|
رد: ماهو الوضع الأفضل بين الزوجات؟ ؟
كلمي زوجك خذوا فلة مشتركة بينكم وخذي لك غرفة ولزوجة الثانية غرفة وخلي الاولاد يعيشوا مع بعض حرام تحرمي اولادك العيش مع اخوانهم علشان انانيتك شوفيني انا حتى اسماء اخواني الا من زوجة ابوي الاولى ما اعرفها حتى عددهم ما اعرفه حتى اشكالهم ماشفتها تنازلي علشان اولادك
|
رد: ماهو الوضع الأفضل بين الزوجات؟ ؟
اقتباس:
هوا على حسب الزوجه الأولى غالباً وعلى شدة عنادها والاساس طبعاً الزوج هو له القوامه أن قلت قوامته فسدت قرارته الله أعلم ايش صار بينكم ولكن الجاني سيجازيه الله في الدنيا والاخره |
رد: ماهو الوضع الأفضل بين الزوجات؟ ؟
اقتباس:
ولكن نفس الحوش وكل وحده بيتها أفضل لحفظ الخصوصيه انا مو أنانيه بالعكس لو أنانيه ماجيت اسأل ايش اسوي تصرف صحيح يخلي زوجي يجمعنا بمكان واحد الزوج رافض حالياً لين تقبل زوجته بالأمر لانها رافصه طبعاً رفضها مايهمني ولايهمها شي طبعاً عيالها كبروا وانا أطفالي يبالهم ابوهم على راسهم المسؤوليه بغيابه حيل كبيره ومكانه يظل خالي بالتربيه ابي العيال مع اخوانهم ولكن الأب لاتعليق خايف من زعلها hgh |
رد: ماهو الوضع الأفضل بين الزوجات؟ ؟
اقتباس:
لكن كانت تتألم وتحترق بصمت .. من بداية مابدا الوالد يأثث وهي تشوف العناية بكل مايخص الجديده لحد ماجات وبدأت حركات الضراير افضل وضع لك ولها ان تكونو بنفس المدينه وبأحياء متقاربه |
رد: ماهو الوضع الأفضل بين الزوجات؟ ؟
الافضل بنفس الحي
لكن بيوت جنب بعض او نفس الشارع لالا يسبب مشاكل مع الوقت ومن ناحية الاخوان مو مهم يختلطو فيهم لان غالبا يبقون اخوان من اب مافيه تآلف اقولها عن تجربه اجتهد والدي يؤلف قلوبنا من صغرنا ويجمعنا ولما كبرنا كلن صد هم تبع بعض واحنا تبع امنا لان مؤلف القلوب هو الله والغالب مافي حنان بين اخوان الاب كلن تبع امه اهم شي يكونو بقرب ابوهم ويحس بمسؤليتهم وهم يحسو بهيبته |
رد: ماهو الوضع الأفضل بين الزوجات؟ ؟
يعني تنصحوني
أحاول اشدد عليه انه ينقلني عنده انا خايفه على أطفالي يكبرون ومو حاسين بقيمة ابوهم بالعكس صاروا مايبغوه وهو صار يلومني يقول انتي السبب ماتحرصينهم علي !!! أنت اللي تغيب يابابا وتارك مسؤوليتهم ماحببتهم فيك وجاي تلومني! ! صحيح دنيا العجب أحسست انه كلفني بمسؤولية حتى حبهم له عشان كذا صرت أفكر بجديه انه يكون على راسهم ومسؤول عنهم |
رد: ماهو الوضع الأفضل بين الزوجات؟ ؟
اقتباس:
عن تربية الزوجه الاخرى ... يلتقون في الحوش وتعلموا منهم اشياء كثيييره غلط حتى الشغالات اختربوا وينقلون اخبار البيت الاول او الثاني gggh الحين بيتغير بنى البيت والباب والحوش كله له خصوصيه اكثر |
رد: ماهو الوضع الأفضل بين الزوجات؟ ؟
المفروض من البدايه شرطك تسكنين بنفس مدينته اللي مستقر فيها يا ابتسامه وكونه متزوج ااكد وااكد لهذا الشرط
لان حتى الغير معدد استغرب اللي تصر تكون جنب اهلها بعد الزواج وزوجها بمدينه ثانيه<<زي ما قلت سواء معدد او لا خلاص تزوجت اذن مع زوجي عشان يتعود على المسؤليه من اول يوم تزوجنا اما اجلس سنين بمدينة اهلي لين يجون عيال ويكبرون هم اقول سكني عندك..! طيب عودتيه على البعد خلاص لكن يا ابتسامه لو شاف اصرااااااااار <<اصرار مش عناد وعصبيه في انك تنقلين عنده بينقلك في بيت مستقل بحي قريب من بيته وهي سلامتها لا تروحيلها ولا تجيك مو بكيفها تنقلين عند زوجك او لا.. انتي ناقله عند زوجك مو عندها ببيتها.. المهم الهدووووووووء والتكتيك على المدى البعيد انتي حطي الفكره ببالك وبتجي معك حبه حبه كل كم يوم زني كم زنه بهدوء وبدون عصبيه او استعجال للنتاءج وتعاليله من ناحية عياله وقربه منهم ومن اخوانهم وشوي شوي تغرسين الفكره بباله.. واذا حط مصلحة عياله بباله بينفذ الفكر هو الحين مش مقتنع لو اقتنع صدقيني بينفذ وما بيهمه رضا زوجته قال خايف على زعلها لا يا حبيبتي لو اقتنع بالفكره والله ما يفكر بزعلها لو يهمه زعلها ما تزوج عليها وهذي اكبر بيجي عند قرب عياله ويقول زعلها..لا يا حبيبتي خليك ذكيه بس انتي اصبري وحنني قلبه على عياله <<وقولي عيالنا لا تقولين عيالك كنك متبريه منهم ولا تقولين عيالي كنهم مهم عياله.. الكلمات لها دور |
رد: ماهو الوضع الأفضل بين الزوجات؟ ؟
إنت أساساً ليش تفكري ايش الأفضل له؟
هذه مو مسؤوليتك ولا شغلك. فكري ايش الأفضل لك إنت ولأبناءك فقط وبناء على هذا الشي خذي قرارك. |
رد: ماهو الوضع الأفضل بين الزوجات؟ ؟
طبعاً تسكنين في نفس منطقته اللي هو فيها
بس في بيت منفصل .. |
| الساعة الآن 09:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©