|
رد : لكل زوجة موظفة أغدقت زوجها بمالها ماهو ا
بنت حميد قصتك عجيبه يعني تصرفين على كماليات يعتبرها اهانه منطقه غريب
عاد انا الي ارفضه وبشده ان الحرمه تساهم بالاساسيات مثل الاكل والفواتير والاجار ولا مثل ابي اسافر وهو يرفض لاي سبب سواء مادي او نفسي فانا صراحه ابدى ماعلي راحتي ادفع ومبسوطه بعد اجل وش الفايده اشتغل واغث عمري علشان اكنز فلوسي لا طبعا بانبسط فيها لكن لاشياء ترفيهيه اذا ماوفرها لي او اتصدق او اهدي ولااشاوره اصلا بالهدايا او الصدقه ولااعلمه استغرب من بعض الحريم حتى اذا بغت تعطي اهلها تروح تقوله كانها تستاذن منه وتستغرب ليش يرفض يرفض لانه فهم منك انك تشاورينه وحس انك ضعيفه اذا قعدتي تترجينه واستقوى عليك يعني باختصار مايتسلط الرجال على فلوس الحرمه ويتحكم الا بسببها هي عطته الضوء الاخضر |
رد : لكل زوجة موظفة أغدقت زوجها بمالها ماهو ا
انا زوجي اشترى الارض وكان باقي عليه مبلغ كبير حق البناء
وطلب مني اطلع قرض فوافقت بشرط يكتب ورقة تظمن حقي فصارت مخاصمة كبيرة وزعل مني وقال بعد هالعشرة تخافين اخذ حقك المهم بعد استخارة طلعت له قرض تجنبا للمشاكل ولانه يستاهل راح كتب الارض والبيت بأسمي واحرجني باخلاقه وقال لي انه في حال صارله شي يصير اظمن حقي بدل ما اتهجول في المحاكم الله يحفظه ويطول في عمره المهم يا حبيبتي الوحدة مع العشرة تعرف زوجها هل يستاهل ولا لا مثل زوجي خلاني اندم على اليوم الي اطلب فيها ورقة اظمن حقي |
رد : لكل زوجة موظفة أغدقت زوجها بمالها ماهو ا
انا لي تجربة باعطاء زوجي قرض ووعدني يسدد القرض اللي علي بمجرد مايجيه مبلغ
طبعا جاه المبلغ وسحب علي ..وانا اللي اكلتها يسحب من راتبي شهريا مبلغ 3000 وزياده لمدة 5 سنوات وبالنهاية لا شكر ولا تقدير هذا عايش عمره بهلبسفريات والروحات وانا ولاادنى تقدير |
رد : لكل زوجة موظفة أغدقت زوجها بمالها ماهو ا
اكيد مع العشره يبان الزوج صاحب حق ويرد ويقدر حقوق زوجته ولاماهمه
طبعا زوجي علشان مااظلمه كان ومازال ماياخذ مني ولو اخذ يرجع لكن ذيك الفتره كان يحس انه معه حق انه يتصرف بالمبلغ وبعدها يسددني وفعلا سدد لكن تصرفه بهذيك الطريقه حرقت قلبي |
رد : لكل زوجة موظفة أغدقت زوجها بمالها ماهو ا
انا كنت متزوج موظفه وذلتني براتبها
يعني تقصير بالبيت بحجة انها موظفه وتشتري ابجورات وترمي القديمه تشتري شمعدان وكاسات وصواني ذهبية اقول ليه تقول احب التغيير اقول مو لازم تشترين عندنا كل هالاغراض وتقول وش حارق رزك راتبي كانت تشتري ملابس ماركات لها وللعيال جزمة طفل عمرة 4سنوات ب 450 ليه مو حرام؟؟؟ فنيله ولد ب 240 ليه ؟؟ وبعد ماتطلقنا شالت كل شئ اشترته حتى الشمعدان مكسوره رجله خذته هههههههه تشبع فيهم الله يستر عليها لا وتطلب سلف بتسوي عملية تجميل ورفضت خوفا عليها سوتها من وراي وتسلفت من صديقتها وازعجتني برجع السلفه واعطيها اكبر غلط الواحد يتزوج موظفه تغثه براتبها يعني شين وقوي عين تقصير بالبيت ومصروف دايم تتكرر قدام عيني الموظفات رامين عيالهم على الخدامات غلطة ماتتكرر بتزوج بنت ربة منزل راعية بيت تعوضني عن سنين المطاعم والضغط ولا تذلني كل يومين بجيبها براتبي بشتريها من فلوسي |
رد : لكل زوجة موظفة أغدقت زوجها بمالها ماهو ا
من حقها تقول بجيبها من راتبي وين المذله بالموضوع
بعدين يااخي لاتعمم انا موظفه ومااحب اكل المطاعم واطبخ انا واذا جبت شغاله ادربها لين تتقن وارتاح من حقي لكن مطاعم لا وفيه ربات بيوت كسولات وعيالها راميتهم على الخادمه ودايم معها ولاتطبخ يعني نصيحه لاتقول ابي راعية بيت تعوضني ولاموظفه ماتنفع لكن قل الله يرزقني بالصالحه الي تسعد قلبي وتقر عيني واقر عينها |
رد : لكل زوجة موظفة أغدقت زوجها بمالها ماهو ا
تحملتك كفاية..
كلامك اثبت لي ان الرجال يتحسس من المراة المستقلة المستغنية 😊 |
رد : لكل زوجة موظفة أغدقت زوجها بمالها ماهو ا
اقتباس:
انا ساعدته بالبيت وانا اجيب وهو ما يجيب احد مدح الابجوره انا جبتها وهو ماجابها الله يرزقني بالصالحة وشرطي ماتكون موظفه معليش اكثر الموظفات هنا بالمنتدى يقولون مشاكل مع ازواجنا على رواتبنا او مصاريفنا اقطع هالمشكله من أساسها واتزوج انسانه ماتبي تتوظف وشرطي لو لقيتي وظيفه مافيه وماعندي مانع لو اشتريت بيت اكتب نصه بإسمها دون ماتدفع ريال اكبر دليل هذا الموضوع كثيره المشاكل بين الزوجين بسبب الفلوس |
رد : لكل زوجة موظفة أغدقت زوجها بمالها ماهو ا
اقتباس:
الاخت عذاري 1234 تقولي لاتعمم وانا اقولك نفس الشئ لاتعممين انا رجال واحد فقط من ملايين الرجال ومااحب المرأه من هالنوع اللي ذكرته الزواج والوظيفه عمرها ماكانت استقلاليه للمرأه مستقله ببيت اهلك كيفك لاكن عندي بالبيت انتي شريكة حياتي لك حقوقك وعليك واجباتك ماطلب منك ريال وبنفس الوقت احترمي رغبتي مو لازم تشترين للبيت اي شئ يعجبك بتشترين لنفسك انتي حرة وطليقتي مرة اشترت شنطة ب 14 الف ريال ماقلت لها شئ راتبها وحرة ومستقله بذاتها لكن امور مشتركه بيننا لا مستغنيه عني انا ايضا مستغني عنها وعن راتبها بس بالمقابل لاتستغنين وتقصرين عموما هذا رأيي |
رد : لكل زوجة موظفة أغدقت زوجها بمالها ماهو ا
تصدقون عاد اكتشفت شي
<<< خفي علينا يا اانا لما الحرمة تصرف من راتبها ع بيتها او زوجها او الاسرة بشكل عام ينقسمو قسمين : رجل يقدر هذا الشي و يشوفه من باب التعاون و التضحية من الزوجة و تكبر الزوجة بعينه و يرفع قدرها و هنا الزوجين بيرتاحون و يسعدون ف حياتهم و صنف يعتبر هالشي اهانه له و بعد ما يخلص غايته يروح ينتصر لنفسه باقرب فرصة ممكنه و الزوجة خسرانه ف هالحالة ما يسوى عليها وحليلها للاسف هذا الفكر اللي منتشر مع انه هالنوعين |
| الساعة الآن 09:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©