|
رد: هل الحل لوضعنا هو الطلاق؟؟!
مشكلتك وضحت باخر السطور.
يطلب تتركي وظيفتك مع انه خطبك موظفة اتمنى ماظلمه لكن اكيد ماستفاد مت راتبك وهذه ماهي اول مشكلة من هذا النوع موظفة تتهزء اربعة وعشرين ساعة ويطلبها تفصل؟؟؟؟ لييييييه ؟؟ |
رد: هل الحل لوضعنا هو الطلاق؟؟!
شخصيتك تتطلب شخصية رجل مثلك ! ،، انا عندي هالحال ولكن زوجي مقارب لي بشكل كبير حتى نفس الفكرة تكون حاضرة عندنا يعني فكرة مستقبلية وهكذا نختلف في الامور البسيطة كرجل وامراة واتوقع اني ماراح اقدر اواصل مع انسان ما تتحقق فيه هالصفات لان انا نفسي ممكن مايملي عيني وتتوالى المشاكل .. مشكلة المراة الجدية والقيادية هو احساس الرجل بانه في مجندة الا اذا كان نفس الشخصية فهو يفضلها قوية جادة وقت الجد ومازحة وقت المزح ...
حاليا اذا تشوفيه مستعد ولو للقليل من المحاولة اذن حاولي ليس تغير شخصيتك ولكن اخفاء القليل منها قدر الامكان ... انا اشوف زوجك محملك العبأ الاكبر من التغير وهو مايحاول كفايته ! يعني يبغي يتخلص ويهرب ولا يواجه وينهي الامر ... حاليا خليه يفكر على مهله ولا تعطيه افكار خلي الفكرة تجي منه ... وربي ينولك مرادك يااارب ... |
رد: هل الحل لوضعنا هو الطلاق؟؟!
فعلا لو قرقشتيه فلوس بتكسبين قلبه وييسكت عنك
|
رد: هل الحل لوضعنا هو الطلاق؟؟!
شخصيتك وشخصية زوجك خطان متوازيان لا يمكن أن يلتقيان .. على حسب كلامك إنه لا دين ولا أخلاق ولا عشرة زينـة .. فما عليه حسوفة !
ووظيفتك لا تتنازلي عنها تراها أهم منه .. |
رد: هل الحل لوضعنا هو الطلاق؟؟!
شخصيتك شخصية رجل وليست شخصية انثى
المشكلة منك ،، لان البيت الي فيه قائدين عمرو ما رح يعمر |
رد: هل الحل لوضعنا هو الطلاق؟؟!
اقتباس:
هذي هي المشكلة بالظبط. |
رد: هل الحل لوضعنا هو الطلاق؟؟!
طالما تزوجتوا فان نفسكي ونفسة اصبحت واحدة... ولا يجوز ان يفرق بينكما سوي ان يكون احدكما شيطان...
ألاصل في النفس الواحدة ان تكون صفاتها: الود والعطف والرحمة والسلام والحب والالفة.. لان الذي خلقها هو الودود العطوف الرحيم السلام ... فحين تقولين بان شخصيتك قويه فان هذا يعني انكي غير مدركة لمعني الزواج والصحبة والالفة والمودة والرحمة والعطف والحنان... ربما لن تفهمي ما اقصد حتي تبتعدي عنه 7 اشهر او سنه لاجل ان تفيقي. تري علاقتك في زوجك ماغير صحبة بالمعروف مو علاقة بالعصي والهواش... |
رد: هل الحل لوضعنا هو الطلاق؟؟!
الله بجزاكم خير كل الي ردو علي
ع انو في بعض الردود استفزتني لانها تجاوب من غير لا تفهم انا كاتبة هذه الاستشارة وانا ف اصعب حالتي وف موقف لا احسد عليه من الضياع والحيرة الي انا فيه فياريت اي احد يكتب يكون حاط نفسه مكان صاحب المشكلة لان رده حتى لو ماله معنى صحيح لكنه له تاثير ع صاحب المشكلة ثانيا بجد فهموني عن اي قيادة واي زعامه تتكلمو والله محنا ف معركة عشان اقوده ولا يقودني كل واحد فينا بالغ ناضج لايحتاج توجيه من الطرف الثاني بل يحتاج تقبل وتفهم القاصر هو الي بيحتاج قيادة اي مراءة مابتحب تكون قيادية ومسيطرة حتى لو كانت اهل لها لانها بنيتها ضعيفه وبيجي يوم وتنهار انا صحيح شخصيتي شمالية غربية وزوجي جنوبي شرقي يعني انا قيادية لكن زوجي ماله في القيادة ومع ذلك تاركه له الحابل والنابل مع انه اغلبه تخبيص ف البداية ممكن شخصيتي كانت تتطغى وكنت احاول واوجه واجادل عشان اوضح انه كذا صح وكذا غلط بس لما شفت كمية المشاكل الي صارت تجيني من محاولة تفهميمه تركت له انا من النوع الي مايفرض رايه ومتفهمة جدا خصوصا اذا كان الغلط الي قاعد تسويه مابيطولني اوضح واقول هذا راي حبيته خذه ماحبيت لا تاخذه لكن انصحك تفكر فيه بس الغلط اذا كان بيطولني اوضح وادافع بكل قوة مثل قرار زوجي بتركي للدوام وباسباب وهمية لاني مهملة ولاني ماغسلت الصحون ولاني مامشطت شعري واشياء يمكن تصير معي واحد ف المية ومو طاغية علي بس مثلا يجيني ساعه 12 بالليل ويشوفني نايمة ف السرير وهو طول اليوم برا مكروف بعمله يقولي نروح نشرب قهوة بيت اهلي اكيد بقوله ماينفع الحين انت تعبان وانا زي منت شايف نايمة يرجع يصارخ علي انتي ماعليك مني تكملي عن نفسك وقولي مابي اروح ولما يجي يقولي نروح نتغدا برا ويسالني اقوله براحتك لاني كل ماقلت له عن مكان وذكرت مميزات المكان يعصب ويوديني بعدم رضا نصير نلفلف شوارع المدينة ومطاعم المدينة كلها ع اكثر من ساعه عشان مو عارف يختار اي مطعم ولما يقولي بنسافر واقوله متى ووين عشان اعمل حسابي مايرد او يعطيني اجوبة مو واضحة وكلها مدري ويصير يعلق ع كلمة انتي تبغي ولا ولا لا تقعدي تسالين قولي اي ولا لا اقوله طيب اي بس ناخذ ونعطي مايرضى ولما اتركه له الموضوع مايصير شي يقولي انتي تناقشيني وتسدي نفسي لذلك ماصار شي ابسط شي اقوله جيب خبز معاك يتصل مليون مرة عشان يسالني كم واحد يجيب اقوله براحتك يعصب علي يقولي انتي كم تبغي واي نوع تبغي اقوله والله مو فارق معي اي نوع تلاقيه واذا جيت اكثر من واحد بخزنه عشان كذا اقولك براحتك يعصب يشوف اني مالي علوم بشغل البيت وبمسؤلية حريم انا طالبه منه بس اني اقود بيتي اتحكم ف لبسي ف نومي في طريقة تنظيفي للبيت والمطبخ ف روحاتي وجياتي يعني الشي الي متعلق فيني وف نفس الوقت ماياذيه تتدخله ف شؤووني تضايقني مرة يقولي ماعندك صحبات قاعدة بس عشان كذا ماتعرفين ف سوالف الناس وف اهتمامات الحريم واذا طلعت ولا حكيت له بالغلط عن صحباتي يستخدمه وقت الغصب ويقولي صحباتك ماثرين فيك وتجيبين سيرة فلانه وعلانه واذا سكت قالي ماعندك سالفه واذذا حكيت يقولي كلامك مايعجبني هو يحب الضحك وللاستهبالات والتريقة وانا مو كثير تعجبني هالسوالف واذاقلتله برجع بدري من بيت اهلي ومرة قلتله متاخر يقولي مافهمت لك مرة تحبي ترجعي ومرة متاخرة اقوله انا اعطيك خبر بس ما افرض عليك يعني اذا امداك تجيني ف الاوقات الي قلت لك عليه او تعالي متى مايمديك يعصب لانه يشوف اني قاعدة اسوي ع كيفي وهذا ماله دخل فيه هو بكيفي اذا شفت الجو كويس بقعد اذاا لا بطلع غير كذا اكثر حاجة تزعج زوجي اني انا انسانة مو تقليدية يعني اذا في شي متعارف عليه عند الناس وماجاز لي ما اسويه وف شي مايعرفونه الناس وجاز لي اسويه ف الاشياء الي يخصني بس لكن زوجي تقليدي مرة واحس تفكيره تفكير رجال زمان الكبار يهتم لشغلات انا ما القي لها بال مثلا يجو ضيوف ع الغدا عندي اكون طول اليوم طابخة وكارفة ولوحدي ولما يجو يساعدوني ف الشيل والتنظيف ما امانع اساعدهم ونسوي مع بعض خصوصا لو امون عليهم اخر مرة كنا حريم كثار من اقاربه كلنا دخلنا المطبخ وانا طبعا ف البداية قلت لهم اقعدو بسويه هم قالو لا ومسكو الشغل قالو حرام روحي صلي انتي ماصليتي دخلت اصلي ودخل علي زوجي وانا اضبط مكياجي عصب يقولي تاركة الناس تشتغل وانتي قاعدة هنا قلت لا عادي مابقي شي ساعدتهم وباقي شغلات بسيطة هم اصرو اني اطلع اصلي سوا لي مشكلة كبيرة عويصة اليوم الي بعدها بسبب مبهم لكنه كان اسااسه سالفة اليوم الي قبله مثلا اذا جو ضيوف معتادين مثل اهله واهلي اسال تحبو قهوة شاي هو يعصب يقولي محد يسال الضيف وش يبي اقوله هذيلا اهلنا وش فيك مو ضيوف يقولي انتي ماتعرفين للامور الزوجية متفاءئلة حبيبتي الله يذكرك بالخير اسعدني ردك صحيح يمكن يكون زوجي يعشقني لكنه يعشقني لنفسه مو لنفسي يحب فيني الصفات الي تكلمه لكنها لما تكون هذه الصفات لي يكرهها فيني ويحاول يغيرني لين اصير بصفات الزوجة الي ف راسه انا انصدمت ف طباع وشخصية زوجي مثل ماهو انصدم لاني كنت حاطة ف راسي زوج يوافقني فكريا وافهمه ويفهمني ونرتفي مع بعض باحترام وود لكن لما شفت هذا شخصية زوجي تنازلت عن حلمي ورغبت يكون توافقنا عاطفي ع الاقل لاننا شخصيات نقيضه واكون انا مكمله له وهو يكون مكمل لي بس كنت ابي شوي تفهم وقبول لي كما انا واهتمام فيني وتعزيز جانب الحب بينا ليكون نقطه التقاءنا وانطلاقنا لكن زوجي رافض يا اتغير واصير مثل ماهو يبي يا مايبيني وانا لاسف مو شايفه فيه ذيك الصفات الي تخلينه اتنازل عن كل شي له اقل شي والله لو الجانب الديني عنده جيد كنت تنازلت عشان هذا الجانب لعل الله يحدث بعد ذلك خيرا واحتسب اجر بباقي الاشياء الي ارتدها مع عدم استسلام ولكن اطلبها باساليب مختلفه لعلي ف يوم اجدها لذلك انا مستسلمة الان ومابغا اسوي شي ومخليه القرار له لو تراجع عنه ما ارجع الا بشروط وذلك لمصلحتي ومصلحته اذا ماتراجعزواستمر ع قراره انا بتقبل وضعي واسال الله العوض رغم والله ميولي القلبي له وعدم هوان العشرة الي بينا وتذكري الحظات الجميلة الي كانت بينا لكن لحياة افضل لنا احنا الاثنين افضل قرار الانفصال مادري اذا انا صح او لا احتاج دعم وودعوة ونصائحكم |
رد: هل الحل لوضعنا هو الطلاق؟؟!
ياحبيبتي أنا ضد انك تتخلي عن وظيفتك اتمسكي فيها شفتي دحين زوجك بكل بساطة طلب الانفصال تخيلي لو كنتي تركتي وظيفتك هو بايش نفعك وقتها .. أنا أشوف انكم ماتنفصلوا كلمي زوجك وقولي انك قررتي تكملوا مع الاستشاري هو راح ضح لكم مواضع للخلل في علاقتكم وايجابياتكم وسلبياتكم زوجك مو عارف يفهمك وان شاء الله لو فهمك راح تنحل مشاكلكم .. لاتتخلي عن شخصيتك ابدا ولكن خليكي مرنه أكثر جاريه أحيانا لاحظي من كلامك كم مره زعل منك عشان يسألك شي تقولي براحتك وماتحددي بالضبط ايش تبغي خلاص لاحظتي انه يتنرفز من دي الحركه بطليها قالك كم عيش تبغي وأي نوع لاتقولي براحتك 4 لي مثلا ابغى النوع الفلاني وحددي عدد وهكذا . هذا رأيي .. واقعدي عند أهلك دي الفتره ممكن يشتاق لك ويحس فرق بحياته ببعدك عنه . هذا رأيي.
|
رد: هل الحل لوضعنا هو الطلاق؟؟!
سامحينا على ردودنا لو كانت ضايقتك
أنا تكلمت بناءً على سردك للحكاية في البداية.. لكن بعد ردك الأخير أختلفت الصورة قليللاً ==== عندي نقطتين بأعلق عيها..! 1 - أولاً الوظيفة - لا تتركيها نهائياً مهما بلغ الأمر، ه>ا باب رزق لك وأنتي ما تضمني زوجك، خصوصاً بعد الوضع الحاصل الآن، ومدام هو كان عارف قبل الزواج فلازم يتحمل نتيجة قرارة ويقتنع بالموضوع. 2 - أنا بحكم أني رجل كنت أتنرفز من حكاية الطلبات اللي على مزاجك، ما أحب هالطريقة أكرهها يعني مثلاً زوجتي الله يستر عليها تتصل جيب عشا، أقولها في أيش نفسكم..؟ تقول ما أدري أي شي..؟fhfh أنا هنا تطلع عيوني وأعصب وأكره الشغلة لعدة أمور.. أولا أحتار ما أدري أيش أجيب ثانياً أخاف أجيب شي ما يعجبهم وهنا أنا بأنتحر jyf لأن تعبي راح ع الفاضي.. طيب أنتي اللي طلبتي أكل وأش تبغي تقول ما أدري أي شي..؟ بالله كيف أتفاهم معاها hhf أيضاً طلبات المنزل الشهرية: تقولي جيب الأغراض المفروض تجيني رسالة فيها الأشياء المطلوبة.! صح.؟ عشان أروح أخلصها بسرعة بكل بساطة وسرعة وأيضاً هي تعرف أيش اللي ناقص. بس كنت أحيان أروح بنفسي بدون رسالة jyf أقعد أحوس وأخبص وأحتار ه>ا فيه والا لا.؟ والشغلة بدال ما تاخ> نصف ساعة اقعد ساعتين..؟ والمشكلة لما أرجع البيت ألاقي فيه أشياء موجودة ما خلصت وأنا شاري زيادة، خصوصا المعلبات والأجبان. فكنت فعلا أعصب، ليش أشتري شي موجود، طيب بيخرب وينرمي.. هدي أمثلة بسيطة.. فلازم يكون فيه تفاهم ووضوح بينكم عشان ما يسير صدامات.. طبعاً موضوعك طويل ومتشعب بس أنا حبيت أبين هدي الجزئي البسيطة من ناحيتي كرجل، يمكن تكون في زوجك الله ييسر أمورك ويصلح لك زوجك ويألف بين قلوبكم.. ومني كأخ.. نصيحة مجرب.. خلي فكرة الطلاق آخر الحلول، وللشديد القوي الطلاق مر وصعب صعب صعب بمعنى الكلمة خصوصا بوجود أطفال، ومن كلامك أنك تحبي زوجك وهو يحبك فراح يكسركم الطلاق مهما سويتم بعده. |
| الساعة الآن 05:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©