رد : تعبت من الوحدة وانشغال زوجي عني
 

زوجك يحبك والدليل تأثره بالرساله وفيه من الايجابيات الكثير
انتي عليك بجذبه الى البيت بكل الطرق
اعانك الله ويسر امرك

رد : تعبت من الوحدة وانشغال زوجي عني
 

كنت مثلك بالضبط ... وحيده مع اني احيانا بعز انشغالي واحس بفراغ نفسي .. انا وضعي اخس منك حارمني من الحضن والعلاقه لنا الحين سنه ولا فكر يتعالج علاقتي معاه أسبوعيه وممشيه حياتي لان ماعندي حل ثاني فاحمدي ربك غيرك وغيري اخس فيه اللي يضربها ويخونها وووو

المهم ابي ألفت نظرك لبعض الأمور اللي تعلمتها مؤخراً وصرت أقوى وإنشالله اني أفيدك ...

انتي ربطتي سعادتك وفرحتك بوجوده واذا هو غير موجود حرمتي نفسك من متعه الاستمتاع باي لحظه مهما كانت بسيطه مثلا برنامج حلو بالتلفزيون او سالفه مع صديقتك بالتلفون او طبخه حلو تفننتي فيها .. دوري على هاللحظات ولا تحصرين سعادتك بيد اي إنسان لان حتى لو كان موجود ومقابلك راح تطلع منغصات لسعادتك مثل قلتي انه كسول او ممكن يجلس معاكم وهو ماله نفس او نعسان او غيرها. فمعنى هذا ان السعاده بوجوده ايضا ناقصه
انتي تتخيلين ان وجود هذا الانسان معك هو السعاده والحقيقه ان وجوده سعاده غير مكتملة لانا ممكن تطلع منغصات فمعنى هالشي ان وجوده او الاستمتاع باي شي من الاشياء اللي ممكن تمارسونها في غيابه ممكن تحقق لك سعاده بس انتي مطنشه وصابه كل تفكيرك وحاصره سعادتك بتخيل جو رومانسي وعائلي حسب خاطرك انتي والواقع شي والخيال اللي انتي تطلبينه شي ثاني


لا تحصرين سعادتك بشخص وابحثي عن بدائل اعرف وحده زوجها خانقها وكاتم حريتها من كثر ماهو مقابلها وتتمنى زوج مثل زوجك عشان تقدر تمارس هواياتها وتطلع وتجي ... فالمسألة بالنهايه تعتمد على نظرتنا ونظرتنا دايما اللي عند غيرنا افضل من اللي عندنا للاسف

فكري في كلامي وتغيري انتي عشان ماتتعبين في حياتك مثل ماهو مبسوط بدونك انبسطي بدونه وكثر مايعطيك أعطيه لا ترمين حبك واهتمامك ومشاعرك لانسان مايبيها وزعيها وعيشي لنفسك اولا تعلمي منه وطبقي هالشي عليه


والله يسعدك ويريح قلبك ويشفي عيالك

رد : تعبت من الوحدة وانشغال زوجي عني
 

زوجك يحتاج جو ملكي فخم والله أعلم ، يعني يكون هو مركز اهتمامك جربي جلسات المساج والأكلات الشهية والألعاب ..

رد : تعبت من الوحدة وانشغال زوجي عني
 

جزاكم الله خير كل اللي ردوا
اختي هارت كلامك جدا جميل انا عارفه انه في ناس اخس من مشكلتي
انا ماربطت حياتي فيه بالعكس احاول قدر الامكان اني انشغل عنه لان الحمدالله
انا عندي هوايات كثيره وامارسها بس انا ابي احد يقوم بواجباته اتجاهي زي ماانا اقوم بواجباته
ابي احاول اسوي اللي قلتوه رغم اني جربت قبل بس لا بأس بالمحاوله

رد : تعبت من الوحدة وانشغال زوجي عني
 

والله ماني عارفه ايش اقول المهم اعتبروا الموضوع فضفضه
حاولت اني انشغل بنفسي و بزورتي واضحك وانبسط بس سبحان الله من يوم يدخل رغم انه يسولف ويضحك ويستهبل احاول اني اجامله زي كل مره بس ماعاد صرت اقدر والله اني اغصب نفسي ع الضحك بس مااقدر لانه ماعبر رسالتي اللي ارسلتها بس قالي ايش هذا الخطاب وبس رغم فيها كلام كبير بس ماعبره وزي كل مره ماكأني ارسلت قلت يمكن يسالني اليوم اللي بعده بس ماسال ولا عبر حسيت باحتقار وكأنه يقول ماراح تسوي شئ من اللي كاتبته
انا طيبه بزياده واحيانا اوصل للسذاجه بسبب طيبتي....
طيب انا ايش اسوي اتكلم معه بالقوه واخليه يسمعني والا اطنش واعيش كأني لحالي زي ماهو عايش؟
طفشتكم بس ماعندي احد اوجهله طاقتي السلبيه الا انتم ههههه
لان اللي حولي يعتبروني طاقه من الإيجابيه مادروا عن الطاقات المخفيه جواتي

رد : تعبت من الوحدة وانشغال زوجي عني
 

ادخلي نادي
ادخلي معهد
اليومين هذه الحدائق متوفره في اغلب الاحياء خذي اطفالك ومشيهم
واتعرفي علئ صديقات جدد في الحديقه

رد : تعبت من الوحدة وانشغال زوجي عني
 

المشكلة مو في انها مشغولة أو فاضية
المرأة تحب تحس ان فيه زوج يشاركها الحياة
وانها مو مجرد شيء مثل أي شيء في البيت ..

ارجعي افتحي الموضوع معاه وكوني حازمة وبدون عصبية