|
السلام عليكم . . . جربي هذا الرابط وراح تلاقي فيه العديد من المواضيع ذات الصلة . . . والله المستعان |
اقتباس:
يا لطيف يا أخي قرقر... أي عجز و أي نقص الموضوع أبسط بكثير توكلي على الله أختي و اشتري اللي هو محتاجه... أصلا الهدف من الهدية هي انه تعبير عن المناسبة و تقدير للزوج و شراء شيء محتاجه و يستفيد منه.. هذا رأيي |
اختي الكريمه ذكريات سعيده طول العمر باذن الله اتمناها لك ولاسرتك برايي انك تحسين بان زوجك سيتأثر وهذا سبب كتابتك للموضوع .... اذن لا داعي من الهديه هذه ..... وربما في الحاله .... دور طريقة تقديم الهديه هو الاهم من الهديه نفسها ... ولا اعتقد ان في هذه الحاله يناسب عنصر المفاجأه ...... ارى ان تساليه بكل محبه قبل شراء الهديه ..... مثلا : حبيبي محتاره ايش اشتريلك هديه في يوم زواجنا ... ؟؟ وفي يوم تقديم الهديه .... تقدمي له ظرف فيه مبلغ يساوي قيمة اللاب توب ... وتقوليله ... انك ماعرفتي تشتريله هديه وانك وحسيتي ان هالهديه اهم ....... برايي سيسعد بذلك ويتذكره في المستقبل . وفقك الله |
اللاب توب فكرة حلوة ...
بس قبل ما تعطينه إياه بلغيه إن عندك له هدية راح تعجبه مرة مرة ... وإذا بغيتي أي نصائح بخصوص أنواع اللاب توب الممتازة فأنا جاهز ... AM7 |
أختي الفاضلة
أنا خليجي ....... وزوجتي بنت نعمة .......... ووضعي المادي مقارنة بمن في مثل عمري ممتازة ولكن أواجه بعض الضغوط المالية بسبب بعض الاستثمارات - اللي متوهق فيها - ............. ولو زوجتي تهديني لاب يوب وأنا بحاجته .......... سأكون شاكرا لها ......... وسأعوضها أضعافه في أقرب فرصة ............... يعني مافيه احراااااااااااااج أبدا. لكن ممكن تخبريه عن الهدية قبل شراءها ............. تمهيدا لتقبل الهدية ......... تحياتي. |
هلا والله
ليش ينحرج.....مب انتوا عايشين مع بعض وتحبون بعض ....ومع بعض انتوا تشكلون شخص واحد.....وفي ها الحالة اذا وصلت الهدية منج او منه ....شو الفرق .......فهميه بها الطريقة اذا تضايق او لاحظتي عليه شي.....قوليله اذا كل شي بيكون من طرف واحد (انتي شو خانتج).......بس قبل ماتعطينه الهدية قوليله غمض عينك وبوسيه عشلن يستانس ....وصدقيني بيتفبلها بكل محبة .....وحاولي انتي باسلوبج .....وشكرا |
اختي
اشتري اللاب توب واهديه لزوجك وصدقيني انه راح ياكلك من الفرحه (صعبه شوي ياكلك) ;) بصراحة انا مريت بظروف صعبه قبل سنتين وكان معي جوال قديم مرة وكنت احلم بجوال من الجوالات اللى فيهم كاميرا وانتي عارفه اسعارهم كانت غالية مرة، اللى حصل جتني زوجتي وقالت لى ان جوالها صوت السماعه مو واضح ممكن تشوف وش فيه( وانا على نياتي مصدقها ) اخذت جوالها ودقيت على جوالي واسمع ذيك النغمة اللي توسع الصدر، اتاريها اخذت شريحتي وحطتها بالجوال الجديد وانا ماادري اللى حصل بعد كذا اني اكلتها من الفرحة. :D تحياتي هلال العالم |
توكلي علي الله
وأشتري الاب توب والله أنا من يوم ما تزوجت ما أشتريت شيء لنفسي أبدا كله من زوجتي مع انه الوضع متدهور والحمدلله وهي ليس لها دخل غير الراتب البسيط و مع ذلك والله لا أعلم كيف تستطيع أن توفر هذه المبالغ أعتقد أن زوجك سيكون في فرحه ما شافها قبل كده ألا يوم زواجه طبعا (ههههههههههه) أخوك الي ما يعرف يشتري بالمره |
هاتي اللاب توب وتوكلي على الله وارفقي كارت صغير
وددت لو اهديتك الدنيا كلها احببت ان اقطف لك كل زهور الحدائق تمنيت لو قدمت اليك عيوني ولكني لم اجد سوى ها الهدية البسيطة فيارب تقبلها |
أولا ما تتصوروووووووون وشكثر فرحة يوم شفت كل هالردود :)
aboanas شكرا لك أخي على الرد... ورطان مشكوووووور أخوي ... بس مثل ماقلت أهم شي النفسيه... و ربي يحنن نفسيته علي و يتقبلها sezar مشكووور أخوي على الرد و ربي يسمع منك و ان شاء الله تسعده (هذا اللي اتمناه) |
| الساعة الآن 05:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©