المشاركة الأصلية كتبت بواسطة Abdullah30 (المشاركة 3249478)

هلا بالطيب
كنت منتظر هاللحظه
خلاص غير التكتيك
طلقها وابتعد
بعد عندكم طلقتين
خلها اتجرب فراقك الحقيقي
لو تبيك اب ترجع لك لو ما تبيك ما اظن الرجعه حلوه لك
التشابه بيني وبينك كبير ياخوي واعتقد اني الوحيد بس انا سابقك وماره عليي الأحداث الي انت قاعد أتمر فيها
النفسيه تعبانه والصحه انتلفت وهذا مؤشر خطير
احس اني مطعون طعنات كثيره ومحتاج ابتعد ولا عاد فيني حييل للرجوع
ابي ارتاح واعيش لأولادي
في حديث عن الرسول صلى الله عليه وسلم كل ما اذكره احس اب تحسن كبير
((المؤمن القوي خيرٌ وأحب إلى الله من المؤمن الضعيف، وفي كلٍ خير، احرص على ما ينفعك، واستعن بالله ولا تعجز، وإن أصابك شيءٌ فلا تقل: لو أني فعلت كذا وكذا وكذا ولكن قل: قدر الله وما شاء فعل، فإن (لو) تفتح عمل الشيطان ))
( رواه مسلم )
عليك بالصلاة والدعاء ان الله يخفف عنك ويساعدك ويفرج همك

ملاحظه اخيره: طليقتي لا زالت تسال الولد الكبير " شنو قال والدكم عني؟ " وتستجيب لطلبات خاصه للاولاد مع ان قانونا مالي حق فيها. وتستجيب للنصح بخصوص علاقتها مع اولادها. حصلت مواقف ومشادات نصح لها شخصيا لكن بالاخير تستجيب. مع كل ذلك محتاج أظل بعيد لاني الي ارتاح في الوقت الحالي.

المشاركة الأصلية كتبت بواسطة لاتتركيني (المشاركة 3249492)

يا هلا فيك صديقي العزيز عبدالله
مبتعد والله ياخوي ذكرت صارلي 5 شهور مابينا تواصل الا الثلاث مرات الي ذكرتهم فرد سابق
بس ماقدرت اتحمل وسويت هالرسالة قلت لعل الله ينفع بها وتجيب نتيجة بس انحبطت لما والدتها خبرتني انها تبي اغراضها والورقة مالها وفوق هذا بعدني الا حطيتها ماقدرت ارجعها.
شوف اخوي عبدالله اذا هي ناوية ترجع تراه بترجع عن قناعه انها تباني انا واذا ماناوية ترجع مستحيل تجبر نفسها ترجعلي حتى لو عشان خاطر ولدها عشان كذا لو ماتباني تراه تأكد انها ما راح ترجع لو تشوفني اموت قدامها عشانها .
فعلا موضوعك وموضوعي بينهم تشابه كبير بس النقطة الفارقة انه انت طليقتك من خلال اولادك تبا تعرف اخبارك وشو تقول عنها او كيف تتكلم عنها اما انا طليقتي لا حس ولا خبر اتمنى اعرف انها تراقبني بس عشان اقول انه شي باقي لي فقلبها cgg
بخصوص طليقتك اخوي عبدالله حاول تكلم شخص حكيم فعايلتكم بحكم انكم اقارب انت وطليقتك وجلسو مع بعض حاولو تحلو الموضوع بالتفاهم وبالحوار وشوف شو الاسباب الي تمنعها من الرجوع وعسى الله يسهل امورك

المشاركة الأصلية كتبت بواسطة امان روح (المشاركة 3249504)

ربي معك فلا تبتئس وكن معه

المشاركة الأصلية كتبت بواسطة soqya (المشاركة 3249567)

السلام عليكم ورحمة الله وبركاته ...
ماشاء الله عليك أيها الوفي ، لاتفقد الأمل لعلّ الطلاق يكون صحوة لها ..
وعليك بالصدقة وستجد مايسرك .

المشاركة الأصلية كتبت بواسطة طعن قلبي (المشاركة 3249581)

ماشالله عليك ربي يسخرها لك
احنا حريم ونفهم بعض انت كفيت ووفيت برأيي اعطيها مساحه بعيده عن محاولاتك عشان تفقدك من غير ماتقصر مع ولدك..

المشاركة الأصلية كتبت بواسطة Abdullah30 (المشاركة 3249767)

3 مرات تواصل خلال 5 شهور ما يعتبر ابتعاد ترى. اقطع مره وحده
طليقتي لما كانت تلح وتطلب الطلاق كانت في بيت اَهلها. لما اتصلت فيها وقلت ان رايح المحكمه علشان اطلق بكت وحتى ابوها ما قدر يحضر المحكمه...شنو معناتها؟
أثناء إجراءات الطلاق قالتلي مره " الله يسامحهم ويغفر لهم الي كانوا السبب "...شنو معناتها؟

المختصر.. من بداية المشكله الى هذي اللحظه وانت تحت الكرة اب ملعبك ومتوهق
جرب اطلع من هالدائره من خلال انك تعطيها أغراضها وتنفصل اب كل هدوء
وقتها الكرة بتكون اب ملعبها وراح يبين اذا تبي ترجع ولا لا

للأسف بعض الزوجات تستعمل الطلاق او التهويش بالطلاق للضغط عل الزوج وهذا الي امسبب نسب الطلاق العاليه جدا في مجتمعاتنا