رد : زوجي يحشش
 

في الفترة الجايه حسسيه بالامان وانك واثقة فيه واجمعي الادلة
من رسائل او اشياء تلقيها في ثوبه
عشان لو احتجتيها مستقبلا
انصحك تقوي عند زوجك الوازع الديني
وبأذن الله ينهدي على يدك ادعي له ولاتدعين عليه
ويارب انه يسخره لكي ويهديه ويصلحه

رد : زوجي يحشش
 

اختي الفاضله

مالك الا الحل هذا فقط ومن امن العقوبة اساء الادب
وقفي الحمل اولا
كلمي واحد من اهلك او من اهله وتكون شخصيته قوية جدا ان يتحدث اليه ان يترك البلاء اللي يتعاطاه ويبعد عن الشله الفاسده وان يبلغه ان يعمل له تحليل كل شهر في حالة شكك فيه وان رفض فما عليكي سوى الفرار
واذا كان صادق في التوبه فعليه ان ينفذ كل النصائح المقدمة له

ودمتي في حفظ الرحمن

رد : زوجي يحشش
 

مافيه حل غير اني اعلم اهلي ولا اهله لان اخاف تكبر المشكله وماودي اخسره وصليت صلاة استخاره للطلاق لكن ماحسيت بشيء

رد : زوجي يحشش
 

hhnالله يعينك ويفرج همك ويكتب لك اللي فيه الخير
حاولي تنتبهي لنفسك ولاتحملي منه وقولي لاهلك نصيحه مني لك لاتجاملي عل حساب نفسك فكري بعقلك ولاتخلي العاطفه تغلبك وتدمر حياتك

رد : زوجي يحشش
 

يا جماعة الخير اذكرو الله لا تودو البنت في دهية ممكن اعرف هل في واحد من الي يقول خبري اهله او اهلك بالموضوع بحيث انه يقطع هالشئ هل احدكم قاد تعامل مع مدمن حشيش ؟؟؟؟

يا جماعة الخير الحشييييييييييييييييش قوووووووووووووووووووووووووووووي جدا لا يترك بسهوووووووووولة يجب معالجة فعالة عند مختصين

اذا كان الدخان الي هوا دخان والله العظيم اعرف ناس ماله سنتين مدخن ولاهو مدخن بشراها مجرد بكتين في الاسبوع والله العظيم يوم جاه يتزوج وفكر انه يتدارك نفسه قبل ما يدمن على الدخان صح اقسم بالله اننا ما كنا نخرج معاه وكنا نتجنبه اكثر شئ لان نفسيته سارت سيئة وعلى قولنا الحجز يتضارب مع ذبان وجهه وهذا مدمن سنتين بس ودخان مو حشيش اسالكم بالله كيف بيكون الحشيش ؟؟؟؟؟؟

الي يقول انه يجي واحد من اهله لو كان ابه ولا عمه وخاله ويقله اقطع مرة وحدة وبس وربي مهو حل اذا ما رجع علني راح يرجع على الحشيش بالسر ويمكن يخترع اساليب جديدة ما ينكشف فيها المرة هذة لانه مو بيده الموضوع صار اسير الادمان يعني بالله عليكم الحكومة صارفة ملاين على مستشفى الامل الي عندهم مستودعات حشيش وكبتاجون وهيروين وكوكاين وماث وجمييييييييييييييع انواع المخدرات بالله عليكم ليش ؟؟؟؟ عسان تعالج المدمن ولا تخليه يستمر في ادمانه .

رجاء يا اخوان واخوات فكروا قبل توجيه اي نصيحة البنت ماشاء الله شكلها متعلقة في زوجها وتحبه وبعض الاخوات جزاهم الله خير يبغوا يطلقوها !!!!!!! انسب حل لها يا جماعة الخير انها تاخذ حبوب منع الحمل فقط لا احد يجيب سيرة الطلاق ابدا .

محد يدري امكن الرجال ما دخل مرحلة خطيرة في الادمان وممكن يكون علاجه سريع وغير متعب في ناس يا اخوان تتعالج في شهر وفي ناس في سنة وفي في سنتين ليش ما تعطوه فرصة يصلح غلط جاه في ضعف ونزوة شيطان

بداية الادمان شفطة من سجارة وكلنا خطاؤن .

اما الي تقول اجمعي الادلة يا اختي ايش الداعي لهذا كله تجمعها بقصد المذلة او تحصين نفسها ؟؟؟
اذا لتحصين نفسها ما يعترف بهذاي الادلة في المحاكم ما يعترفوا الا بتحليل الدم فقط فابالله ايش لها داعي الادلة هذة خصوصا لو انه اكتشف انو زوجته كانت ماسكة عليه زلة راح تسبب بينهم فراغ كبير حتى لو تعالج وخف

يا اخوان الادمان شئ شنيع ما اختلفنا لكن بدايته نقص وعي ورفقاء سوء ولحظة ضعف وهوا في النهاية ابتلاء لكن له حل والحل موجود عند المختصين

وفي النهاية الخيار راجع لصاحبة الموضوع ,,,

رد : زوجي يحشش
 

الله يجزاك الجنه ياررب ، صارحته بكل شيء امس وحلف لي انه ماعاد حشش وقد قالي قبل انها بس 3 مرات اللي جرب فيها وانا بداخلي احس مو مصدقه لان الحين اذا نام الغرفه بعده تصير ريحتها زي الدخان المعفن بس ما ادري ايش السبب لكن بجلس معه وبحاول بكل الطرق اني امنعه ومالي الا الدعاء واستخرت زي ماقلت علي الطلاق لكن ما ارتحت كلنا نخطي ويارب انه يتوب ويبعده عن رفقاء السوء وفكرت اخبر احد يتفاهم معه لكن صعبه احطه بهالموقف لكن اذا حسيته صدق باقي فيها حياتي مو لعبه عشان تروح سنيني كذا

رد : زوجي يحشش
 

يا اختي اسأل الله العلي العظيم رب العرش العظيم ان يشفي زوجك من ادمانه وان تذوقي معاه لذة الحياة من جديد وان يبعد عنك وعنه رفقاء السوء

والله يا اختي اني احس انه سيتغير وطالما انه صارحك وحلف انه لن يعيدها اعرضي عليه فكرة العلاج في المراكز المتخصصة باذن الله لن يرفض ذلك اقلها مستشفى الامل الحكومية لا خسارة فلوس ولا شئ وحتى لو استدعى الامر لخسارة الاموال والله فلوس تروح وتجي اهم شئ الكيان الاسري يا اختي الكريمة وصدقيني طالما انه الوضع ثلاث سجائر ان شاء الله طرد المادة المخدرة من دمه لن يكون عسيرا في ناس مدمة بالسنين وتعالجت وخفت انتي خلي املك في الله كبر والزمي الدعاء وقدرة ربنا فوق كل شئ وعلى فكرة يا اختي معلومة عشان تكوني في الصورة زوجك مو كذاب ممكن صح ثلاث سجاير لكن عيب الحشيش والعياذ بالله انهالسجارة الوحدة تستمر في الدم لمدة 45 يوم الى شهرين وهذا كلام دكتور فا تعدم رائحة الجسم مثل الحلبة رائحتها تمسك في الجسم لفترة معينة لكن الحشيش والعياذ بالله اكثر قوة في الرائحة واطول مدة فلا تشيلي هم من هذة الناحية لكن اهم شئ اعرضي عليه فكرة المراكز المتخصصة وهواباذن الله ما راح يرفض والدكاترة ما راح يقصروا معاكم