|
رد: مشاكلي تقتلني يوما بعد يوم
الله يفرجها عليك امين
حاول تزور طبيب نفسي وسلوكي راح يساعدك ان شاءالله |
رد: مشاكلي تقتلني يوما بعد يوم
ما ازيد على كلام الاخت قصة غدر جزاها الله خير الا بشي واحد اذكرك به
يا اخي الشيطان علم منك انك ندمان على ما اقترفته في صغرك من الذنوب عشان كذا صار يضغط عليك من هذا الجانب يذكرك دائمابذنبك وانه ذنب عظيم لايمكن يغفره الله لك وان كل مانت فيه من تعب ماهو الا عقاب على ذنبك فتيأس من رحمة الله وتقنط وعندها يقودك لما هو أكبر منه يا أخي من منا بلا ذنب مهما عظمت الذنوب دام انه دون الشرك فالله غفار لمن تاب حتى وان تكرر ذنبك دام انك تبت منه خلاص انساه وانظر لقدام وسوي كل ما يرضي ربك اكثر من ذكر الله والتقرب منه تبكيرك للصلاة في المسجد ومكوثك فيه الى مابعد الصلاه له أثر كبير في تغيير حالتك النفسيه يعني لو أذن الآذان اول ماتسمعه على طول توضى واخرج لاتقول لين تقوم الصلاه ولاتنسى دعاء دخول المسجد عشان ربي يفتح لك ابواب رحمته صلي ركعتي تحية المسجد وامسك القرآن واجلس إقرأ لين تقوم الصلاه واذا سلم الإمام سبح ثم سنّن وارجع إقرأ قرآن او سبح واستغفر السنّه صلاتها في البيت افضل بس عشان تقطع على الشيطان وماينسيك او يخذلك سنّن بالمسجد وسبح واستغفر وادعي والافضل في سجودك لاتقوم الا وانت غاسل همومك في بيت ربك وياليت لو عندكم في مسجدكم حلقة تحفيظ تلتحق فيها راح تفيدك كثير في حفظ كتاب الله وفهمه اعمل اعمال تتقرب لله بها تصدق لو بريالات صل رحمك اسقي الطيور والقطط اشتر من الطشوت الصغيره ووزعها باماكن تواجد الطيور والقطط حول بيتكم او حول المسجد واملاها كل ما نشفت خصوصا مع شدة الحر وحرارة الشمس ارفع الأذى عن طريق المسلمين باب فعل الاعمال الصالحه مهيأ للرجال بصفه اوسع عليك به. وتذكر ان المؤمن في ظل صدقته يوم القيامه ولاتنسى اذكرك بشي ممكن راح يصير معك وهو انه كل ماتقربت لله بالعباده وطلبت رضاه ثم حصل وتعرضت لموقف يحزنك كمصيبه لاقدر الله تأكد ان الشيطان ممكن يستغلها في تحبيط عزيمتك ولتيئيسك من رحمة الله فيأتيك شامت بك ويقولك شفت ؟ هذا انت سويت وسويت رغم كذا صارت لك هذي المصيبه اكيد ربك مو راضي عنك اكيد انك مطرود من رحمة الله مخذوول لو ان ربك راضي عنك كان ماصار فيك كذا هذا كله من الشيطان عشان ترجع تابع له ويلعب بك وترجع تنتكس اياك ان تعطيه اذنك تعوذ بالله منه وخلك على ثقتك بربك قد يكون مايصيبك اختبار لقوة ايمانك فلاتجعل الشيطان يهدم مابنيته واستعن بالله ولاتبالي ولاتنظر لغيرك ليش الناس يحبونه وانا لا اكيد اني ماني كويس خلك بنفسك قول ذلك فضل الله يؤتيه من يشاء انا ارتجي حب ربي لي وكم من مجهول في الأرض معروف في السماء وبنفس الوقت ادعي يآرب أسألك حبك وحب من احبك وحب عمل يقربني إلى حبك وادعي يآرب حببني الى عبادك واجعل نيتك في طلب حبهم انك تدعوهم لله وان يكون حبكم وعملكم وتعاونكم كله فيه ولمرضاته ابشر يا اخي دام انك معترف بخطأك ونادم ونفسك تتغير هذا شي طيب واشوفه ارادة خير بك من الله سبحانه وتعالى حتى موضوعك هذا اكاد اجزم لك ان الله تعالى هو من الهمك لكتابته من فضله حتى تجد من يقوي من عزيمتك الله سبحانه وتعالى يقول : ( ولولا دفع الله الناس بعضهم ببعض لفسدت الآرض ولكن الله ذو فضل على العالمين ) شوف نصيحة الأخوان والأخوات ونصيحتي هذي من الدفع لو مافي ناس ينصحون ناس ويقوفون بجانبهم ويدعمونهم تخيل من بيعينهم بعد الله ؟ بيتركهم ربهم للشياطين ؟ لا والله حاشاه الا مايهيئ لهم من ياخذ بإيدهم ويدلهم ويشجعهم لانه لو ماكان كذا كان فسدت الأرض ومن فضل الله انه جعل هذا التدافع كل شر قدامه خير يدفعه وكل عمل خير جعل له حلاوه يجدها الانسان في قلبه حتى لو كان كافر الكافر يظن انها انسانيه منه لكنها في الحقيقه فضل من رب العالمين حتى لاتفسد الأرض الله سبحآنه خلقنا وماتركنا فاستشعر قربه منك وحنانه عليك انت عبده الضعيف الذليل الفقير إليه كن معه يكن معك أسأل الله العظيم باسمه الأعظم الذي ان دعي به أجاب ان يجعل لك من أمرك يسر وأن يشرح قلبك ويعينك على ذكره وشكره وحسن عبادته وان يذيقك حلاوة الإيمان ويعينك على أمر دينك ودنياك وان يجمع لك بين خيري الدنيا والآخره أمِّـــن يامحمد |
رد: مشاكلي تقتلني يوما بعد يوم
السلام عليكم ورحمة الله وبركاته ,,,
اقتباس:
2/ الوحدة القاتلة / اشترك في نادي للرياضة هُناك ستكثر علاقاتك مع الآخرين وتبدأ تتأقلم على روتين جديد يُنشطك . 3/الخوف / خذ مذكرة واكتب كل المواقف السلبية منذ الطفولة حتى الكبر مع وصف الشعور مع المحاكمة وتصحيح الموقف وإقرأ بصوت مسموع ثم احرق الورق ..هذه الطريقة رائعة جداً وستفيدك للتخلص من التراكمات السلبية .. 4/الذكاء الفاشل / أمر طبيعي جداً تشعر بأنك لاتستطيع إستعياب شيء وتظن بأنك غير ذكي بسبب التراكمات ،بمجرد أن تتخلص ستقدّر ذاتك وتحتويها وتقف معها .. 5/ المقارنة / سبب من أسباب عدم الرضا عن نفسك ،لما تعانيه من الخوف والفشل وغيرة .. 6/ الماضي الأسود / كما في الخطوة رقم 3 التفريغ الكتابي .. 7/ إذا كُنْتُ لاتستطيع مساعدة نفسك اذهب لدكتور نفسي سلوكي وليس دوائي ، أنت ليس بحاجة للدواء على قدر أنت تحتاج فقط التخلص من التراكمات السلبية .. 8/ إذا نجحت في التخلص إبدأ بوضع لك أهداف في حياتك 1/.....2/.....وأبدأ بتحقيقها ، ستمر بالمنعطفات وهذا أمر عادي جداً وبمجرد تبدأ بتحقيقها سترضى عن نفسك وتكون فخوراً بها .. 9/ الله يصلحك لا تكتب موضوع وتتركه وتأتي بعد مدة وهذا معناه أنت غير جاد ، من يُريد التغيير سيتعب في هذه المرحلة كثيراً لكن في النهاية ستشعر بقيمة الإنجاز الذي فعلته لأجلك .. همسة / قال الغزالي: "إذا رأيتَ الله يحبس عنْك الدّنيا، ويكثر عليك الشَّدائد والبلوى، فاعلم أنَّك عزيز عنده، وأنَّك عنده بمكان، وأنَّه يسلك بك طريق أوليائِه وأصفيائْه". موفق . |
رد: مشاكلي تقتلني يوما بعد يوم
السلام عليكم ورحمة الله وبركاته ,,,
إقرأ كتاب العقل فوق العاطفة هو عبارة عن علاج سلوكي معرفي ذاتي ومهم جداً لك ،ل كريستين باديسكي دينيس غرينبرغر . |
رد: مشاكلي تقتلني يوما بعد يوم
ربنا معاك ويعيننك ويسعدك دنيا واخرة مثل ماقالو لك الاخوات اهم حاجة القرب من الله واقرا كتاب اسمه البحث عن ذاتك الحقيقة. وكتاب ان تكون نفسك هيفيدوك جامد ربنا معاك
|
رد: مشاكلي تقتلني يوما بعد يوم
السلام عليكم ورحمة الله وبركاته ...
اول حل لبداية مشكلتك ..ابدا بنسيان الماضي ...واعتبرهها صفحه وحترقت ... كيف تحرقها وتنساها ... التوجه الى الله تعالى ...تقول ترجع ... عادي حتى امام المسجد يخطا في الصلاة نحنا لسنا ملائكه ...نخطأ ونستغفر ...ثم حتى لا نعود ... ندفع انفسنا للامام للاصلاح ...كيف ؟؟ من صلحت صلاته صلحت سائر اعماله ... الصوم ..الاثنين والخميس هذا تزكيه للنفس + رجيم .. مساعدت والدك وبره ..يعني مساعدت نفسك .. اكمال الدراسيه او حتى الالتحاق بمعهد ..والعمل ..وحتى لا تجد وقت لكي تعود للماضي ادرس واعمل ....في العمل تختلط والدراسه تختلط مع الناس يكون عندك شي تتكلم عنه وتناقش فيه تكتسب صفاتهم وسلوكايتهم في الكلام وقد تجد زملاء العمل والدراسه تتواصل معهم في شؤون العمل والدراسه ..قد تجد اصدقاء .. اما ان تردد الماضي الاسود وتسمح للشيطان ان يوهمك ان ابواب الرحمه والرحمه بيد الله .لا تفسر القرآن على كيفك .. ان هذه الايه تشملك انت ..لا احد يعلم ان كنا ندخل الجنه ام النار كل ما نعلمه انه يجب ان نعمل ما يرضي الله ..ونترك ما يغضب الله والله يرحمنا بعدها برحمته ...وفي آيه في القرآن جميله جدا : قال الله تعالى : (وما كان الله معذبهم وهم يستغفرون) ...كلما اتاك الوسواس ان الله لن يرحمك استغفر الله اكثر واكثر حتى يخنس ايضا شي اخر لازم تشيل الفكره من راسك ان انا وقعت في مشكله لان الله ما يحبني وويعذبني وما يغفر لي .. اانظر حولك .. معظم الظلمه عايشين بالطول وبالعرض الى ان يأتي اليوم الذي يهلك فيه ....هم الذين نسوا الله فنسيهم ... لان الله لا يبتليهم في شيء ...حتى لا تكفر ذنوبهم بسبب ظلمهم وكفرهم .. الذي يبلتى في الواقع هو من يحبه الله لانه تكفير لذوبه ..ورفع لدرجاته . |
رد: مشاكلي تقتلني يوما بعد يوم
وتسمح للشيطان ان يوهمك ان ابواب الرحمه مغلقه *
|
رد: مشاكلي تقتلني يوما بعد يوم
محمد أنت لسى صغير وبعمر الشباب .. ربي يبارك فيك خطوتك هذي تدل على أنك انسان واعي وعقلك كبير . أبدأ صفحة جديدة " تناسى الماضي وأعتبره دروس ، "تعلم أن تتجاهل كل المشاكل حولك" وتسلم أمرك لله " للأشياء الي ماتقدر تغيرها ومالك يد فيها . الآن أبدأ من داخلك .. ماذا تريد وماذا تحب وماذا تطمح !!! فكر وأكتب وخطط . أرى أول خطوة للنجاح هو ذكاءك .. أنغمس بالمذاكرة والجد والإجتهاد لكي تصل لهدفك . ومن ثم شيئاً فشيء .. ستقوى شخصيتك وسينجذب إليك الآخرين . ونقطة مهمه لاحظتها هي الإيمان! لازم تقوي إيمانك بالله .. الإنسان في إختبار وبلاء ليظهر الله صدق إيماننا . ونحن خلقنا للعبادة ، بالإنتحار ستخسر الدنيا والآخرة . وعندما تصبر وترضى وتؤمن .. سيدخل الله بقلبك السعادة والإطمئنان ، ولوكان حولك خراباً ودمار . |
رد: مشاكلي تقتلني يوما بعد يوم
اقتباس:
مادري ايش اقولك انا تعبان تعبان تعبان لو الموت مو حرام اقسم بالله علي العظيم رميت عمري وارتحت وش اقولكم الماضيي قاسي بجميع انواعه مو بس اغتصاب ياناس السالفه مو اغتصاب وبس عانيت من تقلبات الوالد وتعنيفه وسبب لي امراض نفسيه اقسم برب الجلاله اتذكر اذا قعدت احس اني مو طبيعي مو معا الناس اقعد افكر وأتأمل الى متى على الحال والله شعور الي اذكره يسبب لي اختناق تعرض بجميع انواع الالم من الطلاب آه ياالله كيف اتذكر نفسيتي وتفكيري الي مايوقف وكنت انغبن ابوي مشاكل حياتي احيانا اتمناه يموت والله يناس اتمناه يموت ويفكني تعبت نفسيا منه قد مو انا كارهن عيشتي وموطايق اقعد معا نفسي لاني احس موطبيعي في حاجات ماذكرتها لكم لانها جدا حساسه وراح اختنق اذا ذكرتها انا طول حياتي احس اني موطبيعي واحاول ما ابين الشي هذا واكذب على نفسي بس الوالد يبي يموتني وانا حي انا تعبت من استنقاص اخواني لي في ايام المتوسطه يالله قد ايشش كنت انغبن ونفسيتي تتعب واصيح ماكنت اعرف شلون اتنفس والله ماعرف اتنفس من اخواني ومن ابوي ابوي اللعنهم كلهم يعنفني بالكلام وبالضرب اتذكر تهاوشت معا طالب ولما اخذني ابوي وانتهت السالفه قال لي تكلم وش السالفه انا كنت ساكت ماتحملت اقول شي نفسيتي تعبانه ويضغط علي ولما قلت لا بقسني على خدي عانيت من الطلاب ابتدائي والمتوسط كل مراحل حياتي اعيش وانا مغبون من الكل شي محد عا الي عشته مليون مره افكر انحاش من البيت خلاص والله كفايه والله كفايه ماعاد استحمل شي محد يساعدني محد يوقف معي اخواني لما كبروا تغيروا بس للأمانه لما يجي وقت الجد وبغوا شخص يعتمد عليه والله ان يقولونها اني ماعرف اتصرف وعقلي اصغر من العمري والسبب تربيه ابوي وتعنيفه وتدميري في حياتي والله ماعاد اقدر اكتب حرف اكثر من كذا مشكور اقتباس:
اقتباس:
يودوني مستفشى المجانين انا الي فيني مالي حل للأمانه الشذوذ خف علي بشكل متوسط وانا اميل للجنسين لللذكر وانثى وهاذي مو مشكلتي اقدر اتخطاها انا اذا دعيت الله احس نفسيتي تحترق في شعور ماقدر اوصفه لكم احس احد يقول لا مايصير وماراح يصير وتتعب نفسيتي لاني اذا دعيت ابذل مجهود كبير عشان أأدي لوازم الدعاء الصحيحه حتى من كثر ضغوطاتي النفسيه جتني حالات غريبه والله كنت راح توصل للجنون اذكر في صلاه وسواس القهري يقتلني وافكار مخيفه وغريبه وكنت اخاف بشكل مرعب بسبب التعنيف الي اشوفه في البيت نفسيا وجسديا ومحد راعى سني اقتباس:
تكون ناضج وقد المسؤوليه حالك حال غيرك لكن من نظره ابوي وانا عارف ومتأكد مليون بالميه انا مقهور مني ومحروق لاني مو مثل عياله احسه يشوفني عاله ماعرف اتصرف واكبر دليل تصصرفاته تدل على الشي هذا الي حتى قبل كنت ابي ادخل نادي ورفض وكأني بزر عنده والجواب فيه مخدرات وفيه وخطف وعبيد وكلنا عبيد لل الله !! واخوي الكبير مسجل فيه وهو عارف انه مسجل بس اعطيكم كيف نظرته وكم مره صارحني انه ماعرف يربيني ومحترق على الشي هذا وعيونه علي في اتفه حاجه ويسبب لي مشاكل مرات اتخيل وودي اقتله لاحد يلومني احس بالراحه نفسيه + الضمير راح يقتلني قتل لما تشوف غيرك عايش ومبسوط واباهم نفس طقه ابوك ونفس العادات وتقاليد ونفس افكار لاكن مختلفين عنه وكلهم محد سوا سواته انا قدرت اتدراك نفسي لاكن فوق الي فيني اقرب شخص لك يأذيك نفسيا ويخليك تتذكر كل شي اقتباس:
انا محروم من حاجات كثيره ماعندي حريه انا الوحيد في العائله مالي اي حريه في اللبس مستحيل واستصغار في كل مره ومافي احترام ل عمري وكل تصرفات من اقرب شخص تذكرك كل الماضي واخطائك الي كانت تحرقكك حرق لما الواحد يبعد من ربه وفوق هذا يبذل مجهود عشان يقدر يصلي فقط مو استغفار ولا اي حاجه نفسيته تتدمر لما اشوف كل احلامي حديث نفس مرات افكر ماعمري شفت حلم فيها رساله من الله مثل تحذير او اي حاجه كل احلامي حديث نفس حديث نفس معناها احلامك الي قاعد تفكر فيه فقط تتحلم شي ماصار بس انت تفكر فيه ولما تحس بالوحده ولما يالله يالله تتكلم كلمتين ورا بعض عند اهلك الي اذا تكلمت طفشوا من كلامي ومحد يسمعني واولهم الوالده عانيت ياناس في الكلام في كل شي كل شي ناقص فيني وقدرت اعدل 60% والله العظيم وجلالته بدون مساعده احد انا ساعدت نفسي بالنفسي رغم ظروفي القاسيه اقتباس:
مراره والقهر وامراض وامراض نفسيه والغبنه جربتها جربت كل المشاعر السلبيه عشت في معركه كنت شبه مييت كنت في ايام المتوسطه جسم بس موب بالعقلي من ادري يجي ابوي قلبي يرجف واخاف وارتبك موبس هو حتى اخواني انا قدرت احاول اتعايش الامر لاكن الوالد للحين يعاملني معامله وسببها الماضي ومستحيل اقدر اغير شي انا جربت العناد وتهاوشت يقتلني بالتصرفاته انقهر لما اشوف عيال الجماعه بالعمري كيف ابوانهم ينظرون لهم نظره رجال وانا ابوي عشاني ما اسافر بالسياره وافشله عند الناس انا متأكد هاذي نظرته يكفي اذا تكلمت وهو معصب ولاكأني تكلمت يسفه كل كلامي وصارت سالفه اليوم وقهرتني قهههر خالتي تحاول تراسل الجامعات عشان تكمل دكتوراه وهي معيده في جامعه وانا وافقت اكون مرافق معها ورحت قلت ل ابوي وياليت ماقلته توقعت بينبسط وجاني ذاك الحساس راح يستصغرك وراح وراح ولما قلت له احد كلامه اني انسان أتأثر بسرعه مقصده بقلد الشباب الي يحطون سوراه ويربطون الشعر ووووو ومقصده منت قد ابتعاث بس من عيونه خايف يصارحني بهالشي وكمان يقول انا موافق ماعندي مانع وهو شوي عصبي ثم قال بشكل موطبيعي بتتبع اخبارك وسال وين بتروحون قلت بريطانيا وعصب قال روحوا اي شي الا بريطانيا وخاصتن لندن فيه ذبح وذبيح وسكت وسلكت له مابغيت اتناقش معه قلت اذا جاء وقتها ذيك ساعه نتكلم ونتهاوش او ننتناقش وانا الى يومكم واصلن قلبي ناغزني بيرفض اذا جاء صدق لاني قليل خبره يشوفني ابو 10 سنوات مهوب مخليني اروح وباله ماراح يرتاح انا الي يدفعني للسفر ابيه يشوفني اني رجال لانه اكبر اخواني يوم بغى يسافر معا خالتي نفسها لما كانت بتدرس الماجستير سوا مشكله كبيره وفشل ابوي وسوا مواقف محرجه جدا ف قلت اخذها فرصه اثبت له اني قدها بتصرف وبصير احسن منه وبجيب شهاده ترفع الراس واحسن من شهادته عشان لما يرجع يعاملني بالطريقه مستثنى عن باقي عياله يرجع يفكر اني عشت 5 سنين بالغربه وابيه تتغير نظرته لي وافضل شي اتعلم اللغه انجليزيه الي حلمي اتتحدث فيها واحد ايجابيات راح اكون الحالي والوالد موموجود ومحد يتحكم فيني وبكون مسؤول على نفسي انا فقط وبكون في بلد حريه واعوض كل الي عشته من جحيم والم وغصه وقهر وصياح في هالخمس سنوات اذا قدرت فيه الي كابت فيه كثير وكثير لاكن الله فوق وادعيه يفرجها علي ويشفق علي |
رد: مشاكلي تقتلني يوما بعد يوم
الباقين ماقدر ارد عليكم
والي رديت عليهم لاتزعلون على الفضفضه ابي اتكلم ابي ارتاح |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©