منتدى عالم الأسرة والمجتمع - الزواج من طبيبه وشروطي هل هي مقبوله

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - الزواج من طبيبه وشروطي هل هي مقبوله (http://www.66n.com/forums/showthread.php?t=257535)

رد : الزواج من طبيبه وشروطي هل هي مقبوله

مشكله البعض يطلب كل شي
الموظفه المتعلمه ربه المنزل العشيقه الجميله المتانقه دائما
تظل امراه ليست اله وليست سوبروومن

رد : الزواج من طبيبه وشروطي هل هي مقبوله

اقتباس:

المشاركة الأصلية كتبت بواسطة اهداني ثلجا (المشاركة 3190717)

هذا اللي قصدته.. والواقع شيء اخر

رد : الزواج من طبيبه وشروطي هل هي مقبوله

كلام فانتي صحيح تماما لوقلت شروطك هذي على موظفة ثانية كان ممكن اتقبل كلامك أنا زوجي رفض وظيفتي وتنازلت عنها بقناعتي بس طبيبة لا والف لا ماوصلت لهذا المكان الا بتعب وجهد ومشقة مستحيل تتنازل عنها ... إذا انت مقتنع بشروطك ابحث عن غير طبيبة صدقيني مستحيل بتوافق عليها اي طبيبة .

رد : الزواج من طبيبه وشروطي هل هي مقبوله

اشوف شروطك معقوله .....لكن لو حصل خلل بعد الزواج لاي سبب لا ترجع تقول اشترطت عالج الخلل بالطريقه المناسبه

الشغاله ضروريه للنظافه مو للاطفال ترى صعب انه الوحده تشتغل برى البيت وكمان داخل البيت ...ولو رفضتها هذا يفقدك التمتع بجمال الحياه الزوجيه خاصه في الفراش لانه ارهاق ارهاق ارهاق ايش يولد وحده دلوعه في غرفة النوم ومهتمه بزوجها ...الا اذا اخر همك انها تدلعك وتهتم فيك ممكن ....

تفكيرك انه تاخذ وحده عمليه والله تفكير رائع جداً
اتمنى التفكير هذا يكون في شبابنا لانه الزوجات ملو من السهر والطفش في البيت ورفض الزوج للوظيفه

لكن لاتغير رأييك بعد الزواج زي ماتبغاها توزن أمور حياتها الزوجيه بحيث انه الوظيفه ماتأثر عليك انت برضه التزم بهذا ...ولا تحملها بشي فوق طاقتها .....

والله يوفقك...
ولاتنسى تطلبها تحط شروطها زييك احلى شي التفاهم بين الزوجين من بداية حياتهم خاصه في أمور الاطفال والاجانب ماشيين ع كذا وإحنا همنا سفريات وبس ...

ع اني اقول انت والي بتاخذها بإذن الله أحوج ماتكونو لتغيير جوكم في الاجازات بالسفر للترفيه والخروج من اجواء العمل ...

رد : الزواج من طبيبه وشروطي هل هي مقبوله

شروطك تعتمد عالمجتمع اللي عايش فيه
بس طبيبة أخذت شهادة بعد جهد جهيد تتوقع تتنازل عن شغلها بسهولة كذا؟
اشترط ممرضة أو وحدة من خريجات المختبرات الطبية اللي لسه ما توظفوا
لكن طبيبة من الصعب جدا يا أخي تحصلها توافق على شروطك خبري الأطباء من يتخرجون
أمنيتهم التخصص والدراسة ولا شي يوقف طموحهم

رد : الزواج من طبيبه وشروطي هل هي مقبوله

اقتباس:

المشاركة الأصلية كتبت بواسطة ياسر العاشق (المشاركة 3190398)

السلام عليكم.. موضوع هو موضوع عادي نوعا ما,
انا طبيب حاليا و قررت الزواج من طبيبة لاسباب كثييرة
لكن مااخترت البنت ولا في بنت معينة عندي الحين, لأن وضعي الحالي لا يسمح وانتظر حتى يسمح وضعي العائلي الحالي قريبا باذن الله راح اختار البنت او اختي وهي طبيبة تختارها لي.
لكن هناك كم من الشروط في بالي واريد رأي الطبيبات فيها:-
- ان تكون من التخصصات الطبية المناسبة للزوجات ( راديو، فاملي،ديرما) لقلة الاونكولات وضغط العمل فيهم وافضل ان تكون GP في مركز صحي او دكتورة Basic science بالجامعة يكون احسن بكثييير واريح لي نفسيا.

- ان بيتي ما تدخله شغالة نهائيا حتى لو يصير عندنا عشر عيال !.. وبالنسبة لشغل البيت انا عشت عزوبي اكثر من 7 سنوات واستطيع مساعدتها بالطبخ ونظافة البيت. واحب ان اعمل ذلك في بيت ابي.

- ان تلتزم بالنقاب واللبس الساتر وان البالطو يكون واسع وتحت الركبة بمسافة كافية وتلبس تنورة. وهذي لقيت كثيير ممن يلبسون الخمار وشكلهم مرة مشرف وساتر ماشاء الله وشكلي راح اخذ وحدة منهم !..

-بالنسبة للاطفال عليها ان تأخذ اجازة امومة وتتفرغ لترعى الطفل لمدة سنة على الاقل حتى يشتد بعدين نحطه بالحضانة,
-بالنسبة لراتبها لا لي تدخل فيها وفيما تصرفه, ولها ان تصرفه كيفما تشاء. ولها مصروف مني شهري. ولا اريد منها شيء وانا لله الحمد لدي تجارتي الخاصة ودخلي ممتاز. لكن لا اريد ان ترغمني على شيء لا اريده لسبب مادي. كالسفريات مثلا قد لا احبذ السفر احيانا لارتفاع التكاليف تقوم تقول نسافر على حسابها. لا اريد هذا. وهذه امور في وقتها تنحل ونتفاهم عليها..

- في أي حال من الاحوال اصبح عملها عامل سلبي على البيت وكان لا مجال الا ترك العمل عليها ان تتركه .. ( ارجو عدم فهم النقطة غلط) اقصد انها قصرت كثيير او صار دوامها كان كثيير ومرهق جدا .. او صارت امور سلبية كثيير بسبب عملها..

وهذه شروطي وابي رأيكم فيها وهل قابلة كلها للتطبيق وهل اصرح للي اخطبها بشروطي هذه؟
تم تعديل العنوان ليتناسب مع المضمون

اقول ياسر كيف حالك وانا اخوك

الله يوفقك ويكتب من نصيبك بنت الحلال اللي تعوضك تعب وشقى هالسنين

اللي لونته بالاحمر شرط لازم تنساه وتشيله من بالك 1 % من النساء تترك وظيفتها علشان وضعها الأسري تأزم و 99 % تتمسك بوظيفتها اكثر واكثر لما تلاحظ ان الوضع الاسري تأزم خصوصا لو كان مجال هي مبدعه فيه ولها مستقبل مستحيل تتركه

بس ليه ركزت الا تبي طبيبه خذ معلمه تطلع بعد الظهر وتهتم بالبيت

خذ ربة منزل متفرغه للمنزل والعيال طول اليوم

ليه ماتبي تجيب خادمة تساعدها ترا كل الناس يجيبون خدم عادي وش السبب انك رافض ؟

بالنهاية دام هذي شروطك ودقيقه مافيها مرونه قليل اللي بتوافق عليك اهدى شوي واطلب المستطاع

رد : الزواج من طبيبه وشروطي هل هي مقبوله

اقتباس:

المشاركة الأصلية كتبت بواسطة مسز داني (المشاركة 3190651)

اجدها شروط معقولة
بالتوفيق

يعطيك العافية.

اقتباس:

المشاركة الأصلية كتبت بواسطة اهداني ثلجا (المشاركة 3190656)

هذي عقود شركات الله يهديك
اخي من جدك طبيبه تعبت وتعبوا اهلها وخرجوها
وخذتها جاهزه مجهزه تترك وظيفتها
سؤال ثاني وش اعتراضك على الشغاله
لا هي عيب ولا حرام ولا من علامات المرجله ان بيتي ما تدخل الشغاله
زادو العيال والمسئوليات اجيب وحده تريح زوجتي وتريحني
بعشر اولاد وطبخ ونفخ وين بيكون الدلع وتنفيذ طلبات الزوج و اللحظات الخاصه بينهم
بتلقى نفسك من تعب الدوام الى تعب البيت والعيال انت تركض وزوجتك تركض ومو ملحقين
واصلا مستوى الحضانات عندنا متردي
تحسب نفسك بامريكا
اللبس اطلب اهلك يشوفون لبسها بمقر عملها
اذا لبسها ستير ماله داعي تشرط ماراح تغيره بعد الزواج
خلك مرن ولا تحاتي كل نقطه من الحين
الله يوفقك

ما قلت تترك وظيفتها .. لو ابي تترك وظيفتها كان ما اخذتها.. بس اقصد ان صار شي طارىء. وبعدين الطبيبات يقدرو يرجعون متى ما يبون مو مثل الوظائف الثانية..
الشغالة ما فيه حاجة وتنظيف البيت انا بساعد فيه.. وفيه شركات تنظيف يجون بآلات خاصة.. وجارنا امام مسجد ماعند شغالات وبيته كبيير. ويجيب شركات تنظف والبيت يلقلق نظافة.. ما راح اطلب منها فوق طاقتها.

بالنسبة للعيال انا استغرب صراحة تبون العيال يربونهم الشغالات .. للاسف ! هذي تربية الشغالات نشوفهم بالشوراع الحين وشوفو مصايبهم من قتل وتحرش وبلاوي !..

اقتباس:

المشاركة الأصلية كتبت بواسطة نجم سهيل 2015 (المشاركة 3190660)

حتى الشروط بعد الزواج قد لا تلتزم انت بها
استخير وربك بيكتب فيه الخير

شكرا لك.

اقتباس:

المشاركة الأصلية كتبت بواسطة Vanity (المشاركة 3190711)

مايصير تبني على سمعت وشفت

اي مراة عاملة غالبا ماراح تقصر اذا كان وقت فراغها طويل.. وعيالها اكيد بتهتم فيهم

ساعات الفراغ القليلة تحتاج ترتاح فيها مو تكنس وتنظف..الخ

هي مو الة بالنهاية

لان الموضوع مو شاي او اكلة تسويها وانتهينا.. اللايف ستايل يفرض علينا هالشي

بيوتنا كبيرة والحياة الاجتماعية متوسعة ومتعبة.. لذلك تعتبر شي اساسي مو كمالي

ومايسوى ابد تشقي امك عشانك مقتنع بامر معين.. لو بتحطه مع خدامته نقول معليش

انا برضو اعرف اكثر من طبيبة خيروهم ازواجهم بين الانفصال او ترك المهنة

واختاروا عملهم وفعلا انفصلوا 😊

قلنا بلاها زواج اذا ما كان في شخص مقدر ومراعي..

هالحكي كنت بقوله حتى لو ماكنت ادرس طب 😊

عموما حكيك بيتغير لما تتزوج صدقني

ما تزوجت شغالة انا عشان تكنس وتنظف. بعدين شقة راح تكون... وش الحاجة لشغالة.. ممكن لو صار عندنا بيت كبيير ممكن افكر وهذاك وقتها راح يكون القرار.. وانا سألت اكثر من خمس اطباء كبار زوجاتهم طبيبات وكانو مبسوطين جدا.. لكن نصحوني بالتخصصات التي ذكرتها. الشيء الثاني انتي مقتنعة ان يربو عيالك الخدم ؟ jyjy ... صراحة لا تعليق ! للمعلومية تراكم تقدرون تتركون الووظيفة وترجعون لها ولو بعد سنين عادي خلافا للوظائف الاخرى !

بعدين الي فضلو وظيفتها على بيتها وفضلت الانفصال .لا اعتقد وحدة عاقلة تسويها الا اذا زوجها كان سيء ! اما اذا كان الزوج طيب وكويس تقوم تفضل وظيفتها وطموحها على بيتها ! وش الفايدة كملت طموحها وهي بلقب مطلقة وجالسة ببيت ابوها ؟ تتوقعي حالها افضل من ان كانت ربة بيت وعند عيالها وفي بيتها؟ .

اعرف واحد متزوج وحدة موظفة بادارة شركة. وحياتهم كل واحد بطريق لا يتقابلون الابغرفة النوم اذا كنتي تبي هذي الحياة فاقولك انها ما تنفع لأنو المودة تضعف وتروح. وبالنهاية انتي راح تخسري !..

اقتباس:

المشاركة الأصلية كتبت بواسطة راني ران (المشاركة 3190713)

طيب ليه من اﻻساس دكتورة شروطك صعبة عليها ماتقصر في البيت وهي بترجع هلكانه مالها حيل للتنظيف دوام المشتشفيات طويل ومتعب والمرة تتعب اكثر من الرجل اما تاخذها طبيبة ومعها خادمة وتراعي تعبها واما تاخذ ربة بيت متفرغة لك ومو صحيح راح تكون طفشانه على طول اي نعم فيه اوقات تطفش فيها لكن مو دايم وتراعي الاطفال والبيت من غير شغله وتكون روحها مرحة وفرفوشة وفيها طاقة ما استهلكت ف الشغل ،،،هل فعلا طلبك لطبيبة هو التوافق الوظيفي والفكري بس

انا ما طلبت تشتغل بالبيت وقايل بساعدها وراح تكون شقة اصلا, وش كبر البيت عشان يكون متعب. وشغل البيت مو يومي كل اسبوع تنظيف والوضع اوكي ! وصح التوافق الفكري هذا ابيه. وبعدين تكون انسانة واعية وعارفة وين مصلحتها.

اقتباس:

المشاركة الأصلية كتبت بواسطة متفائله200 (المشاركة 3190729)

بعرف هو شغل البيت يوميا بيكون؟ لا. كل اسبوع بالترتيب والجدولة وتنظيم الوقت راح يكون سهل ,, والبيت اصلا بيكون شقة. بعدين اذا كان فيلا ممكن نستعين بشركات التنظيف مثل كثييير من الناس يسوو..
وصح ربات البيوت اذا مافيه شي يشغل الفضاوة تجيب البلاوي والطفش وتكيات النت الي ما لها اي فايدة.

اقتباس:

المشاركة الأصلية كتبت بواسطة الفجر البديع (المشاركة 3190744)

لماذا اخذ ممرضة او غيرهم .. هذولاك دوامهم متعب اكثر وشفتات ليلية اكثر.. ووضعهم غير مريح بالنسبة لي.

ماطلبت تترك شغلها.. قلت في حالة طارئة.. يعني اذا بتكون انانية وبتقول شغلي ! صراحة بيت ابوها اولى فيها !

اقتباس:

المشاركة الأصلية كتبت بواسطة تحملتك كفاية (المشاركة 3190750)

معلوماتك قدييييمة للاسف يا اخي.. لا يوجد الحين وظائف للمعلمات في المدارس الحكومية. الا الف كيلو عنك. هههها يعني بتاخذها معلمة مدرسة اهلية في الغالب وراتبها ما يسوى شي ويكرفون والدينها بانواع الشغل الي لازم تسويه بالبيت هذي عن تجارب لاصدقائي. تورطو بالمعلمات.. الحين لا يوجد موظفات سوا القطاع الصحي فقط . البنوك والمدارس اصبحت متشبعة.. ممكن تحصل وحدة مدرسة بمدرسة حكومية انا اهلي دورو بالمدارس الي جنبنا وسألو ايضا قريباتنا المدرسات... حصلو معلمات لكن كبيرات في السن ولا عجبو اهلي ..

بالنسبة للخادمة ما ابي تربية الخدم لعيالي. اسال المعلمين اصبحو يشتكون من تربية العيال التي واضح انها تربية خدم وبعدين المصايب وحوادث القتل الي كل يوم نشوفها. الواحد يبعد عن البلاوي ويفتك.

رد : الزواج من طبيبه وشروطي هل هي مقبوله

اقتباس:

المشاركة الأصلية كتبت بواسطة تحملتك كفاية (المشاركة 3190750)

خذ ربة منزل متفرغه للمنزل والعيال طول اليوم

في هذا الزمن ما ينفع ربة بيت .. حريم الحين مو مثل اول.. وبعدين تراها انسانة مثلك وش تحبسها بالبيت طول النهار.. وانا انسان ما احب الطلعات واجد.. اذا اخذت ربة بيت بتكون طفشانة من البيت وتبي تطلع وصراحة انا انسان موفاضي للطلعات كثير وراي اشغال وقراءة .. وربة المنزل مع احترامي لجميع ربات البيوت (خريجات ثانوي في الغالب) وانا ابي وحدة جامعية فاهمة ذكية متعلمة. اضافة الى ان الفضاوة هذي تجعل حياتها سهر ونوم للظهر ومافيه ترتيب اولويات ولا جدولة وتنظيم للحياة .. انا ما احب النظام هذا نهائيا.. الموظفة تنغصب ترتب وقتها وتجدول الي عليها لأنو بدون ذلك ما راح تلحق شي. بتنظيم الوقت تقدر الطبيبة تلحق البيت كله.. لأنه شقة تنظيف الحمامات كل اسبوع مرة مع كنس الصالة والمجلس والغرف. وهذي بساعدها فيها انا .. انا اخواتي موظفات ولله الحمد . وكلهم ولا شغالة في بيوتهم وقايمين في بيوتهم بتنظيم الوقت وجدولة الاعمال وازواجهم مرنين ويساعدونهم.. وعيالهم ماشاء الله في افضل التخصصات الجامعية يدرسون الآن.

رد : الزواج من طبيبه وشروطي هل هي مقبوله

لا تحور كلامي عشان تقلبه ضدي.. اللي قلته واضح

اعد قراءته

انا تكلمت عن الوقت اللي ماتكون فيه موجودة بالبيت 😊

ماقلت الخدم يربون.. ولا لمحت حتى وذكرني باي نقطة انا قلت هالحكي اذا كنت فاهمه كذا؟

لما هي تترك الوظيفة تتركها باختيارها وقرارها.. بنت الناس مو رهن الاشارة لها كيان وقناعات وتفكير مستقل

انت تبي هالصفات لكنك قاعد تناقضها وحاط برنامج حياتها بالكامل..

ماودي ادخل بتفاصيل بس الوقت الصعب هو الريزدنسي اللي المفروض قاعدة تؤسس البيت والاطفال رضع

ماتقدر تاجلها كثير لين منتصف او اخر الثلاثينات من عمرها وترجع توها تبدا التخصص من جديد! اذا اردت ان تطاع فاطلب المستطاع

تبي تدور الله يقويك.. بس اعطي البنت واهلها معلقة الشروط هذي :)

رد : الزواج من طبيبه وشروطي هل هي مقبوله

فانيتي عزيزتي
الوقت اللي هم مو موجودين فيه..تقريبا 9 ساعات لو حسبنا مشوار الروحة والرجعة
وهو وقت طويل...ستدخل لهم عادات وطبائع من يجالسهم.