|
رد: ضربت زوجتي
اقتباس:
اقتباس:
اضف لذلك العلاقة مع اهلها قد تتضرر فالزوجين ممكن يرجعوا مثل اول ولكن مع الاهل اصعب |
رد: ضربت زوجتي
مشكلة بعض الرجال الله يهديهم يعرف مدة اليد بس مايعرف اسلوب الحزم
الا هو تكلمها بكل حزم وشدة وجديه من غير عصبيه بانك تعبان ..وخلاص من غير اخذ ورد بالجدال وبعدين ياخي توك باول الطريق توك بادي بطريق الزواج ياما بتشوف وتشوف كلنا مرينا بايام تصرفنا مثلها وتهاوشنا مع ازواجنا ورفعنا اصواتنا وصكينا روسهم بس مامدوا ايديهم علينا ولا اشوف هالشئ عذر لمدة اليد وكلنا عارفين قصة الرجل اللي ذهب الى عمر بن الخطاب ليشتكي زوجته اليه فلما قرب من بيته واذا به يسمع صوت زوجته وقد علا صوته الزبدة الزواج موب ايام ورديه ..والزوجه ليست روح بلا عواطف ومشاعر ناهيك عن ايام بالشهر تجيها تخلي النفسيه صفر المشاكل بين الزوجين واردة والخصام ورفع الصوت ايضا وااارد لكن مايعني انك تمد يدك عليها كانه تضارب واحد بالشارع ترا هي بنت ، انثى كل اللي تحتاجه منك شوية اهتمام وحضن وبوسه والله وقسم بالله لو بدال مدة اليد ضميتها او عطيتها بوسه على الطاير ان تهدا وتسكت الحل اشتغل على الوتر الحساس على عواطفها يوميا ارسلها كلام حب ورومانسي لين يطيح اللي براسها ومن غير ماتطلب رجوعها للبيت ..لانها ماراح توافق بعد فتره تكون هدات وبدت تسامحك اطلب رجوعها |
رد: ضربت زوجتي
اخي انت تبالغ فصحيح انك غلطت بحقها و لكن مثل هذه الامور تحدث كثيرا بين الازواج و لو مرة في العمر و يرجعوا مثل اول, و المهم انك لم تضربها بعنف او تتسبب بكدمات او رضوض(كما فهمت من كلامك)
لو تحبك راح ترجعلك فمن يحب يسامح فقط اعطيها وقت عموما هذا درس لك و لها |
رد: ضربت زوجتي
اقتباس:
اذا تفكر كذا ماراح تعيش اهم شي علاقتك بز وجتك والناس مايرضيها لو عطيتهم الشمس بيد والقمر بيد ودائما لاتطلب ود الناس علي حساب نفسك ولو درو اهلها او اهلك خير ياطري انتم اول زوجين يصير يينهم مشكلة...اهم ماعليك زوجتك راضية وحب خشيمها مع هدية ورد احمر |
رد: ضربت زوجتي
اخوي
الضرب يحسب ضدك كان ممكن تطلع تروح غرفه ثانيه تتوضى مو على طول ضرب عموما حصل خير العيد جاي اطلعوا طلعه حلوه وجيب لها هديه وبين لها غلطك وغلطها |
رد: ضربت زوجتي
اقتباس:
أخالفك الرأي هو مو عايش مع زوجته بمنأى عن العالم أهل زوجته مو أي ناس هذول بمقام أهله ولازم العلاقة تكون ممتازة ويا رجال اتقوا الله ! ولا تهونوا الموضوع في نظره اللي سواه مو شي هين ولا واحد فيكم يرضاه على بنته أو أخته كونوا حياديين ومنصفين |
رد: ضربت زوجتي
لو كل زوج يضرب زوجته علشان هذا السبب كان كلنا انضربنا ماعتقد في حرمه ماعملت الي عملته زوجتك
هي برايها الحين علشان هالشي ضربني كيف بكرة لما تكبر المسؤليات وتكثر المشاكل ويزيد الظغط ايش بيسوي الله يصلح حالكم ويألف بينكم |
رد: ضربت زوجتي
اقتباس:
إذا أعتذر لها وراضها بشي تحبه بتسامحه ألي تخلي في نفسها هذي حقوده وبتتعب في حياتها مافيه أحد معصوم عن الخطأ الحياه قصيره ما نضيعها في زعل ونكد ياما صارت مشاكل بس نسامح ولصاحب الموضوع إذا تصالحتو إن شاء الله لازم تفهمها أن العتاب والنقاش له وقت وأنك لما تدخل البيت تبي الراحه وإذا عصبت تبعد عنك |
رد: ضربت زوجتي
اقتباس:
والى متى بتسامح ؟! الى مايجون ضحايا الى ماتزيد العاهات بمجتمعنا ؟! الى مايصيبها اكتئاب مزمن و يودونها شيخ يقولون فيها عين او سحر !! على فكرة ردودكم هذى تعكس ثقافة مجتمع للاسف .. طبلي و زمري و شجعى الى ماتلقين نفسك معنفة او بنتك او يجى ولدك و يدوس على كرامتك وياليت تغيري اسلوب شاطى ^_^ |
رد: ضربت زوجتي
لو كانت هي ضاربته
لو وحده طول اليوم بالشغل وبعدها بالمطبخ تطبخ للفطور والسحور والعيال والحوسه وزوجها ينق عليها انتي متغيره انتي هاملتني وراحت عزومه لصديقتها ورجعت ونكد عليها واضربته وش بيكون رده فعلكم خاصه الرجال |
| الساعة الآن 11:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©