المشاركة الأصلية كتبت بواسطة أم الدانــــــة (المشاركة 3214438)

المشاركة الأصلية كتبت بواسطة رائحة البخور (المشاركة 3214439)

كيف تطهري نفسك
اولآ : اشتري علبة ديتول للعنايه الشخصيه الي لونها اخضر
وحطي مقدار غطاء ديتول بعلبة مويه صغيره ومعاها كسره صغيره ( مره )
وامسحي المنطقه فيها دائمأ ،

ثانيآ : مغاطس ماء دافي مع ملح مره وحده باليوم ، وقشر الرمان ممتاز يشد المنطقه بشكل عجيب ،

ثالثآ : غسول نسائي توصفه لك الدكتوره بعد الولاده عشان لاتتجرثم المنطقه وتصير عندك حكه او روائح

رابعآ : انصحك اول ماتحسي بااعراض الولاده ( دم او نزول ماء الطفل ) تحطي علي قطعة قماش عطر وتكثري وتحطيها علي انفك من اول الولاده لين تخلصي ، او تعطري ملابسك ، عشان ماتسسب لك الروائح بعد الولاده ( بالشمم ) او ( هواء الراس ) ، وعشان وقت النفاس ماتحرمي نفسك من العطر والبخور والروائح المنعشه،

خامسآ : افضل فوط ( الويز بالاجنحه ) او ( فام بالاجنحه ) بالمستشفيات يستخدمو فام

سادسآ : فيتامينات لازم الدكتوره توصفها لك ، والافضل تحصلي علي الفيتامينات من الاغذيه

سابعآ : بعد الولاده بثلاث ايام ابدائي استخدمي مشد طبي للبطن خاص للنفاس عشان لاتترهل وترجع لوضعها الطبيعي بسرعه ، او اربطيه بقماش ، ولازم تلبسي برجلك جوارب وتدفي نفسك

ثامنآ : الماكولات ، ابعدي عن الغازيات ، الرز ، الحوامض ، الخبز الابيض ،
واستبدليهم ، بالشوربات الحاره ( شوربة عدس - فريكه - شوفان - برغل ) ، المشروبات الدافئه ، الدجاج المشوي ، الخبز الاسمر ، وكثري فلفل اسود بااكلك ،

ايضآ اشتري تحاميل اسمها ( فولتارين ) خاصه لمرحلة النفاس تريحك اول اسبوع بحال حسيتي بالم ، الصيدلي يوصفلك طريقة استخدامها ،

الملابس الافضل القطنيه المريحه ، الي تكون من الامام بسحاب او ازرار تسهيل لعملية الرضاعه ، ارواب ، او بجايم قطنيه فظفاظه مريحه ،

وضروري تشتري شفاط الحليب الخاص للصدر ، لاان الحليب لو تجمع بالصدر يؤلم ويسبب احتقان ، تشفطي باستمرار ، عشان يدر صدرك اكثر ، وعشان لايتجمع بصدرك ويوجعك ، ايضآ اول ايام الرضاعه تشقق الحلمه من الرضاعه ، فيه كريم خاص الفضل كمان تجهزيه ، الله يعينك يارب

المطلوب من العطار وهو الشي المهم ، برجع اكتبه لك بعدين ان شاء الله

المشاركة الأصلية كتبت بواسطة ندى_1406 (المشاركة 3214628)

المشاركة الأصلية كتبت بواسطة فاكهة الشتاء (المشاركة 3214632)

ياويلي
داخلة اساعدها
من قريت قص للفوق ولتحت هربت
لان طبيعتي اتهرب من تذكر التفاصيل
برجع بعدين اذا قدر الله سبحانه

المشاركة الأصلية كتبت بواسطة soqya (المشاركة 3214877)

وعليكم السلام ورحمة الله وبركاته..
لم أجرب لكن سأفيدك ورد فاكهة دلع بنات:) مو أول مرة :) شفت كلمة قص وأخذت نفس عميق مع إنني حضرت ولادة أختي كاملة وشفت كل حاجة لكن في النهاية دخلت في ا غماءة :)
شوفي حبيبتي بيكي القرفة والحلبة ماتتخلي عنهم أبدا.
فيه الفوط الكبيرة فقط أول أيام وبعدها استخدمي الفوط التي تستخدميها الدم بيكون أقل..
بالنسبة الفيتامينات هذه الدكتورة التي ستعطيك إياها وحتى الغسول بالذي يناسبك..
عندما تغسلي المنطقة بماء دافئ احرصي على ذلك لأنه البارد يشد ويتعبك..
وحتى صدرك احرصي في كل رضعه يكون معقم ونظيف و ملابسك تكون مفتوحة بازارير من الأمام ولا ترضعي قدام أحد وعليك بالتحصين..
الجوارب بتدفي جسمك وبتحسي بطنك د افىء حتى هذه اللفتيات وقت الدورة..
انتبهي دفي نفسك وقت النوم لأنه أي حاجة بتمر فيها بتأثر فيها الصغير من الرضاعة وخاصة المغص..
عوديه على الرضاعة الطبيعية لءنه لها فوائد منها تقوية مناعة صغيرك والله يبعد عنك السؤء الءورام سبحان الله الفائدة منها..
الصناعية إلا في الحالات الصعبة مرة.
اشربي حليب وكلي أكل صحي شوربة خضار مشاوي كل بدون بهارات..
والله يفرح قلبك بصغيرك.
رائحة البخور لما الفلفل الأسود كويس اعرفه بأنه ممنوع، افديني

المشاركة الأصلية كتبت بواسطة رائحة البخور (المشاركة 3214919)

بالنسبه للاعشاب عزيزتي
مو شرط انك تلتزمي فيها ، بالنسبه لي مهمه وضروري
لاان الاهتمام من الخارج بجرح النفاس ماينفع ، لازم الرحم ينظف من الداخل
انا بكتبها لك وهي نفس الي اطبقه اثناء نفاسي ، واطلع من النفاس ميه بالميه
حتي بطن ياربي لك الحمد مافيه ، الكل يستغرب ، بالرغم من انه فيه ناس تقول لاتاخذي اعشاب
ولاتلعبي بنفسك ، بس دام عارفه الاعشاب ومامنها ضرر ، ان شاء الله ماتضر
وتري انا جربتها مرتين هالاعشاب ، بكل نفاس لي التزم فيها
علي الريق من اول يوم بالنفاس
تطحني ( كوب حلبه - كوب حبة سمراء -فنجان شمر -ملعقه كبيره قرنفل ) تطحن مع بعض ناعم وتاخذيها ع الريق كسفوف او لهوم ، مع كوب حليب دافي محلي بالعسل

الفطور
كوب تمر في قدر مع ملعقة زبده او سمن ويوضع معها ملعقة رشاد غير مطحون ،
او عصيدة تمر ع الافطار الي هي :
كوب تمر بدون نوئ + 4 اكواب ماء بالخلاط يضاف لها كوب دقيق اسمر وعلي النار تحرك حتي تصبح كالباشميل ، ويضاف لها ملعقة فلفل اسود + رشاد حب ،

بعد الفطور :
نشرب شاي الاعشاب 3 ملاعق كبيره علي 3 اكواب ماء وتغلي ، وتنحط بترمس وتشربي منها علي فترات طول اليوم مكونه من :
( كيلو ميراميه + كوب اعواد شيح + كوب ونص كمون + قليل من قشر القهوه + كوب نانخه + كوب قرفه + كوب ينسون )
طبعآ هالاعشاب غير مطحون تحطيها بحافظها كبيره وتخلطيها وتسوي منها لك شاي

بعد الغداء بربع ساعه منقوع بكوب ماء وسط او صغير
( ملعقة كبيره عنزروت + ملعقة صغيره مره + شوي محلب ) واشربي منها

فترة العصر ، وبعد الغداء بثلاث ساعات ، اشربي شاي الاعشاب مع 2 ملعقة كبيره من السفوف

وتستمري علي هالنظام
الايام الاخيره ال 20 نفس النظام بس السفوف يختلف ،
( كوب حبة سوداء + ملعقه كبيره قرنفل + ملعقة كبيره قرفة + ملعقة كبيره فلفل اسود + ملعقه صغيره محلب + ملعقه كبيره نانخه + فنجان شمر + فنجان رشاد )
جميع المكونات تطحن الا الرشاد مع الاستمرار علي التمر والرشاد والزبده لاانه ينظف الارحام ويجليها جلي

تستمري علي منقوع العنزروت بس تزيدي المحلب والعنزروت وتزيدي عليهم شوي ( صبر )

كبو الهواء في ال 20 يوم الاخيره :
( خوجوا + مره + كمون + محلب + قشر بصل من البيت + هدب اثل + فلفل هوا )
تحطيهم ببرطمان وتخلطيهم مع بعض ، وتتبخري فيهم من تحت بتشوفي كيف السوائل تنقط وتنزل بشكل مو طبيعي

التحاميل :
استخدميها كل يوم من اول يوم الولاده او يوم وراء يوم
( ملعقه كبيره مره مطحونه + فنجان ملح خشن + ملعقه كبيره محلب مطحون )
تعجينيهم بعسل لين تصير متماسكه اقرب للقسوه وتشكليها كور صغيره زي حجم وشكل نوي التمر وتخليها تنشف بالشمس 3 ايام وبعدين تستخدميها كتحاميل ، تسحب كل الوسخ والسوائل من الرحم وتشد وتعطي رائحة حلوه
انا صراحه مااستخدمها اول ايام الولاده اخاف مرررره المس هالمنطقه

الغسول ، كل يوم او يومين تتشطفي بمغطس
ارطا + ماء + ملح خشن

انا ايام الدوره اطبق شاء الاعشاب والتحاميل ، بعد الطهاره استخدم الكبو

عزيزتي سقيا :
الفلفل الاسود يساعد على خروج الهواء
وينظف الرحم ويمنع التقلصات ويساعد على شد المنطقه ونظافتها ويدفي الرحم والجسم ويطرد الغازات
انا الي الان استخدمه ، احط ملعقه متوسطه فلفل اسود علي كوب حليب ،

حبيبتي هذا الي اعرفه والي انا جربته علي نفسي والحمدلله اطلع من نفاسي مزبوطه، لك تاخذي منه ، او تكتفي فقط بالقرفه والحلبه ،

الله يقومك بالسلامه يارب

المشاركة الأصلية كتبت بواسطة Peki (المشاركة 3215429)

أهلا بك سقيا

نصائحك أعجبتني الله يسعدك يارب

ياااقووو قلبك كيف قدرتي تتحملين تتفرجين أنا بموت من أول لحظة :D

الله يجزاك خير يارب

المشاركة الأصلية كتبت بواسطة متفائله200 (المشاركة 3216392)

البنات ماقصروا في الرد ع أسألتك ... لكن رح أقولك نظامي في النفاس سهل ومرتاحه عليه ثلاث ولادات الحمدلله

قبل ماأولد أشتري تمر معجون واكوره ع سم سم واحطه في علبه واسوي علبه ثانيه رشاد وأكل كل يوم ثلاث حبات ...

يعني عند سريري مجموعة أشياء :
علبة تمر بالسم سم والرشاد
وعسل أصلي أخذ ملعقه الصباح وملعقه قبل النوم
وسله فواكه أمامي دائما منوعه عشان تنفتح نفسي
وغلايه للمويه اسوي كوب قرفه او قشر

الاكل ع أهلي الله يحفظهم بس أكل ع خفيف لاني أخذ فيتامينات

بالنسبه للنظافه الشخصيه انتبهي من كثرة المويه الدافيه ولاداتي الاولى والثانيه كثرت منها وانفتحت المنطقه رغم اني مخيطه
ولادتي الثالثه نصحتني الدكتوره اني اتغسل بالموبه الدافيه لما أصحى وقبل النوم وابتعد عن الملح عشان الخيوط تاخذ راحتها وتلم المكان
والمويه الدافيه تفكها بسرعه قبل مايضيق المكان ...

وفعلاً جربت بولادتي الاخيره سوت لي خياطه مع تضييق وتركت المنطقه ع الميبو فقط ومويه دافيه مرتين فقط والحمدلله حسيت بفرق عن ولاداتي السابقه ....


ولاتنسي تغيير الفوط بإستمرار لاتعدي ثلاث ساعات اذا في خياطه ..


الله يقومك بالسلامه دعواتك لي انه ربي يفرج علي باقي لي شهرين وميته خوف من الولاده يارب تسهلها من عندك ....