منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - تكرار الخطبة !! (http://www.66n.com/forums/showthread.php?t=261517)

رد: تكرار الخطبة !!

انا أشوفه احساس جميل للبنت
انه يخطبها نفس الشخص اكثر من مرة / حتى لو ماكان مناسب
احساس فقط انه شاريها و عنده ارادة و متمسك فيها
و ما دخّل الكرامة بهالموضوع .. ( هذي وجهة نظري الشخصية )

بالنسبة لسؤالك الرئيسي
أميل لجواب فتاة ابريل انها وقعت في قلبه
اتوقع المحرك الرئيسي عاطفي
لانه محد بيتغاضى عن الرفض و مسالة الكرامة
الا انسان ملئت قلبه هالبنت بأي صفة من صفاتها
سواء التدين او الجمال او المال او النسب كما قال عليه الصلاة و السلام ( تنكح المرأة لأربع )

انا بالنسبة لي حصلت لي شخصيا
و كان السبب تديني و حفظي لكتاب الله .

رد: تكرار الخطبة !!

اقتباس:

من جد لازم ينتبهون من نفسه هذا نفسه فيها

انا لاا اجد فيها شخصيا

ولكن في مجتمعي مايصير هالشي

بس انا صارت لي مرتين
وحده خطبتني لعيالها الثلاثه الكبير رفضه ابوي وتزوج وبعدها بسنه جات خطبتني لولدها الثاني واهلي رفضوا
وبعدها كمان بسنه خطبتني لولدها الصغير وابوي رفض يستقبل الرجال ابدا ابدا

عرفتي الي نفسها هي ونفس ولدها الاخير لانه عمل المستحيلات
لدرجه كان يصلي بمسجد الحي عشان ابوي يشوفه

ومن بعدهم وحياتي ملخبطه وجلست من بعدهم ارفض كل الخطاب

وفيه واحد كمان خطب وابوي وافق وانا رفضت وسافرنا ولحقنا سافر ورانا 😂😂

ابوي انبسط انه شاريني الرجال وانا كرهت الحركه ورفضت تماما

وانخطبت بعده لشخص قريب من مواصفات الي كنت اتمناها ووافقت وتم كل شي
فجاءه افترقنا قبل الدخله الحمدلله

اقسم بالله اسبوع رجع الخاطب الاول عرفت نفسه فيني ووافقت وتمت النظره والتحاليل وكل شي واتفقنا ع كتب الكتاب
وجهزنا الحفله بس اخر ليله قبل الملكه قمت الليل كله ادعي اذا شر لي يصرفه ويكرهني فيه
اليوم الثاني من طلعة الشمس وبالليل بيكون الملكه
رحت لاابوي وقلت اعتذر للرجل وعائلته اهلي كلهم انصدموا وزعلت امي والشباب اخواني
وفجاءه خالتي اخت امي قابلت الحرمه الي كانت قد خطبتني وقامت تتحسر انه ماوافقت ع احد منهم خالتي عرفت ان نفسهم فييني

وامي اليوم الثاني جابت لي شيخ
قال فيها نفس متعلقه

وانا عارفه انه من الي شافني ومن هذيك العائله وتعالجت 21 يوم فقط
وانخطبت من اربع اشخاص بنفس الاسبوع وماتعبت زي قبل بالعكس اعطيت رايي بكل اريحيه

ووافقت ع زوجي وتم الموضوع بسهوووله

الي يترددون نفسهم معلقه ع البنت تاخذ الخذر

يسعد قلبك ملكة ممكن تقولين لنا هل حسيتي بشيء من ورى نفسه ذي !
كنتي ترفضين خطاب كويسين مثلا بدون سبب ! جاتك أعراض جسدية الدكاترة مو لا قين لها حل ؟؟!

رد: تكرار الخطبة !!

اقتباس:

مرحباً أختي

حدثت تكرار الخطبة حسب ما عايشته في حياتي من ناس أعرفهم

بسبب سمعة الأهل العاليه وبسبب السماع عن مواصفات ممتازة جداً عن الفتاة وأنها فرصة لا تعوض والخطاب عليها وياحظ من تكون نصيبه

بارك الله فيك

جواب مقنع نوعا ما، بس الإنسان يخاف من هالنوعية من البشر خصوصا مثل ما قلت إذا العائتلين ماتعرف بعضها أبدا ف ما تدري وش سبب تمسكهم لذي الدرجة معقولة الجمال والنسب والسمعة تعمل كذا ؟! مدري ليه مخي مبرمجها إنه العريس في علة خفية وما اكتشفوها أهل العروس و ماصدقوا مين يفتح لهم بيتهم .. مع إنه الشخص ظاهريا واللي باين منه كويس .

رد: تكرار الخطبة !!

اقتباس:

تنطبق السماء على الارض

ولو يقولون خذها بمهر ريال مارجعت اخطبها

مهما بلغت من الجمال والادب والاخلاق والنسب الرفيع والخلق الحسن

مستحيل ارجع اخطبها

ههههه وإحنا بعد نفسك .. في عائلتنا هذا الشيء مرة عييب وغريب وشاذ ومرفوض ومستهجن وغير مستوعب بعد !

رد: تكرار الخطبة !!

اقتباس:

دام تم الرفض من اول

خلاص يعني مو غصب هو اللى وافقوا على المعرس !

وفي النهايه كل واحد بياخذ نصيبه
لو يتقدم لها عشر مرات ربي مو كاتب يكونون نصيب بعض !

صادقة .. ليت قومي يعلمون 😖

رد: تكرار الخطبة !!

اقتباس:

والله شوفي هو من ناحية إحساس جميل فهو أجمل إحساس بالكون بعد مو بس جميل ! واحد شافها مرة وطق بابها ألف مرة !
بس فيه بعض الناس وأنا منهم ينفرون من الناس اللي يرمون نفسهم ع خلق الله بزيادة ! خلاص رفضوا انتهى الموضوع !

...
هههه معقولة خمس دقايق كفيلة إنها تخليه يتعلق فيها !!

رد: تكرار الخطبة !!

اقتباس:

الدافع الوحيد الذي يمكن أن أتفهمه هو أن يكون بينهما مشاعر.

أما غير ذلك فلا أراه وضعاً طبيعياً!

لا والله لا مشاعر ولا غييره للأسف ! خطوبة تقليدية 100٪

وأنا نفسك .. قد ما هو الشيء جميل .. ع قولة بنت الكرام إحساس جميل .. إلا إنه غير طبيعي هالتصرف وحول العريس وأهله ألف علامة إستفهام

رد: تكرار الخطبة !!

فعلا احساس جميل
باختصار شاريها وشايفها مناسبه

رد: تكرار الخطبة !!

في ناس يافرح تاخذها كرامة بمعنى انا مافيني عيب شلون انتي ترفضيني؟؟

ماتاخذها انه نصيب وماله علاقة احيانا بصلاح الشخص من عدمه..

وينشب بباب الناس ولاعاد يتركه..

ما اشوفه شعور جميل بالمرة بصراحة 😂

رد: تكرار الخطبة !!

اقتباس:

ههههههه حلوة ينشب بباب الناس 😅 تعبير جممميل

لا والله شعور فاخر حاطة رجل على رجل في بيت أهلك وكل يوم جايين يقولون لك فلان أمه اتصلت
فلان أبوه اتصل 😃

هي صحيح مو حلوة بحقه وحق أهله ... بس هم اللي جابوها لنفسهم أو يمكن هم في عرفهم هذا الشيء عادي وياما يحصل عندهم !!

...

بس قولتك فيه ناس تاخذ الشغلة تحدي ؟! فيه حد فاضي لهالدرجة ويفكر بهالطريقة ! يارب العقل من عندك 😖