منتدى عالم الأسرة والمجتمع - مجيء أخت زوجي اليومي،وردة فعل زوجي!

صفحة 2 من 4

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - مجيء أخت زوجي اليومي،وردة فعل زوجي! (http://www.66n.com/forums/showthread.php?t=261172)

غـادة..

07-07-2015 06:34 AM

رد: مجيء أخت زوجي اليومي،وردة فعل زوجي!

اقتباس:

المشاركة الأصلية كتبت بواسطة فرح تايه ~ (المشاركة 3274402)

ههههههه أعذريني يا أختي مدري ليه ضحكني موضوعك مو تقليل من شأن من مشكلتك بس تخيلت شكل البزر اللي كل يوم رازة وجهها عندكم ..

طيب ليه ماتنومي بنتك قبل ماتجي عمتها الصغيرة يعني من يوم يأذن حاولي تنوميها ثم خليها بغرفة نومك وإذا جات هايدي الصغيرة خليها ع التي في ولا تجيب آيبادها وتجلس لين أهلها يجوون وانتي صلي .

إذا بنتك ما نامت حطيهم معك بغرفة وقفلي الباب بالمفتاح وصلي وخليهم يحوسون حولك . ومافيه مثل الآيباد يشغل بنتك وهايدي 😅

المشكلة بيتي صغير عبارة عن غرفتين نوم وصالة ومطبخ فقط :) يعني تلقائي بمجيئها تصحى بنتي ..
وبخصوص قفل الغرفة فهو مستبعد لأن اخت زوجي تبغى نطلع المطبخ تاكل تشوكلت وبسكويت وتشرب ماء .. وممكن تنزل لبيتهم تجيب لها تشبس :) يعني صعبة اقفل عليها واقولها لا تتحركين 😅

غـادة..

07-07-2015 06:36 AM

رد: مجيء أخت زوجي اليومي،وردة فعل زوجي!

اقتباس:

المشاركة الأصلية كتبت بواسطة ريف الأشواق (المشاركة 3274408)

نصيحه لا تضيعين رمضان وأنتي مو ملزومه فيها
زوري أهلك وتفرغي للعباده
الكل يقول لنا أنا وزوجي أستمتعو لاحقين على المسؤوليه والتعب وأنا أحب الأطفال
وفهمت قصدهم من موضوعك

جالسة ادوّر حل اخلص نفسي من هالمشكلة :)

وفعلاً الاطفال مسؤولية ..

روح الطير

07-07-2015 06:39 AM

رد: مجيء أخت زوجي اليومي،وردة فعل زوجي!

طيب انت جيبيها لهم بطريقة تانية

قولي لزوجك او لأم زوجك ..

خلي الشغالة تطلع مع البنت
عشان ابغى اصلي التراويح و ماقدر اصلي معاهم

و هما يفهموها خلاص ..

غـادة..

07-07-2015 06:44 AM

رد: مجيء أخت زوجي اليومي،وردة فعل زوجي!

اقتباس:

المشاركة الأصلية كتبت بواسطة روح الطير (المشاركة 3274419)

زوجي زعلان حالياً :)
والخادمة ترفض رفض قاطع تصعد لبيتي تخاف اشغلها 😅 كلٍ على همه سرى..
المشكلة العشر جاية بدل ما ابتلش بالتراويح تجيني تراويح وقيام 😒

الله يعييين

bulldozer

07-07-2015 07:13 AM

رد: مجيء أخت زوجي اليومي،وردة فعل زوجي!

اعطي الخدامه 100ريال وسكتم بكتم راح تشيل البنت على اكتافها

بالنسبه لسفرك مشكله خصوصا انه رمضان وخواتم وزوجك زعلان بعد
السفر كنسليه ماراح تتهني وانتي بعيده عن زوجك وخصوصا لوكان طيب معك

مبتعثة متفائلة

07-07-2015 07:35 AM

رد: مجيء أخت زوجي اليومي،وردة فعل زوجي!

طيب فرصه العمه تمسك بنت اخوها تلاعبها
يعني 8 سنوات تصير بيبي ستر
دايم بجمعاتنا نخلي البنات الكبيرات يمسكون الصغار
انتي مكبره الموضوع
شلون 8 وتراكضين وراها
توقعتتها 432 سنوات
8 فاهمه وعاقله

ام 33

07-07-2015 07:36 AM

رد: مجيء أخت زوجي اليومي،وردة فعل زوجي!

يااختي الله يهديك انتي مكبره الموضوع لاتجاملين على حساب نفسك،قولي لهم انا موفاضيه بصلي وأخاف اترك البنت لحالها، وقولي لزوجك هالكلام مو معقوله يزعل من سالفه زي كذا خليك صريحه بكل أدب واحترام.

زهـرة الـرمـان

07-07-2015 07:42 AM

رد: مجيء أخت زوجي اليومي،وردة فعل زوجي!

الحل بيدك انتي وبس
لاتقولي استحي وانحرج واخاف على زعلهم ..

وغلط انك كلمتي زوجك
زوجك مالو ذنب
انتي عندك لسان
خلاص اتكلمي وقوليلهم رايك بكل ادب واحترام
يعني انتي مكبرة الموضوع صراحة
والحل بيدك !!!

فاكهة الشتاء

07-07-2015 08:04 AM

رد: مجيء أخت زوجي اليومي،وردة فعل زوجي!

أختي لا تكبرين المشكلة
ملزومة ولا مو ملزومة
هذا أهل الزوج مجبورين نسايرهم علشان حياتنا واستقرارنا الزوجي
نومي بنتك قبل مجئ عمتها
وعمتها عطيها آي باد واكل وصلي
وترى أختي بعمر العمة تقريبا
والله تخدمني خدمة بولدي الصغير وتساعدني عليه

نبض الدان

07-07-2015 08:14 AM

رد: مجيء أخت زوجي اليومي،وردة فعل زوجي!

انتي قلتيها
اعجبها الوضع
شيلي الجو الحلو اللي تلاقيه عندك
طفي اللمبات كلللها وشيلي الحلويات عن وجهها بتحرم تجي
هالخطة سويتها مع بنتي نفس العمر
تبي تنام عند عماتها وهم مايبونها قلت لهم اذا متضايقين سكروا اللمبات بدري ولاتعطونها شي ونجحت الخطة بامتياز

الساعة الآن 03:08 PM.

صفحة 2 من 4

عرض 40 مشاركات من هذا الموضوع لكل صفحة