|
رد: رعايه الام والاب الكبار بالسن
متعارف عليه انه الاعزب تكون مسؤوليته اكبر مثل ما قالت مهره .
واذا كاهم متزوجين يكون اما الاكبر بين الابناء او الاصغر فيهم . اعرف جماعة عندهم 4 ابناء متزوجين ولما كبر الاب واصبح مقعد بقي اصغر الابناء هو وزوجته وابناؤه مع الاهل وباقي الاخوة سافروا من اجل العمل وكانوا يصرفوا لاخوهم راتب مقابل انه فقد فرصته بعمل مجزي مثلهم بسبب ارتباطه بالاهل .. ناقشتيهم لاخوانك وخواتك ؟؟ اذا فكرة تركهم لحالهم ساعات معدودة مرفوضة من قبلهم فاطلبي منهم يجوا يرابطوا بمكانك وقت مشاوريك وهذا انتي قاعدة مع اهلك باقي ال 24 ساعة . |
رد: رعايه الام والاب الكبار بالسن
لاتنظري لبر الاخرين بوالديك .. اهم شي برك انتي بهم ،، تشوفي نفسك مو مقصرة وتحاولي كل جهدك معاهم اذن ما عليك من الباقين وواصلي اهتمامك بوالدتك وكثفي جلساتك معاها كتعويض ...
نعم كبار السن خصوصا من لديه مرض يمنعه من مواصلة روتين الحياة المعتاد بشكل طبيعي راح تكون رعايتهم اصعب ويحتاجون لمداراة واهتمام متواصل يعني ممكن تتغير حياة الشخص بشكل كامل لكن يمكن تبادل الادوار مع الاخوة او وضع ممرضة خاصة لكبير السن فقط في فترة عدم التواجد .. تعرفين شنو الحلو بالموضوع ؟ الدعوة ... تفتح لك كل الابواب المغلقة .. بالنسبة لاخوتك، اتوقع لانك الطرف غير المتزوج فيحطون الاعتماد الكلي عليك ويعتبرونك واجهه المنزل الان .. |
رد: رعايه الام والاب الكبار بالسن
الحمدلله يارب
الوالده ليست محتاجه لكن الجلوس معها من باب 1- ايناسها 2-قد تحتاج شي 3 -الله يعافيها يارب اذا حصل طارئ |
رد: رعايه الام والاب الكبار بالسن
انا الوالدة مو كبيرة بالعمر وتتمتع ولله الحمد بالصحة والعافية
صح اني الأقرب لها بس تطلب مني اطلع للصديقات وحضور مؤتمرات وأنشطة والاشياء اللي مهتمه فيها ساعات أعزمها للبعض منها بس أقابل بالرفض ، في الوقت اللي اطلع فيه تتصل علي وانا بعض الأحيان اتعمد اتصل عليها واقطع بعض من وقتها. اذا لاحظت ان هالشي ممكن يسبب حزازيات او مافي امل من اخوانك ينتظمون على الزيارة غيرّي اوقات الطلعة يعني النادي مثلا يكون الصباح اذا يتناسب مع ظرفك او عندك مناسبة في يوم معين اعزميهم لزيارتكم مع التجهيز الكامل دامهم يجون برسمية. |
رد: رعايه الام والاب الكبار بالسن
مافي الا اخلي انشطتي صباحيه
لانها تزعل من الطلعه بالليل |
رد: رعايه الام والاب الكبار بالسن
جزاكِ الله خير على موضوعك الرائع
وبالنسبة للاهتمام والبر بالوالدين هو مسؤولية جميع الابناء والبنات سواء متزوج أو لا صحيح ان المتزوجين عندهم التزامات أخرى لكن هذا لا يعني اهمالهم لوالديهم ولابد من التوازن في ذلك وعدم الاتكال على الابناء الآخرين وبالنسبة لي مقصر واسأل الله ان يسامحني |
رد: رعايه الام والاب الكبار بالسن
طبيعي الأولاد والبنات الي يكونوا ساكنين مع الوالد والوالدة بيكون اهتمامهم اكبر
وخصوصا اذا كانوا غير متزوجين لان ما بيكون عندهم مسؤلية بيت وعائلة بس طبعا هالشيء ما يمنع انه المتزوجين يكون اهتمامهم بالوالدين مضاعف كل ما سنحت الفرصة الله يجعلنا من البارين بامهاتنا واباءنا احياء واموات |
رد: رعايه الام والاب الكبار بالسن
مبتعثة موضوعك جميل
وطلبك للأمثلة دليل على حرصك وفهمك بالنسبة لي متزوجة واطفالي صغار ماديا لا أستطيع دعم أمي دائما ولكن على المستوى المعنوي فدائما أنا معها ومساندة لها مرت علينا اجازة شهر كنت آتيها كل يوم وأسهر عندها لكن الامر بنظري فاق عن حده كمثال اتصلت بي الظهر عندها موعد مستشفى حملت اطفالي بسرعة وليست عباتي وجئتها خلال ٢٠ دقيقة دار بيننا حوار متى استيقظت فاخبرتها اني مستيقظة في الصباح فمباشرة قالت ليش ماجيتي على طول !! وكأني مطالبة ما أن أفتح عيني آتيها مباشرة البيت فيه ٦ من اخواتي احداهن طفلة + شاب مراهق وحفيدتين ومع هذا تشعرني بذنب لو يوم ماجيت وكل هؤلاء الاشخاص غير كفيلين بشغل ولو جزء بسيط مما أقوم به ! حياتي الشخصية في تدهور بسبب هذا الامر مع الاسف وبدأ الأمر يتحول من محبة وبر لنوع من الضيق والنفور والسآمة لانه يؤثر على اطفالي وزوجي وحياتي الخاصة دائما نخرج انا وهي ونقضي مشاويرها معا برفقة طفلتي رضيعة والله من غير مبالغة مرة طلبت مني ترك طفلتي الرضيعة عند الخدامة في بيت اهلي فقلت لها ليش أترك بنتي ؟! قالت علشان تسوقين فيني قلت لها طيب انت لا تفضلين مسك البنت في السيارة قالت انا امك وانا اولى منها ! شعرت ان الامر قاعد يزيد عن حده فعلا وفعلا ماعرف كيف اخرج من هذه الورطة بطريقة ترضي الجميع |
رد: رعايه الام والاب الكبار بالسن
كم عمر والديك يا مبتعثه ؟
كبار ومحتاجين المعونه والخدمه طول الوقت؟ البر للجمييييع وليس حكر فقط علی العازبه او المطلقه والارمله اذا تزوجتي يا مبتعثه شو راح يصير ! لا تعودين امش تعتمد عليش انتي فقط ،المفروض الكل يبر امه وتتعاونون علی خدمتها ورضاها يوم كنتي في الابتعاث مين كان يقوم بها ؟ يا مبتعثه انتي مو دايمه لامش مصيرش تتزوجين وبعدها امش هي الي راح تتعب ، فهميهم والزميهم لصالح الوالده (تترتب الادوار والفروض عليهم كلهم ) |
رد: رعايه الام والاب الكبار بالسن
هلا كوكي
هم كبار في السن الله يطول بعمرهم على طاعته لكن الحمدلله يارب لايعانوا من شي يجعلهم بحاجه عنايه طبيه طيله الوقت الحمدلله يارب اسال الله لهم العافيه لكن الي يضايقني ان اخواتي الثانين لما يسافرو او يجيو عندنا وانا طالعه وين فلانه وين رايحه ليه تخليها تروح خليها تقعد عندك بلا هالنادي بلا هالطلعات لسه جايه من غربه ماصدقنا تيجي تقعد عندك ودايم يعطو ماما احساس اني مقصره ويحسسوني بتانيب الضمير طبعا العمل محد يتكلم شي فيه مصلحه ويجيب فلوس لو اطلع طول اليوم محد يتكلم وللامانه روحه لصحباتي وتوجيب لهم مايقولوا شي او يمكن عشان طلعاتي صارت قليله ماعاد يتكلموا لكن انا متمسكه بالنادي وضعي الصحي لازم نادي واكيد ودي اطلع لمقاهي ومطاعم مشكله ماما ماتحب تطلع تحب تقتد بالبيت وحبايبها يجوها وانا احب اطلع اغير جو اكتئب من قعده البيت احب اقرى برى اروح الممشى هل عشان ابر والدتي اصير زيها بالعمر واشوف العالم رايحه جايه وابرمج نفسي على كذا انتم شرايكم فاكهه لي عوده ياجميله مع ردك لان وضعك غير وفعلا محتاجه وقفه وتقنين |
| الساعة الآن 03:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©