|
رد : مشاكل المتزوجين والسعادة الضائعة !!
طيب اللي ينقلون لنا هالكلام ما خطر في بالهم انو ممكن ندخل حياة زوجية جديدة بشخصيه كل همها تتصيد الأخطاء كل همها تثبت سيطرتها كل همها ما تتنازل لان في نظرها غلط اني اتنازل عشانه/ ها وش ترتجون من زواج طرفين تشبعوا بهالافكار من كثر ما تنعاد عليهم ؟ |
رد : مشاكل المتزوجين والسعادة الضائعة !!
أقحوان
طيب مادام هالناس في عالمك الحقيقي مش الافتراضي ليش معذبة نفسك تناقشيهم؟ أنت ما شاء الله واعية وسكتيهم بحجة قوية jyjy أن مادامكم متنكدين ليش ما تطلقتوا هنا تكشفيهم ع حقيقتهم هالمبالغين ومادام أنت مدركة أنهم مبالغين فخلاص لا تتعبين نفسك معاهم في ناس كذا تحب تبالغ في كل شي وأنت في زمن انفتاح في نقل المعلومات لازم يكون عندك وعي فكري وحصانة نفسية أن مو كل كلمة يكون لها مكان في داخلك أنا أسمع كثير كلام وما ناقش الكل قبل شوي تقولي أمي سمعتج وأنت تكلمين أم زوجك تختصرين وما تناقشينهم وتسايرينهم (بأدب لانها عارفة أني ماقلل احترامهم) قلت لها لأنهم ناس صعب تناقشهم وبس انتهى ليش أجيب لنفسي ولزوجي ولعيالي وجع الراس على نقاشات تافهة بالتالي كل واحد بيروح بيته وبيمارس حياته مثل ما يحب ! أنا أحب أريح راسي :D وأحب أقول كلام يثمر لأني عندي احساس أن كلامي له قيمة ههههههههه يعني لو أقوله وما يؤخذ بعين الاعتبار هالشي يضايقني ماحب أستنزف مشاعري وأعصابي في نقاشات لا طائل منها خلك أوعى يابنت ولا ادمرين قناعاتك علشان ناس متشائمة أفكارك وقناعاتك أغلى من أنك تعرضينها لمثل هذه المحكات موفقة يا قمر |
رد : مشاكل المتزوجين والسعادة الضائعة !!
انا اقول..
يا تميلح ومكابرة.. ياخوف من العين 😁 واللي يهايط كثير "بالذات المراة" سوا لي وجاب لي ويحبني يموت فيني بدون مناسبة اعرفي انها ماكلة هوا 😂 |
رد : مشاكل المتزوجين والسعادة الضائعة !!
فاكهة الشتاء بالعكس احب اناقشهم على الأقل يبان في نظري انهم يفقشون او يبالغون من خلال الردود على كلامي وملامح الوجه افضل من اسمع واسكت وانا لما اسمعهم ترا اكون عاددي مره وما عندي مشاكل لكن بعد فتره تبدا تظهر الافكار اللي كذا من فين طلعت لي ما ادري ولما ادور الاقي منبعها اللي اسمع واشوف خصوصاً انه امر مجهول بالنسبه لي لكن اللحين لا ما احب ينقال قدامي شي كذا وامشيه * انا من محبين النقاش ي فاكهة بس اللي يضيف لي وصعب اقتنع الا بالحجه والبرهان والكلام المنطقي وكثير يتعبون معي اهلي لانهم عكسي بارديين وما يحبون الطويله وجيتهم عله لا احد يسكتني ولحد يسلك لي كلمني زين :d ( مالي حل ) وانتي كلامك له قيمه عارفه ليش لانه يخاطب العقل وواقعي وجد اتشرف اناقش ناس مثلك بس من غير تسليك هههههههه فانيتي حقين التميلح والمكابره ينعرفون واللي يخافون من العين محد طلبهم يستعرضون تاريخ حياتهم اصلاً ما يهم احد واللي يهايطون عندي ارحم من حقين البؤس على الاقل يضحكون علي بشي زين يطلع للزواج حتى لو حسنه وحده |
رد : مشاكل المتزوجين والسعادة الضائعة !!
تميلح زي اللي يسب بالزواج عند اصحابه وانه ندمان وفجاة تسمعين عنه كل ويكند بديرة معاها
وزوجته تقربع الماس كل مرة تشوفينها بمناسبة طقم جديد لا قوة الا بالله 😂 من اين لك هذا يارجل؟ مو هي واجعة راسك؟ ايه هم يستعرضون عليك تاريخ مكذوب لان السكوت يفسر رضا وسعادة 😂 يعني قبل ماتفكرين تفتحين عينك عليها.. تراه ظالمني وسوا لي وحارمني 😂 |
رد : مشاكل المتزوجين والسعادة الضائعة !!
ايه ايه هوا انتي حتئولي لي ي كثرهم حولي منهم وحده قريب متزوجه وتقول مرا جنني ما يطلعني واذا طلعني اخذ فيني لفه بالسيارة ورجعني طيب وتحديثات البي بي :d المشكله مو هنا المشكله ان محد سالها قلت لها ي فلانه خلي النصب ما ازعجني بالتحديثات غيرك ترا عادي كلنا نطلع واكثر منك ومن غير ننتظر احد يعني لا تخافين نحسدك قلتها مزح وبنفس الوقت صادقه حتى لو مو خايفه تنحسد ومن جدها تشوف انها مظلومه وما تطلع ياختي لا تظلمينه قدامي وانا كل ما اقولك تطلعين معنا قلتي بتلع مع الحب ههههههه لا حول ولا قوة الا بالله ما عرفنا لهم |
رد : مشاكل المتزوجين والسعادة الضائعة !!
وما عندي مشاكل لكن بعد فتره تبدا تظهر الافكار اللي كذا من فين طلعت لي ما ادري هذا هو مربط الفرس يا عسل أن النقاشات هذه تحدث تأثيرات بصورة أو بأخرى لا فعلا ماتحسين أنك تظلمين نفسك هم متزوجين وعايشين حياتهم وأنت عايشة حياتك صح بس حارمة نفسك من مميزات الزواج بناء على كلام سلبي .. ممكن الأهل يوفرون لك كثير مزايا أو انت توفريها لنفسك ولكن ما راح يوفرون لك الأطفال ولا الاشباع من الرجل ليش تخلي ناس كذابة تخرب حياتك fgfg انا عن نفسي ماقدر أستوعب المهايط ولا الشكوى والنواح في المجالس حتى لو كذب بصراحة برستيجي ما يسمح لي في الحالتين :D لان الصورتين يعبرون عن توتر نفسي فعلا مثلا الشكوى مبين أنها وحدة معقدة وحياتها تعيسة ونكدية ومطلعة أسرار بيتها وو الخ والمهايط اما فعلا ماكلة هوا نفس ما قالت فانيتي ولا احساس بالنقص تحب تظهره باهتمام زوجها فيها أو صغيرة في السن ( وهذه أنا أتحملها ) مثلا سلفتي صغيرة السنة تخرجت من من الثانوية تحب تهايط مرات وتنادي زوجها بالدلع ووو الخ بصراحة أنا أسايرها مرة لأني مدركة فرق العمر وانها فعلا لازالت صغيرة وأقول بقلبي دائما خلها تفرح مصيرها تكبر وتعقل ... fgn بس خوات زوجي هي وياهم حرب داحس والغبراء بس من تحت لتحت كل وحدة ترمي ع الثانية وتتحدى الأخرى وأنا ماسكة زعتر دافي ومتفرجة ههههههههه وناسة hthd << شريرة yjy يمكن الشي الوحيد اللي أسويه في هالجانب أني أعطي أم زوجي انطباع أن ولدها زين بس هاااااااااااا بدون ما أثير غيرتها ترى معادلة حساسة بالمرة لأن لو زودت العيار راح تنقلب نار من الغيرة هههههههههه yjy لدرجة مرة وحدة ظهر خلاف كبير بيننا على مستوى العائلة لانه كبير ولازم كان يظهر كاان صدمة كبيرة لهم كلهم وأولهم أمه .. حتى قالت محسودين محسودين ههههههه : ( بالعكس يا بنت تزوجي لا تقولين مو جوي واكتشفي الحياة الزوجية بنفسك nngff |
رد : مشاكل المتزوجين والسعادة الضائعة !!
اقتباس:
برافو .. برافوا ffb عقلك يوزن بلد فاكهة ... ماشاء الله اقحوان .. بالفعل مجتمعنا ( الغالب متناقض جداً ) الحكي بجهه .. والواقع بجهه ثانية ولو اطلعتي على حياتها لقيتيها سعيدة بنسبة 70٪ او أكثر .. وفي المقابل اللي تضخم ( او تكذب بمعنى اصح ) عشان تزبرق حياتها الزوجية تلاقينها تعيسة بنسبة 70٪ ...! مو لأن حياتها سيئة لا ! .. لأن سقف توقعاتها عالي ، وتنتظر اكثر من الازم من زوجها أو ماتنظر لواقعها بعقلانية ومنطقية ... فتكون ساخطة عشان كذا تبالغ وتكذب بوجود اشياء في حياتها ( يستحيل ان توجد ) إلا إن شاء الله بسبب شخصية الزوج أو الظروف أو المادة أو أو أو .... بس الغريب ، البرامج فاضحتهم hyi في المقابل جميل يكون الواحد منفتح .. خلاص المفروض الوزوزة تندثر مافي مانع من الخصوصية بس بحدود .. متى يجي الوقت اللي نتكلم فية بحرية .. ويكون كلامنا عن واقع سواء بالإيجاب أو السلب ( بس مو معناتة المناحة والتشكي ) لا ! نكون عادلين بكلامنا سواء للأزواج أو لأنفسنا .. مع العلم إني من محبين الكلام في الزين ، والسيء ( شيء بيني وبين زوجي ) الناس مالهم خص ولا راح يستفيدون ولا أنا رح استفيد .. بالعكس غيبة في الرجل .. وذكر مساوؤة أمام الناس .. وتكفير للعشير .... يعني مافي طائل من هالكلام ولا مردود صحي ابداً ... موضوع جميل كالعادة .. خليتينا نفضفض شوي ونطلع اللي في القلب yjy محبتي jyh |
رد : مشاكل المتزوجين والسعادة الضائعة !!
اقتباس:
السفر والألماس مو دليل على السعاده او التفاهم بين الزوجين ممكن طريقه لمراضاة الشريك أو سد عيب وخلل في الحياه الزوجيه لا يغركم المظاهر gggh |
رد : مشاكل المتزوجين والسعادة الضائعة !!
خلونا نقيس الزواج هل هو مشروع ناجح
لا بل مشروع فاشل والشاكيات اكيد يشكون وبصدق مش مهايط بدليل ارتفاع نسبة الطلاق |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©