|
رد : كرهت الزواج والناس وكل شيء
حبيبتي
ترى فعلا ماعندك مشكله دراسه وام واب واخت حياتك ماشاءالله مثاليه تبكين وتشاهقين ليه بانصاص الليالي اجل الي ضاربها زوجها وغاثتها حمولتها وظالمتها امها وش تسوي كلنا جامعيات ومتعلمات ومتوفقات الحمدلله ماقتصر كلامنا على الجامعه بس نتكلم ونشارك بكل شي الجامعه شي حلو بس جزء من حياتنا فيه هوايات وفيه امور اجتماعيه كل العالم دخلت جامعه مو انه شي يستحق نعتزل العالم علشانه او نشوف انفسنا عليه احسك متضايقه من سالفه الزواج يااختي توك صغيره ليه شايله هم السالفه وحاسه انك تاخرتي رزقك بيجيك بس طالعي الدنيا بايجابيه لان عندك نعم فعلا لا تعد ولا تحصى |
رد : كرهت الزواج والناس وكل شيء
اعيدي قراءة ردي السابق مرة ثانية وبهدوء..
فهمك لحكيي مشقلب حرفيا.. مع اني ادري وجودي مو محبب هنا بس انا مصرة ارجع احاكيك.. انا مارديت الا وحاطة نفسي مكانك.. انا ما اعرفك ولا عندي مشكلة شخصية معاك صح؟ المنتدى فيه ناس تعطي من وقتها وجهدها عشان توجد حلول.. ما تتعب عشان تطبطب عليك.. الطبطبة ماتساعدك.. الحل هو اللي يساعدك! بس انتي ماعندك مشكلة اصلا! شفتي انك ماتقبلتي رايي لانه مخالف؟ شوفي انا اكبر منك بسنة.. واواجه اللي تواجهينه.. يجيني طراطيش حكي مثلك ورجال يرمون حكي على ابوي من نفس النمونة.. وتلميحات اني ماراح اتزوج او مين اللي بيصبر علي.. لاني ادرس طب :) ايش ردة فعلي؟ اضحك من قلب! وانبسط ان العقليات والفئات هذي ماراح تجي تطق الباب تخطبني وبفتك ان زوجي باذن الله ماراح يكون منها.. رمى الكلمة وماعمل لها حساب وراح بيته ونام مادرا... وانا اكل بنفسي! وتعرفين ان اللي يلمحون اغلبهم عندهم بنات اكبر مني باكثر من 8 سنين ماتزوجوا.. ربي اللي يكتب النصيب! ويجي حكي من نوع ليه انتي كذا؟ لما سالت عن الفضفضة وانك تتكلمين لمجرد انك لازم تتكلمين كنت استنكر انك تشوفينه مو طبيعي! اللي يريح فلانة مايريحني والعكس.. تشوفين انك لازم تكونين نسخة منهم عشان تنظرين لنفسك كانسانة طبيعية؟ انتي تحتاجين لطريقة تفريغ تريحك.. جربي اشياء مختلفة.. في ناس تحط حيلها بشغلها.. وناس تفرغ بالمجهود الجسدي والرياضة.. وناس تفرغ بالكتابة. وناس بالحكي الكثير وعلى قولتك الفضفضة...الخ ولاحظي انك ضغطتي على نفسك لما تكلمتي.. ولما طلعتي وحكيتي وتعبتي كبرتي مشاكلك واوجدتي امور ماهي موجودة لان التفكير وقت الفضفضة خلاك تسترجعينها بقوة وكان توها صارت.. عشان كذا انتي اعرف بنفسك من اول لما قلتي الفضفضة ماتناسبك! وبالنسبة لحكي الناس.. ماراح تمنعين الناس من الكلام ولا تقدرين تتحكمين فيهم.. بس تقدرين تتحكمين بنفسك وردود افعالك والامور اللي تخصك! سوي اللي تشوفينه صح.. وانتهى ❤️ |
رد : كرهت الزواج والناس وكل شيء
إهتمامك بنظرات الناس لكِ هو سبب مشكلتك
وهي نقطة ضعفك وبسببها تقل ثقتك بنفسك تخلصِك من هذا الإهتمام بداية الحل ... |
رد : كرهت الزواج والناس وكل شيء
جانب مهم من حياة من لنا ان نسميهم عباقرة ؛ هو حب الوحدة و العزلة و تجنب العﻻقات اﻹجتماعية ﻷن فيها إضاعة للوقت !
ليس كل شئ في الحياة يخضع للمنطق فهناك اشياء في الحياة ﻻ نجد لها تفسير و ﻻ يمكن ان تشرح ﻷحد كيف حدثت او لماذا ؟! المهم في حياتك ادراكك لذاتك و تغلبك على مشاكلك او العقبات انتي كوكبة مختلفه عن غيرك تركيبة مختلفه قد تألفين شخص بسبب تشابة من اوجه معينه لكن الحقيقه نادر جدا و ﻻ تحاولين انك تلقين لك شخص تتآلفين معاه على جميع اﻷوجه !! احترامك لذاتك و لتركيبتك يولد احترامك للمختلف عنك يولد رغبتك في الﻻ اندماج و الﻻ انصهار يولد المشاركه الجزئيه يولد حبك لﻹنفراد احيانا يا فريدة :d |
رد : كرهت الزواج والناس وكل شيء
(ميس )
بحاول ان شاء الله اختلط طبعي اجتماعيه بس ما ادري ليش كل حاجه انتكست عندي وخلقت مشكلة مو موجوده فعلا انا حاسه اني ضايعه بس ما عندي مشكلية فعليه اعترف والله (تجارب الحياة) كلامك جدا جمييييل وريحني شكرا لك (مبتعثة متفائله) والله البكي اخر الليالي مو بيدي كوني اني اكتم امام الناس فهذا هو متنفسي الوحيد بصلي وابكي لله الحمدلله وهالشيء يريحني كثير وسالفة الزواج والله ما تهمني ولا يهمني اذا اتزوجت ولا لا كلو بيد ربنا ، صدقيني الانسان حتى وهو مسالم بتجيه مضايقات والحمدلله ، فعلا انا مو شايفه انها مشكله شكرا لكلامك اعجبني (فانيتا) ههههههههههه شايفه من كثر ماني متنرفزه ما قرأت كلامك زين ذحين هاديه ومروقه وفعلا مو شايفتها مشكله ولا تلوميني اول مره اسجل بمنتدى واطرح حاجه طول عمري مو شايفه انو عندي مشاكل بس ما ادري ليش كتبت بس بجد ارتحت والله لا يجيب المشاكل يرب وكلامك جدا منطقي ورائع شكرا لكي (عاشقه القهوه ) الاختلاف يوجعني لكن يقويني كلامك جدا رائع ومنطقي شكرا لمداخلتك الجميله *، شكرا لكم كلكم انا جد مو شايفتها مشكله بس شكلها طاقه واتفرغت الحمدلله انا امارس الرياضه ك تغريف بس بس ذحين الله وكيلكم كل حاجه انتكست وحاسه بشعور محبط بس بعد كلامكم رجعت لصوابي وبرجع لكل حاجه جميله كنت امارسها شكرا كثييير للكم ♥ |
رد : كرهت الزواج والناس وكل شيء
ليش مكبرة الموضوع !
* تحبي الدراسة والعلم هذا شيء كويس ونقطة تنحسب لك، دوري على صديقات من هالنوع ( دوافير بلهجتنا العامية ) راح تندمجي معاهم كثيير وراح تلاقي كل سواليفكم عن دراستكم والتخصص ... أنا قروبي في الجامعة كان كذا كل اهتمامنا منصب على دراستنا وأنشطة الجامعة يعني لا تنعزلي في كثيييير زيك . * قريباتك تزوجوا قبلك إنتي وأختك ! وين المشكلة إنتم بعدكم صغار 21 مرة صغيييرة على العرس، بعدين مالك ومال نظرات الناس إنتوا في سباق منو تعرس أول ؟! و هالفئة من الناس اللي تقيم الوحدة على حسب حالتها الإجتماعية مرضى جعلها ماترضى .. وتذكري دائما إذا أردت أن تقود الأوركسترا فعليك أن تدير ظهرك للناس . بالعامي كذا طنشي وعيشي حياتك ولا تعطيهم إهتمام . * سواليفهم عقيمة بنظرك ! آممم ما أشوف فيها مشكلة لو عطيتي كل وحدة جوها بالكلام ! بعدين حلوو الواحد يعرف شيء عن كل شيء مو كل شيء عن شيء، لا تكوني جدية في السواليف خليك خفيييف على تقييل عشان الناس يحبون جلستك أعرف كثيير معاهم الدكتوراة ماشاءالله ويحكون في كل أمور الحياة ماقالوا ما تناسب إهتماماتنا خصوصا لما يكونوا مع أشخاص بعيدين كل البعد عن مجال تخصصهم ! تعالي وش فيها البهارات ليش زعلانة عليها مايعطي الأكل نكهة غير هي 😂😋 |
رد : كرهت الزواج والناس وكل شيء
م عندك مشكلة حبيبتي
عمرك 21 عمر الزهور وهو عمر الدراسة الجامعية تتكلي عن الدراسة وكيذا لانك طالبة وهم العالم اللي حولك سوالفهم مفيدة ميكب وطبخ واشياء م تستغني عنها اي انثى ليش معتزلة العالم م ادري ؟ مانتي غريبة ولا معقدة بس انفتحي ع العالم اكثر وحدة من معارفي من اهل بيت معروفين بالعلم والحكمة تخرجو الى الان من ييتهم 3اطباء ماشاء الله تبارك الله والباقي صغار بين الثانوية والمتوسطه معروفين بعدم ترك اوقات الفراغ ابدا ومع ذلك طباخات ماهرات وانيقات ف شكلهم ومتواضعات جدا ،، وحدة منهم تزوجت ف سنة خامسة وانجبت بنتها ع طول لما خلصت السبع سنوات وسنة تطبيق رجعت لدراسة التخصص 5سنوات ربي يوفقهم ي رب واللي اصغر منها السنة 6 لها وتدرس تحفيظ كمان بالليل مرتين بالاسبوع م اثرت دراستهم ع حياتهم مع الناس صحيح م يجتمعو بالناس بكثرة لضيق الوقت بس لما نجتمع فيهم بالعكس م ودنا ننهي الجلسة |
| الساعة الآن 06:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©