|
رد: زوجي لايعدل في السفر بيني وبين زوجته الث
الله يكون بعونك ويفرج همك
ذكريه بعقاب الله للي مايعدل بين زوجاته يمكن يصلح وضعه معاك |
رد: زوجي لايعدل في السفر بيني وبين زوجته الث
ياقلبي عليك
بس اذا اهلها بنفس المنطقه اللي يروحلها طبيعي ياخذها معاه وماتدرين هو يمشيها ولا لا ... ونصيحه لاتخلقين المشاكل بينكم بناءا على توقعات .. اعرفلك وحده تقول اذا جلست بمجلس حريم تظن انهم يوصلون الكلام لضرتها تقعد تقول انه زوجها وداها مادري وين ؛ سوالها مادري ايش ؛ جابلها ؛ عطاها ؛ وذاك اليوم تعشينا مادري وين ومن هالكذب عشان يوصل الكلام ضرتها وتنكد على الرجال ومايلقى الراحه وسعة الصدر إلا عندها 😈 كيدهن عظيم الله يكفينا شرهن 😔 |
رد: زوجي لايعدل في السفر بيني وبين زوجته الث
كولي تبـ ... !!
إيش الوقاحــ...! من رده ماينشره عليه . . أختي أبداً مايستدعي أنك تطلعين من بيتك شغلي شطارتك بس كيف تخلينه في حوزتك وهو إللي يدور عليك هي ماسفرها اكيد إلا بشطارتها وماحلت بعينه إلا بعد ما تزوجك لأنه عرفت ووعت على نفسها وقامت تمسك زمام أمورها لا تلومين نفسك ولا توجعينه والله مايستاهل الألم إللي فيك بسببه وسعي صدرك بنفسك وعلميه إنه الحياة مو عليه متوقفه دلعي نفسك واهتمي فيها . . سبحان المعادلة معاكسة لا حبيتي نفسك واهتميتي فيها إللي حولك بيعاملونك بالطريقة نفسها. لا تكوني سلبية ولا تشتغلين بالنكد سفرها وماسفرني وداها واهتم فيها ولا عطاني وفي نفس الوقت حرصي على حقوقك من حقك أنه يعدل بينكم تبين الشيء اخذيه منه بطريقتك وذكاءك طريقة الزن والحن باسلوب منفر مزعج بالفعل - اتخذي طريقة وادركي اسلوبك وطريقتك في الطلب - بطريقة مدروسة وذكية - ركزي على اسلوبك طريقتك نبرتك الوقت المناسب - كلها هذي اشياء مهمة جداً اشياء بسيطة ماتلقين لها بال بس هي فعالة جداً يا أنها تصيب القرار أو تقلب الأمور والموازين. شوفي طريقة الطلب وحدة زي المترددة ونظراتها مشتته وتقولها زي بس تشوف ردة الفعل غير لما وحدة تحط الكلمة أنا أبي اسافر واطلع وتعبر عن مايختلجها وتقوله أنت ماتقصر وبتودينا وعينها بعينه (دليل الثقة مو الصرامة) كيف راح تكون ردة الفعل؟! هل يعقل بتكون نفس ردة الفعل !! ترى مرات كثيرة الطريقة والاسلوب هما ينتجون الموقف. تعاملي معه كأنه هو زوجك وحدك وماعندك شريكة افكارك راح تتغير وتعرفين كيف تتعاملين خليكِ قوية، نفسك واولادك يحتاجون القوة ومن حقهم يستمتعون بس مو بطريقة الهروب ماراح تجديك بنفع ولأن السفر مو نهاية المطاف إذا على السفر ماقدرتي وضعفتي شلون في الأشياء الكبيرة لازم يكون عندك قوة مواجهة اقري قصة أم الوليد جميلة زوجها معدد ان شاءالله تنفعك استفيدي منها. الأزواج يموتون مايعرفون يمسكون ثنتين لازم كفه ترجح ع الثانية إلا يمكن فقط ✌(علشان نستبعد التعميم) ربي يهنيك حبيبتي ويألف مابينكم . |
رد: زوجي لايعدل في السفر بيني وبين زوجته الث
اقتباس:
لا تخافين حقك محفوظ، اذا مو في الدنيا ستجدينه في الآخرة.. |
رد: زوجي لايعدل في السفر بيني وبين زوجته الث
خربتها معاه البارح ارسلت له وكسرت الشريحه وحلفت اني ماراح ارجع له تعبت كرررهته حتى اني احس اكره عيالي من كرهي له وودي ياخذهم ماابيهم ظالم لاابعد حدد افكر بحياتي معاه اغلب وقتي منطقه ببيتي او عند امي كااني مو متزوجه محرومه من كل شي مشاوري مع سواق اولادي انا اتقضى لهم واهتم بهم وانا اللي اوديهم المستشفى امي تحملني الغلط كله انتي اللي سكتي من البدايه وتنازلتي خلاص مو بيدك المره حكمته فعلا احس كلامها صحيح ماعاد ابغى ارجع له
زوجته كبيره 40 سنه واقل من عاديه حتى هو يقوله لكن كاسبته وحاكمته وانا اللي اختارني لما يكون عندي مابينا هواش سوالف وضحك ولايعلمني عن شي سفراته يرؤح من عندها ويرجع لها وبعدين يجيني كذاب يحبها له يتزوجني ماادري انا ماعمري سمعت كلامها لكن اشوف بعيوني عنده العدل فقط في المبيت اهم شي ينام عندي خلاص غيره لا اذا تكلمت لكن اغلب وقته ببيته الاول |
رد: زوجي لايعدل في السفر بيني وبين زوجته الث
اقتباس:
طالبي بالعدل في الايام اتركيكي من السفر الان ركزي على هذي النقطة |
رد: زوجي لايعدل في السفر بيني وبين زوجته الث
اقتباس:
و هروب من حل المشكلة المفترض جلستي معة وتكلمتي بكل حزم وقهوة بخصوص العدل هذا حق من حقوقك لاتلامي علية وكسر الشريحة ماهو حل ابد |
رد: زوجي لايعدل في السفر بيني وبين زوجته الث
حلا المدينة
أنتِ إيش سويتِ علشان تكوني أنتِ المدللة والأهم ؟ |
معناتي مع زوجي ادخلو ريحوني
السلام عليكم
بعد اخر مشكله قلب كل شي علي المهم سكت وبعد يومين سافر من عندي نام صححيت مو عندي انقهرت كثير بس مشيتها وانا ناقصني طلبات للعيال طبعا يرجع عندها اللي قاهرني انه مايفوت شي لها هنا السؤال هالعدل بالمبيت فقط يعني ينام يومي لا هو يبدا يومي بالليل وينتهي الليله الجايه وهكذا هل يحق لي ازعل انا افكر اغير اسلوبي معاه وابدا معاه بالكلام اللين والمعسول واطنش تصرفي صحيح قبل صار بينا هدووء وانسجام والحين احس بعده يعذبني اغلب وقته مسافر |
رد: معناتي مع زوجي ادخلو ريحوني
في موضوع سابق كنتي مركزة علي يسفرها و انا ما يسفرني
و في الاخير قلتي وداها ديرة اهلها دا سفر تصح فيه المقارنة اجراء روتيني عادي يروحوا لاهلهم مادام اهله هناك ايضا اشتغلي علي علاقتك مع زوجك علي هدوءها و استقرارها وقلتيها تمر اوقات تكون علاقتكم حلوة ليش ما تكون دائما حلوة لما تبدءي تقارني |
| الساعة الآن 10:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©