|
رد : مشكلة الاستقرار
اقتباس:
وانا الحمدلله اصرف ع نفسي مو محتاجته من هالناحية بس اي شي يخص البيت عليه لو يجيب ارخص شي بس اهم شي هو اللي يجيب ابي يفرض شخصيته فالمادية مو تمام والمشكلة متعقد من وظيفتي ليش!؟ لانه يبي يصرف علي يبي يفرض شخصيته علي بس مايعرف وحاط في باله اني ما ابيه الا عشان البيت قريب من دوامك الزبدة تصرفاته بشكل عام ما قدر يفهمني او احد يلف راسه علي ما ادري |
رد : مشكلة الاستقرار
الي واضح انكم فعلا نش مستقرين و مليح الي ما عندكم اولاد و احرصي الا يكون حتي تتضح الصورة
زوجك مو قادر علي تحمل المسؤولية و يتهرب يمكن لتقصير.المادة الواضح انه يتخبط و لكن يكابر |
رد : مشكلة الاستقرار
الصراحة طلقتين خلال سنتين
موضوع ما يطمن ابدا وانتي ماشالله شكلج عصامية وشايلة نفسج مابي انصحج بالطلاق وبنفس الوقت مابي عمرج يضيع على شي واضح جدا |
رد : مشكلة الاستقرار
اقتباس:
وبعدين ماهمتني المادة همني اشياء ثانية ما اشوفه الاقليل وحابسني كانه متورط فيني |
رد : مشكلة الاستقرار
اقتباس:
واي احد يستفزه انك تحبها وتنسانا وكذا.. يجي يهدد او يطلق انا عند اهلي من اكثر من شهر الله يكتب اللي فيه الخير مالي خلق اعيش هذيك الحياة ولا ادري وش اسوي ودي افتك وما ودي .. طبعا ما انكر اي جميل منه بحكم العشرة لكن انا جيت احل مشاكل اخاف اطيح بواحد من طقته او اعظم .. الله يستر بس |
رد : مشكلة الاستقرار
اقتباس:
ابسط شيء لا يريد ان يعمل ويريد ان يفرض قوامته عليك ؟ حسنا لا باس لدي زميل والله العظيم يغيب بالاشهر ولانه دخل وظيفته بواسطه يغيب ويتصل عليه المدير والمشكله انه يغيب اكثر لانه يحمل هم مواجهة المدير بدلا من ان يحل المشكله ويضع حد , واتذكر انه جاء الي في نقاش ويلومني على تجاره عملتها ويقول ان طريقتها " لا تجوز " قلت له لو سمحت وراتبك الي تاخذه وانت نايم هل هو حلال ؟ طيب ان كان لا يستمع لكلامك وان وجد من اهله من يوافقه بل يقول سرحها واهلك لا يتقبل منهم هذه المحاور الثلاثه لحل اي مشكله مستعصيه بين الزوجين , وللاسف ارى انها مغلقه , ولكن يا اختي لا يوجد في من اهلك او اهله شخص واحد فقط حكيم وحازم ويستطيع ان يحل الامر , وخاصه ان الامر فيه اصلاح واجر عظيم وسيسعى فيه اي انسان عاقل وسعي الدائره وابحثي عن شخص يستطيع ان يحل المشكله , واستعيني باهلك للبحث عن حلول , بالنسبه لايجابياته نعم تحفظيها , والعشره وغيره وربما يكون طيب فعلا وحنون وو ولكن هذا لا يكفي لاستمرار زواج هذا المشروع العظيم الزواج يحتاج لقوامه واراده وعمل وعقل والاخذ بالاسباب وعقل متزن وغيرها اتعلمي يا اختي للاسف ان كانت هذه طباع في زوجك اقصد الكسل والاهمال وحب اراحة الجسد حتى الصلاه حتى الدوام ! ماذا بقي , اخشى ان من الصعوبه بمكان ان يتغير حتى وان تحدث معه احد , ولكن لا مانع من المحاوله , ويا اختي ان كنتي في بيته وكانت عيوبه فقط كسل واهمال لا باس اما ان تصل الى اهمالك في بيت اهلك والطلاق مرتين على امور ليست بالكبيره , الوضع يا اختي فعلا يحتاج وقفه فعاله , ولا احد يعرف وضعك اكثر منك , ابحثي عن حلول مؤثره واشخاص لهم تاثير , |
رد : مشكلة الاستقرار
كله وااااضح....:) انتي شو قررتي ؟
اكثر من كذيه ماشي اوضح...لازم انتي تبدين تفكرين تستقرين خذي ورقة و كتبي ...ايجابياته وسلبياته في الزواج و الزوج و الطلاق عقب اختاري.... حطي في الحسبان اهلج كيف معاملتهم لج... خصوصا عقب الطلاق اذا صار كيف تتوقعين |
رد : مشكلة الاستقرار
اقتباس:
للتربية دور كبير في الاعتماد على النفس وخصوصا لو كان كل واحد فينا تربيته غير عن الثاني مثلاً: انا تربيت على اني اربي نفسي بنفسي واعتمد على نفسي لي حرية وكنت مهملة ما احد يقول وينها هو تربى على الاتكالية كل شوي امه تدق تدوره صليت؟ اكلت؟ وتدق تقومنا وتشوف ويننا وانا بصراحة تضايقت وقلت له ان احنا كبار مايصلح احد يدق بهالشكل لكن هو اساسه غلط تعود على كذا ومن ناحية اهلي طفشوا من الوضع واخواني قالوا ماعلينا منك هو زودها خليه يروح لابوي لانه بيهاوشهم لو رجعت كذا وسبق ابوي هزئه بكلام قوي ببداية الزواج لكن مانفع بيني وبينك المحامي يقول اشرطي وجيبي شهود والا لاترجعين بس ماعرف كيف الله يعين ويكتب اللي فيه خير ويرضيني به ويجزاكم خير |
رد : مشكلة الاستقرار
اقتباس:
المشكلة هو مايتحملني ويحس اني متحكمة فيه ومن ناحية الورقة جربتها ومادري بعد فيه اشياء قلت ممكن تتغير واشوف انه يحتاج يعالج القلق والشك اما اهلي فالحمد لله ان شاء الله مرتاحة |
رد : مشكلة الاستقرار
افصلي عواطفك عن عقلك
بمعنى اتخذي قرار بعقلك ولا تسمحي لقلبك التدخل في القرار. الله ييسر أمرك ويكتب لك الخير. |
| الساعة الآن 05:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©