس:
أجل وحدة تطلب من زوجها يطلعها يمشيها و يرد عليها زوجها ابشري و يكون يسولفون و يضحكون بالبيت و بعد ما تركب السيارة بخمس دقايق ينقلب وجهها و تسكت طول مدة التمشية ساعتين كاملة !!! و طبعاً أنا وقتها حقدت حقد غير طبيعي و سويت حالي جداً مبسوط و طلبت عشاء و من المطعم كأنه كل شي طبيعي ووووو ما ادري كيف تحملتها هذاك اليوم,,, ساعتين كاملة و لا حرف ما ادري كيف صبرت لو انا بالبيت انشغل بالتلفزيون او بالنت بس و انا برى طالع اخليها تنبسط !!!! و تسوي فيني كذا ؟؟ عموما يا حلاتها و هي طبيعية تكون عز الطلب و الزوجة اللي اتمنى !!!! صرت اتمنى يكون عندنا احد بالبيت دائماً علشان اضمن ما تجيها هالحالات لما يكون عندنا احد !!! |
رد : جرحت زوجتي و ندمان
بعض الحريم كذا كشريه بطبعها
تمد بوزها فجاه حتى وهي بعرس ولا طلعه بر<<شفت نموذج كذا |
| الساعة الآن 03:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©