|
رد: قسوة قلب طليقي على أبنتنا
سبحان الله اختي فرح اكيد تعرفين قصتي عكسي بكل شيء انا طليقي يسال ويدق ويجي ويجيب مصروف وألعاب ويسوي موعدها في المستشفى ويجي ياخذها بنفسه للمستشفى عشان يطمن عليها ويمكن يحبها اكثر مني بس اهلي مايطيقونها خصوصا ابوي يلعب مع عيال خواتي وبنتي يسميها الشيطانه كل مابكت قال جعلها تنخرس الشيطانه ويموت بعيال خواتي وانا اموت قهر على بنتي مافي احد حتى يسال عنها من اهلي بس واحد من اخواني وأختي بس اما امي وأبوي الله لا يوريك واهل طليقي يدقون يسألون عنها كل أسبوع ويخافون عليها ويطلبون صورها الي عندك مو عندي والي عندي مو عندك ماقدر أقولك شيء او اعطيك حل لأَنِّي محتاجه مثلك حل بس ربك كريم وفرجه قريب باْذن الله . والحمدلله على كل حال .
|
رد: قسوة قلب طليقي على أبنتنا
اقتباس:
والله ياقلبي من أول مانزلتي موضوع وانا متابعتك وحاسه بمشاعرك ياليت أبوها يسأل حتى اهله ماكان لولدهم بنت قلوبهم قاسية مثل ولدهم هذا دل على أنهم ناس ظالمين كل يوم أتذكر كيف تشتت بنتي وظلموني بكلام ماصار بس عشان مايرجعني ينحرق قلبي وأبكي ظلم وقهر لاكن ماقول غير حسبي الله ونعم الوكيل عليهم ويرجعها في بناتهم إن شاء الله سبحان الله ربي اذا أخذ شئ أعطى بداله شئ قولي الحمد لله ترى انتي في نعمة دام أبوها وأهله يسألون عنها ويحبونها الله يفرج همك وهمي ويفرح قلوبنا ويسخر لك القلوب |
رد: قسوة قلب طليقي على أبنتنا
نفس مشكلتي بنتي صارت في الابتدائي وما تعرف ابوها
|
رد: قسوة قلب طليقي على أبنتنا
كم عمر بنتك وهل تزوج طليقك ؟
|
رد: قسوة قلب طليقي على أبنتنا
يا قسوه الاباء
ما يجيهم فضول |
رد: قسوة قلب طليقي على أبنتنا
اقتباس:
لا ماتزوج |
رد: قسوة قلب طليقي على أبنتنا
كنت أسمع عن حالتين من الرجال الي قلوبهم قاسية
واحد تخلا عن بنته وماشفتها إلا يوم كبرت قامت تبكي انكرته والثاني نفس الشئ بس الأولى الله يشفيه مريض صار له حادث أثر على عقلة الثاني الله لايبلانا حق مخدرات فكنت اضن أن الي يتخلا عن عياله وينكرهم يا مريض أو على بلا ماتوقعت أبد من طليقي ذا الشئ خصوصاً انه فيه خوف من الله وكان متحمس للبنت مستحيل يكون من كرهه ل طليقته يكره عياله لو يكرهني كان في الأحوال غير الاسم لاكن اتفقت انا وهو على الاسم بعد الطلاق وقبل ولادتي في الأحوال قال للموظف انه أنفقت انا وهو على الأسم لو يكرهني كان سمى باسم ثاني عشان يغيضني لو يكرهني ماكان يسأل الناس عني وعن ولادتي إلى الآن مالقيت حكم شرعي للي يصلحونه الآباء مع أبنائهم هل يعتبر ظلم لاني ليل نهار أتحسب عليه واحيان أدعي من حسرتي وقهري |
رد: قسوة قلب طليقي على أبنتنا
اقتباس:
بعيدا عن مشكلة ان ابوها مايزورها بكل صراحة هل انتي تحبي طليقك ودك بالعودة لة ؟ |
رد: قسوة قلب طليقي على أبنتنا
اقتباس:
وش الفايدة اذا باقي أحبه أو ابغى رجعته مو كل شئ انتهى إلا إذا ربي كاتب لنا نصيب مع بعض واحد ماسأل عن بنته هل باقي ارتجي منه خير |
رد: قسوة قلب طليقي على أبنتنا
لاتشيلين هم حبيبتي يحسب الدنيا على كيفة
ارسلي له رسالة او كلمي أمه يا يحول النفقة شهريا يا راح تأخذينها مرة وحده حقت كم سنة وحدة من قريباتي تطلّقت ومادفع نفقة وراحت اشتكت وحسبها القاضي وطلع عليه 35 الف وأعطوة مهله أسبوع يا يسدد يا يسجن اللحين الدنيا موفلتانه وأحسن جميعها عليه عشان يسجن الله يسخره لبنته عديم الإحساس الرجال اللي بس اختي قالت وامي قالت نفسك تجمعينهم بحفرة وتشبين فيهم |
| الساعة الآن 06:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©