رد : غضب زوجتي بسبب محادثة واتس اب
 

مفتاح بيت اهلها مو عندها .. واصلا نحن في مدينة واهلها في مدينة غير انهم مسافرين.

.....

والله كسرت الجوال ماترد .. والله ولا اكثر من 200 مكالمة ولا ترد .. غير رسايل الاعتذار والترجي انها ترد عليا.

.......

فاطمة..

هي بتقكر في اللي هي فيه .. ولا راح يهمها مصيبة غيرها .. قرفانة مني ولا تبغى تشوفني..

........

فارس..

والله وربي اعلم بالنوايا انو الموضوع حق هزل شباب "تافه واهبل" ووالله اني ما اشوف احلى منها في عيوني .. انا حاربت اهلي عشان اتزوجها .. ولا ابغى غيرها ..

بموت من اللي احس بيه وربي .. ولا اعرف اش اسوي .. حتى ولد عمي بيدق عليها بدون فايدة ..

رد : غضب زوجتي بسبب محادثة واتس اب
 

ارسل لها قل معك للساعه الفلانيه اذا ما قلتي لي وينك انا راح ابلغ الشرطه وقد اعذر من انذر ..

الظاهر ان الكلام اللي شافته ف المحادثه عن افعال سويتها في كندا يعني انطبع عندها خيانه اعظم من الغزل ..

رد : غضب زوجتي بسبب محادثة واتس اب
 

مكلومة ..

ما يهمني لو تشوفني انا الغلطان بس خليها تجي ..

والله ماني عارف اتكلم مع مين ..

اخرج من دوامي الساعة 4 والفلف في كل مكان ادور عليها .. لفيت امس كل الاسواق .. قلت يمكن في سوق جالسة وبترجع لما يقفل بما انو اغراضها كلها في البيت .. مافي فايدة ..

اتمنى الارض تنشق وتبلعني .. ماني لاقي احد افضفض واتكلم او يساعدني ..
وخايف اتصل عالشرطة واكبر الموضوع

رد : غضب زوجتي بسبب محادثة واتس اب
 

كلم اهلها
وخبرهم بالموضوع
اكيد عندهم خبر او على الاقل بيقدرون يعرفون مكانها

رد : غضب زوجتي بسبب محادثة واتس اب
 

انكسار حلم ..

ماراح يفيد شي لو رسلت وانا اعرفها تمام ..

وبالنسبة للكلام .. انا اعترف انو يزعل .. لانو اتماديت فيه .. بس والله هبالة شباب وغباء مني
وانا اعترف بغلطي والله العظيم

رد : غضب زوجتي بسبب محادثة واتس اب
 

اعذرني اخي بس المفروض ردة فعلك تكون غير
انت بطريقتك هذه تخليها تطنشك اكثر
ايش تعتذر وتترجى حتى لو كنت غلطان هذا مو اسلوب للتعامل وحل المشكلة
ارسل لها رسالة انك بتتصل بالشرطة اذا ما قالت هي وين
وضروري أهلها يكون عندهم خبر بالي صار ويمكن يكون عندهم علم هي فين

رد : غضب زوجتي بسبب محادثة واتس اب
 

جيب رقم جديد و دق عليها يمكن تفكر انو اهلها !!

رد : غضب زوجتي بسبب محادثة واتس اب
 

مدري ليش احس انها متخبيه في البيت ومصمته جوالها!!

او فوق السطح .. او في غرفة الدرج .. او عمد وحده من جاراتها ..

فكر انت بتعرف هي ويين ممكن تروح

رد : غضب زوجتي بسبب محادثة واتس اب
 

ارسل رساله انك بلغت الشرطه وجالسين يدوروها الدوريات
ونو لك تفاهم معاها بعد ما يلقونها الشرطه ويجيبوها بسيارة الشرطه!!
لانها فشلتك والموضوع ما يستاهل اختفاءها بهذا الشكل اللي اضطرك تكلم الشرطه..!

يمكن لما تلمس من الرسالة ان الزعل صار من جهتك وصار الحق لك وانقلب عليها
وانك ما عاد يهمك ترضى ..المهم تلقاها ولك موقف ما تتوقعه على اللي سوته
كذا اتوقع تخاف وترجع وهي تردد اللهم سلم اللهم سلم..

ووقف رساءل الاستعطاف اللي بتزيد تكبر بها راسها
يمكن هي قاصده تقرص اذنك .. ولا هي زعلانه ولا يحزنون.. بس تبغى تطبق عليك المثل "اللي يتلسع من الشربه ينفخ في الزبادي"

عشان توصلك رساله هذي ردت فعلي لشي بسيط كيف لو سويت شي اكبر
يعني كيد حريم بطريقة احترافية غبية

وعلى فكره ممكن اهلها يعرفون وطمنتهم واتفقت معاهم تخليك تتادب
كل هذي احتمالات لا اجزم..

رد : غضب زوجتي بسبب محادثة واتس اب
 

فتش البيت مضبوط . يمكن في دولاب او مكان ما تفتحونه دايماً ..

تخليك تحرق اعصابك واذا طلعت من البيت تطلع واذا رجعت تتخبئ مره ثانيه


مدري بس توقعات ..