رد: كيف اجعل زوجي يرضى ..
 

يمكن رضي بس مايبغى يوضح عالعموم طنشي وتعاملي معها كأنو راضي فتره وينسا ان شاء الله
وأكثري الاستغفار والله يصلح مابينكم يارب.

رد: كيف اجعل زوجي يرضى ..
 

هو زعل لان اذا قالك سر ماتحفظيه ولا تقدري تحفظيه اصلا
الحل انه ماعاد يقولك اي سر ابد اطلبي منه ذلك

رد: كيف اجعل زوجي يرضى ..
 

انا ما احب اطلع اسرار البيت وبالعكس جدا حريصه ما احب احد يعرف شي عن حياتي بس مرات زي كدا غصبا عني حتى انسى اني وعدته

رد: كيف اجعل زوجي يرضى ..
 

شكرا لكل اللي ردو عليا واللي حاولو يخففو عليا ..
الحمد لله المشكلة خفت وان شاء الله اخر مره fgfgjyhjyh

رد: كيف اجعل زوجي يرضى ..
 

الحمد لله ....
عليك الان - أختي الكريمة - تحملَ عدم ثقته في الايام القادمة ....
أو الهمز بكلمات تأنيبية و ربط الخطأ الماضي بمواقف جديدة ...
كل هذه ردّاتُ فعلٍ طبيعية ، فإصبري إلى ان تزولَ شوائبه و يأتيَ الله بفرجٍ من عنده!!

رد: كيف اجعل زوجي يرضى ..
 

ان شاءالله صعب انو ما بكون في ثقه بين الزوجين لكن الله يعين وان شاء الله ترجع الثقه مثل اول واحسن ...جزاك الله خير

رد: كيف اجعل زوجي يرضى ..
 

الحمد والشكر لله

الأيام كفيلة ترجع الثقة بينكم..لاتستعجلي..أهم شي انتبهي لتصرفاتك وكلامك.

زوجي العزيز ..
 

السلام عليكم ورحمة الله وبركاته

كتبت مشكلتي قبل كم يوم والحمدلله خفت كتيير .. انا اول مرة اشارك فدا المنتدى و عجبني انو ممكن الرجال يساعدونا .. زي كيف نتعامل مع ازواجنا لانهم يفهمو بعض اكتر .. انا ليا سنه وشويه تقريبًا متزوجه .. و للان ما اعرف اتعامل مع زوجي .. اغلب وقته فغرفته او مع أصدقائه الغير متزوجين اغلبهم هوا اجتماعي بس بزياده و نادرا الحوار بيننا والحوار معه صعب ما احس اني اكلم زوجي احس انو يبغى يتحكم فكل شي يعني قبل لا اتكلم لازم افكر فكلامي عشان لا تنقلب مشكله .. طيب فين دوري كزوجه وكيف احس بالامان اذا ماحسيتو مع زوجي .. لما اقلو تعال اجلس معايا شويه بس حتى لو مشغول يتعذر باي شي عندي مذاكره واذا مو مذاكره اي شي المهم ينشغل .. و احنا مغتربين يعني مالي احد غيرو .. اتعرفت على بنات بس فالاسبوع مره نتقابل زوجي نفسو انو اكون كل شويه رايحه لاحد ولا احد جاييني والناس مهم فاضيين كل شويه اروح لهم ولا كل شويه يجوني .. كنت فالبدايه اقلو حبيبي وكدا بس الكلمات غصبا عني اختفت وباحاول ارجعها بس اسلوبو اللي خلاني كدا .. ابغى اجلس واتفاهم معاه بس دائما يتهرب هوا مو مقصر فالبيت وبيعطيني مصروف بس الزوجه تحتاج العاطفه اكتر من الفلوس .. وقبل فتره قال لي انو انا مقصره معاه فكل شي (دا الكلام يقلي هوا لما يكون زعلان ومعصب ولما يرضى ما يبغى يفتح السيره دي ) وانو من يوم ما اتزوجتك زي ما انتي مع انو باحاول قد ما اقدر اني اسوي اللي اقدر عليه .. قلتلو انو الوحده مو من يوم ما تتزوج خلاص تعرف كل شي لازم كم سنه حتى تطور من نفسها .. اذا مرضت ما احسو يهتم لين سرت لو كنت ميته تعب قدامه اسوي نفسي عادي مافيا شي .. وحده من البنات حملت وزوجها مدلعها يروح زوجي يقلو لا تدلعها لا تتنفخ و جات مرتو قالتلي .. يعني الوحده ازا ما تتدلع على زوجها تتدلع على مين .. نفسي اقلو انو تفكيرك غلط بس ما يقتنع بكلامي يعاملني كاني صغيرة .. هوا طيب الحمدلله ويحبني بس نفسي احس اني متزوجه انو زوجي مهتم فيا مو بس اطبخ وانضف وانام مو دي الحياة الزوجيه .. وزوجي جدا عصبي وانا عكس زوجي فكل شي يا ريت اعرف كيف اتعامل مع دي الشخصيه !!!!

رد: كيف اجعل زوجي يرضى ..
 

رد: كيف اجعل زوجي يرضى ..
 

انا رايي من راي الاخت عيوشة و عن تجربة خصوصا انو لم يستجب لاعتذارها