|
رد: كيف اخلي هذي الموظفه تخرج من مكتبي
خلاص قررت بكره اكون شجاعه وصريحه
وبقوله معليش يا اختي تقدرين تروحين المكان الفلاني لاني مشغوله اليوم اش رايكم ؟ احس عادي ومنحقي |
رد: كيف اخلي هذي الموظفه تخرج من مكتبي
هيييييييييه ..
ما بالك في اللي تقولك قصة حياتها بشكل يومي ...واللي ثرثار وداخل عرض كل شوي .. مأساااه المصيبه انه فاهمين انهم معطلينك ...قمة في الانانيه ..واذا تضايقت وبدر بني اني متضايقه يضحون ..ضحكه سخريه ..بينهم وبين نفسهم كاني ما اشوفهم ولا اعرف !:( هذولاء ما لهم الا حل واحد .. تكشينهم . اما هي جديده ... ممكن تعمدت تدخل وتجلس بالقرب منك .. تراك مشغوله عشان تعطينها شغل .. وتتعلم انت استغليها في صالحك ونفس الوقت .. تشغلينها عنك . ممكن انت تعطينها .. شغل ياخذ منك وقت طويل تخلصلك اياه ..ونفس الوقت انتكون انشغلت لكن بعض الموظفين اللي معاك من زمان وعارفين كل شي ما ينفع معهم الا الكشه والعين الحمرا |
رد: كيف اخلي هذي الموظفه تخرج من مكتبي
مادري ؟
الناس أجناس بالفعل :) كثير عندنا يجوا - بشكل مؤقت - و ما يلاقوا مكان .. و كنت افتح لهم مكتبي و أعطيهم جهازي و باسورد الجهاز و الطابعة أخليهم يستخدموه .. و بعد فترة ، يروحوا يتعينوا بأماكن و يترسموا .. و تستمر العلاقات الجيدة بيني و بينهم حتى بعد ما ينقلوا .، و يقولولي ( ما ننسى انك الوحيدة اللي رحبتي بنا و فتحتي لنا مكتبك ) :) . . ما أبغى أبين إني ( وااااااااااااو ) .. لكن خلي قلبك كبير .. هذا مو منزلك ، هذا مكان عمل .. و إذا ما تبغيها تكون معاك ، هي راح تفهم من وحدها لا تشيلي هم ^_^ |
رد: كيف اخلي هذي الموظفه تخرج من مكتبي
وَ عليكم الْسلام ورحمة الله وبركاته . . مَ اتخيل شعورها لو جآت هنا صدفه وشافت كلامك . . يَ عزيزتي كيف ح يكون موقفك لو حطت إدارة المكآن موظفه دائمه في مكتبك ؟ البنت حسب كلامك ماحتجلس الا فترة 3 شهور + مو مضطره تاخدي وتدي معاها + ممكن تتعلم منك حاجه تفيدها بخصوص الشوغل اللي جات عشانو . . واذا استمريتي بتجاهلها هيا من نفسها راح تحس انو مو مرغوب في تواجدها وهتروح من نفسها . لكن الإنسان مايبغى الا طيب الأثر اكيد . |
رد: كيف اخلي هذي الموظفه تخرج من مكتبي
ادا جات تتكلم و تسولف تجهاليها و رتبي أوراقك و انغمسي في العمل هي راح تفهم حالها كان لازم على الادارة ترتب لها وش تسوي و نظام عمل مثلها مثل الموظفات اعاديات
وش ها الدورات الي لا فيها لا ترتيب و لا شغل و لا مشغلة و الله ما فهمت |
رد: كيف اخلي هذي الموظفه تخرج من مكتبي
ومض القمر
الله يعين وشكرا للنصيحه روح الطير لا يعني هذا ان احد افضل من احد كل الحكايه انها قدرات انا ما اقدر اتحمل وجود احد معي بمكتبي وانا ما اسات ادبي معها لكني كنت ارد عليها برسميه ولا اسولف زي امس قلم كحل تخصصها ما يمت لعملي بصله يعني وجودها بمكتبي كمكان للجلوس وليس للاستفاده مني فلا دخل لي بدورتها ولا افيدها بشي لا من قريب ولا من بعيد والناس اللي بنفس تخصصها تاركه مكاتبهم وجايه عندي !! واذا حطت الادراة موظفه على قولك ساعتها يحلها الحلال وساعتها بيكون امر واقع وعمل وليس مجرد وحده جالسه عندي كمكان لشنطتها وسواليف واذا قرات كلامي؟ انا ما سبيتها لا هنا ولا امامها لكن كنت ناشفه شوي معها وارد عليها برسميه حتى تفهمها وما تجي بكره عندي لكن للحق نقدت نفسي بعدين اني ما قلت لها تشربين شي وسولفت معها شوي هم سحبت عليها لكن من كثر مني متضايقه منها ما لقيت لي نفس لا اضيف ولا اسولفkhh ايمان هذا اللي سويته واخرج وارجع ولا كانها موجوده بس القي السلام كل ما دخلت وشكلها شكلها لاحظت ولا رح تجي عندي بكره لانها وهي رايحه قالت لوحده عندنا مع السلامه يا فلانه مع اني كنت جنبها!! |
رد: كيف اخلي هذي الموظفه تخرج من مكتبي
اشوف بكره وارد عليكم جت عندي ولا لا
|
رد: كيف اخلي هذي الموظفه تخرج من مكتبي
مرحباً أختي
المسألة ليست حقوق وطبيعتي وما أحب ذا الشئ المسألة... أولاً من ناحية إجتماعية... ستكسبين أخت وصديقة ربما يوم من الأيام ستحتاجين لها فتحسن إليك كما أحسنتِ لها... كذلك ستكسبين السمعة الحسنة والكلام الطيب الذي ربما تنقله عنك من طيب أصلك وكرم أخلاقك ثانياً ... أجر... فإدخال السرور على المسلم أجر كبير... كذلك فك ضيقة ومحبة فيك وكسب دعاء فربما بإستقبالك لها في مكتبك فكيتي ضيقتها في حبس شنطتها عند الزميلة الأخرى وأحبتك في الله وربما دعت لك في ظهر الغيب ويستجيب الله لها عموماً أنصحك بالتحمل والإحسان لها... وربما لن تستمر في مكتبك فترة... بل قد يتيسر الأمر وتذهب لمكتب آخر من تلقاء نفسها بارك الله فيك |
رد: كيف اخلي هذي الموظفه تخرج من مكتبي
اقتباس:
كلامك صحيح بس اللي صار صار ولا اظنها بتجي بكره عندي عرفت هذا من طريقة سلامها وهي رايحه مع الاسلامه يا فلانه(تقصد وحده جاسه جنبي)!! عرفت انها زعلت وما بترجع عندي قد ما فرحت قد ما زعلت من نفسي اني ما ضيفتها على الاقل والتهيت بشغلي لين تطفش من نفسها |
رد: كيف اخلي هذي الموظفه تخرج من مكتبي
أختي احتسبي الأجر أولا هي صغيرة في السن بما أنها متدربة فيخفى عليها شي كثير مما ينبغي فعله .. وأكيد أنت ........ فوين حديث النبي صلى الله عليه وسلم ولو أن تلقى أخاك ....... . بعدين هي متدربة يعني ممكن من كثر المضايقات ممكن تترك العمل ويكون انت أحد الأسباب .. وترى عادي تشغلينها معااااااك . ويوم اختارتك تعشمت فيك الخير فخليك فوق الظن الجميل مثل روح الطير والمكاتب أختي ليست ملكا لأحد من الموظفين حتى تقولي مكتبي . |
| الساعة الآن 08:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©