|
رد: من مذكراتي الشخصية
حلو يا بطه
استمرري |
رد: من مذكراتي الشخصية
ما ابي اصير بطة
طبعا مرت اول ثلاث شهور* و انا في حالة ما يعلم بها الا الله تعقدت من اللون الاصفر و من البطات - الصالة ف بيت عمي - سارة قاعدة تجهز حفلة للعيال بمناسبة انتهاء العام الدراسي سارة هذي شمعة البيت و اللي مسوية جو كونها اخر العنقود سارة تقول لعمتي بنسوي حفلة للعيال و راح استاجر خدمة الحفلات اخليهم يجيبون نطاطية و شخصيات و نختار لو موحد للاطفال يلبسونه نفس ثيم الحفلة ... الاطفال هيه هيه هيه حفلة حفلة و جلست سارة تسال اخوانها و أخواتها* اي لون تحبون لعيالكم و العيال مبسوطين كل واحد يختار لون انا اكلم بطني : يلا حبيبي متى تجي على الدنيا و تختار لون زيهم و تلعب معاهم* احمر* لا لا* هذا للحب الأزرق احلى طيب الوردي ما ينفع الوردي الاولاد ما يلسونه طيب و الاصفر نطت نورة أخت سعيد الكبيرة *ايوه ايوه الاصفر ناظرتها : اشمعنى الاصفر ردت: حلو الاصفر امس ابو العيال شرا لعيال ملابس صفرا و اعطوه بطات هدية من غير عنندي ف الروضة درس عن اللون الاصفر مريم لانها معلمة رياض اطفال انا اتبرع و اسوي للعيال ورشة كيف تصنع شمس او بطة و هي تتكلم عن البطات و تنادي العيال مين يقلد صوت البطة و سارة المسكينه لمحت اني تغير وجهي ، و* تغمز لمريم اسكتي و مريم ماهي بفاهمة و انا وجهي تلون احمر ازرق اخضر و زعلت و مشيت غرفتي اتصلت لسعيد و انا ابكي سعود تعال انا ما اقدر اجلس هنا و لا دقيقة يغمزون لي سكتت يضحكون من وراي سكتت لكن توصل فيهم يخلون العيال يتطنزون عليي ماني ساكته و جلست ابكي و هو يهدي فيني يريد يفعم وش السالفة و انا ابد* والله ما اقعد دقيقة في ذا البيت و ابكي سعيد: انا ف الدوام اللحين و مشغول بس ارجع نتفاهم قلت ابد ماني قاعدة دقيقة تعال ودني بيت ابوي و ارجع لشغلك سعيد طيب طيب ما يخالف بجي افهم السالفة و انا اشبر الغرفة رايحة جاية و اللي في مخي حسبي الله عليها تزيدني شوفتي كيف ما يحبونك ?شفتي كيف يتمسخرو عليكي ؟ (سكتي يا شيخة محد وداني في داهية غيرك) وصل سعيد خير اللهم اجعله خير قلت له السالفة وقف و رفع يده للسماء يارب صبرني على بلواي الحمد لله و الشكر ربي ليش ابتليتني بالزوجة المجنونة ذي قلت له انا دارية من الاول أنكم* تتمسخرون عليي و* تقولون عني مجنونة بكني ساكته بمزاجي بس اللحين ابد ما اسكت انا ايش سويت لكم علشان تعاملوني كذا رد سعيد نورة اختي عاقلة و مو من ذي السوالف و لا في بالها يمكن ما تقصد قلت بلا تقصد وش معنى ما اختارت الا اللون الاصفر ؟ و ليش البطة بالذات؟ يعني من قلة الحيوانات حواليها ؟ سعيد و هو يضحك و انتي ليش تتحسسي من البطة و اللون الاصفر ? ماني فاهم? قلت له تستهبل يعني قال والله ما اعرف فهميني جلست ابكي و اانا اقول له صار لي اسبوعين و انا احلم اني ف اخر حملي* تحولت بطه و كلكم تجرون وراي تنادوني يا البطة و انا ابكي و انتف ريشي و ذيلي يكبر و انا انتف و انتف و انتم تضحكون و البس عبايتي و يطلع الذيل من تحت العباية و انا ابكي طبعا انا اتكلم و سعيد يضحك و يضحك و دعت عيونه قال انتي مو صاحية اللحين تركت شغلي و ياي طيران و هذي السالفة قلت و اناا ابكي : الا السالفة موعادية انت موفاهم شي قال طيب : يعني انتي تحلمين انك تحولتي بطة وش دخل نورة اختي بالموضوع قلت تراها تقول لي تعالي الروضة ساعديني ف درس البطة و هي اكثر وحدة تركض وراي تبي تصورني و توريني لاطفالها ف الروضة سعيد متفاعل معاي يعني نورة تصورك و انتي بطة توريهم للجماعة ف الروضة عجب انها ما تستحي كان انتظرت شوية علشان تولدين اقصد تفقسين بيضك و تصورك انتي و الكتاكيت معاكي صرت انت تتمسخر عليي انت زيهم اطلع برع اطلع قال انا طالع بس حطي في بالج انه نورة اختي ما دخلت معاكي ف الحلم و لا تعرف شي عن البطة حقتك ذي و جلس يضحك و طلع يووووه صدقه سعيد نورة اش عرفها عن البطة و احلامي عن البطة بس خبل الوحام اعماني انا خاصمتها اسبوع و لمن عرفت جات عندي المسكينة و اعتذرت يا قلبي يا نورة سمعتها تقول لسعيد حط بالك عليها باين انه وحامها صعب *تحمل شوي و الله يعينك طبعا انا في تلك الايام ماكنت حاسة اني أكبر المواضيع اكثر من حجمها و اني صايرة حساسة زيادة عن اللزوم و ابكي على اي حاجة و هناك مواقف كثير تدمع لها العيون من شدة الضحك والله اني كنت خبلة الله يعين سعيد و عمتي ام سعيد على صبرهم ع كل ذا الجنون عمتي تقول لسعيد خذها بيت اهلها ترتاح باين انه نفسيتها تعبانة حيل انا جلست ابكي ادري عمتي ما تحبني تريد ولدها يتركني و يتزوج عليي ليش يا عمه ليش ( من وين جت هالفكرة الخبلة مدري) سعيد من كثر ما يشوفني ابكي يأس و صار يترك البيت و يسهر ف المجلس مع اخوانه و اصحابه و انا الخبلة اجلس ابكي و ابكي ليش انت كذا يا قاسي ليش ? ليش تزوجتني يوم انك موقد المسؤولية قال يا الخبلة انا اخليكي تبكين ع كيفك بعدين ارجع مافيني ع وجع الراس |
رد: من مذكراتي الشخصية
قلت ايوه تفضل اصحابك عليي
قال انا طول ما انا جالس معاكي و انتي تقولي زهقانة تعبانة و تشتكين من كل حاجة و من اهلي و اهلك و صاحباتك ما ظل لك احد ما شكيتي منه *و تزعلين ع كل حاجة بكيت ايوه ايوه رد عليي هذا اللي انت فالح فيه قال اجل وش المطلوب مني قلت انت لازم تخفف عني و تطلعني من حالة الارف اللي انا فيها ثم سكت و ناظرني مسك ايدي و مشى لعند البلكونة قال مافي غير هالحل و نطي و انط وراكي* و تكوني شهيدة باذن الله و نتلاقى ف الجنة صرخت* لا تتمسخر عليي انا اتكلم جد قال طيب طيب لا تصرخين لا يطلع الريش رميته بالمخدة و نام مسكين طبعا فترة الحمل كانت من اصعب فترات الحياة اللي تمر بها المرأة و حرمت نفسي من الخروج و التجمعات العائلية ما ابي احد يشوف بطني و شكلي و اتضايق لما يسألوني بنت او ولد اقول ما اعرف حتى لما سألتني غادة خالة سعيد جهزتي للنونو قلت لا لسه ماني عارفة بنت او* ولد قالت عادي اشتري لون محايد بعدين ما يمديكي خذي بيج او اصفر مثلا انا صرخت في نفسي حتى انتي يا خالة .سارة و سعيد من بعيد يضحكون يا خالة كل شي الا اللون الاصفر هذا محرم شرعا في بيتنا |
رد: من مذكراتي الشخصية
لي عودة باذن الله
لتعيشو معي لحظات وصول ملاكي على هذه الدنيا بس المخ شوي تعبان بعض الصفحات باللغة العر بية الفصحى و بعضها بالعامية اهم شي توصل المعلومة |
رد: من مذكراتي الشخصية
عجيب وحامك وخصوصا للون الأصفر ..
اكملي بارك الله فيك |
رد: من مذكراتي الشخصية
هههه أضحكتيني
بس فعلا وحامك مزعج لنفسيتك وللبقية الله يتمم حملك بكل خير لكن الجميل إنك أدركتي إنك كنتي تضخمين المشاكل |
رد: من مذكراتي الشخصية
روووعه ..
بانتظارك .. |
رد: من مذكراتي الشخصية
اقتباس:
هههههههه اقتباس:
ههههههه اقتباس:
اقتباس:
بس بنتي تعبانة شوي اول ما تطيب اكمل من عيوني لزوووم الملم باقي صفحات المذكرات احس انكم تحمستم اكثر مني لي عودة باذن الله |
رد: من مذكراتي الشخصية
ربي يشفي ابنتك لا بأس عليها ان شاء الله .
في انتظارك .. |
رد: من مذكراتي الشخصية
ضحكت من قلبي
كنت اتوقع انها خيال انصدمت يوم فهمت انها واقع الله يعينك من جد اذا نفسيتك لهاالدرجه وقت تتوحمي |
| الساعة الآن 10:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©