رد: سؤال للمطلقات وكل رجل مطلق
 

شكراً لكم على مداخلاتكم وتجاوبكم السريع

وعسى ربي يبارك فيكم

للاسف ام طليقتي تقول 2200 ماتكفي

ويقولون بنروح للمحكمه

وقبل الطلاق كنت اصرف عليهم اقل من كذا

وكل هذا عشان يضيقون علي لان زواجي قريب

وانا ماقصرت فيهم من قبل ونكرو المعروف

وصرت انا الظالم وانا السبب في كل شي

وعيالي واي شي يبونه اعطيهم

علما بان راتبي 14000 الف وماعندي اقصاد ولكن التزامات كثيره

هل اذا راحو المحكمه بيستقبلهم الشيخ وانا اعطيهم نفقه

و كم بيحكم مقدار النفقه حسب راتبي

انتظر ردودكم وفقكم الله

رد: سؤال للمطلقات وكل رجل مطلق
 

النفقة تكون حسب راتبك وما يكفي اطفالك يعني اذا كان راتبك مية الف وعيالك يكفيهم الف النفقة تكون الف ولو كان راتبك الف ريال راح يحسب النفقة 200 او 300 المهم انت اذكر للشيخ انك تتزوج وجالس تفتح سكن للزوجة علشان ينزل في النفقة بالعكس اضمنلك عند الشيخ يحددها علشان تبري
دمتك وام عيالك ما تقدر تفتح فمها ولا تطالب بنفقة زيادة لان قرار من عند القاضي

رد: سؤال للمطلقات وكل رجل مطلق
 

صحيح كمان احكي جميع التزاماتك للشيخ اي شيء اذكره لا تخلي ولا شيء

رد: نفقة الابناء بعد الطلاق ؟ كم المبلغ المنا
 

لا تطوع احد حط النفقه اللي انت تشوف انها تكفيهم اذا حبيت ان عيالك يلبسو كويس يعني ماركات واقل ماركات الملابس ستي ماكس واقل سعر بنطلون لابو سنه 45 ريال وربي شاهد ومن هذا القبيل لا تقصر عليهم ولا تنسى حتى الوجبات الغذائيه لان اقل وجبه ب15 للشخص الواحد من كودو او هرفي او ماك وشوف انت اذا طلعو ملاهي وش يكفيهم بالذات اذا اهل الام من اللي يحبون الطلعات والخرجات لان الام بتطر تطلع مع اهلها وعيالك معها وصعبه تخلي اهلها يدفعون لعيالك ما هم بمجبوريين ولا تنسى في الاخير انهم عيالك انت وانت مجبور بكل شئ لهم والله يعينك ويسهل لك

رد: نفقة الابناء بعد الطلاق ؟ كم المبلغ المنا
 

اذا تقدر تقوم فيهم وتاخذهم معاك وتشتري لهم يكون افضل

الطفل لازم يحس انك قايم فيه ومو ناسيه

مو تحويل رقم علي حساب

رد: نفقة الابناء بعد الطلاق ؟ كم المبلغ المنا
 

ولدي قبل ما تسلمني اياه طليقتي كانت نفقته 4000 ريال لكن وهو عندي الآن صرفيتي عليه لا تتجاوز 1500 ريال
ارى بأن مبلغك مناسب

رد: نفقة الابناء بعد الطلاق ؟ كم المبلغ المنا
 

بالعكس مناسب جدا ،،

ممكن يزيد شهر وممكن يقل شهر وهذا الطبيعي


بس بالاعياد والمناسبات اطلع معاهم وخد لهم ملابس اذا كنت تعرف شالمناسب

حتى يكون عندهم مبلغ مناسب للرفاهية والطلعات والالعاب. وقتها ،،

رد: نفقة الابناء بعد الطلاق ؟ كم المبلغ المنا
 

ابو بنتي يرسل ميتين طبعا ،،، ماتكفي ،،، بس انا اصرف عليها ...

رد: نفقة الابناء بعد الطلاق ؟ كم المبلغ المنا
 

طليقا يرسل 300والله العظيم الحليب لوحدة اشتريه فوق 200 وانا أزيد من عندي وامي وسيدي مايقصرون حسبي الله ونعم الوكيل ،،،،،الله يزيدة جوع هو واهله

رد: نفقة الابناء بعد الطلاق ؟ كم المبلغ المنا
 

النفقة هي النفقة الشرعية التي لا يدخل فيها البذخ والكماليات الزائدة مثل الماركات والالعاب والسفريات , ويفترض ان تغطي النفقة الكسوة والاكل والشرب وشيء اضافي بسيط , لكن اذا زوجتك تقول انها ماتكفي معناها هي تبي مستوى معيشة اعلى وانت لست ملزم بذلك , فالاسراف منهي عنه , ولست مجبر أن تجاري هي في المصروف مستوى اهلها او اقرائها .
ركز على نقطة الماركات والتباهي اللي ماله داعي وسيقتنع القاضي لو ذهبوا له .