رد: أكره قريبتي ( طفلة )
 

اجامل وما اعتقد واضح .. لكنه متعب لي لاني دايم اشوفها واحيانا يطلبون اهلها مني انتبه لها او ادرسها مثلا .. وصعبة ارفض وش اقول اصلا معليش بس اكره بنتكم 😂
فـ شعور اني اكره شخص واحاول اني اكتم وما ابين مرة مزعج لي ..

رد: أكره قريبتي ( طفلة )
 

ههههههه ، اي والله بعض الأطفال تقولي شياطين مصغره ، يعني تتعوذي منهم بعض الأحيان ، اذا قلت لك عن عيال اخي ما شاء الله عليهم ، جد جد ودي أتخلص منهم ، ودي يعني يختفون ههههه ، من فتره كان احدهم يملى فمه ماء و يجي عندنا ويكبه من فمه ، ويرجع يملى فمه ماء ويكبه عندنا ، ما كان بيدي الا اني اتعوذ منه ، الا ان تزحلق بالماء اللي يكبكبه هههه ،

رد: أكره قريبتي ( طفلة )
 

9 سنين حرام عليك
مدري وش اقول. تخيلي لو بنتك كذا فيه شخص مايدانيها ويكرهها ؟ وش الشعور
عموما لاتحتكين فيها خليك رسمية

رد: أكره قريبتي ( طفلة )
 

الحل تقليل مدة بقاءكما معا ... ان طلبوا اهلها تعتني فيها قولي مشغولة وعندي التزام معين او تعذري بطفللك ..

البنت ناقصها شي معين او تتعرض لشي معين بالتالي قاعدة تصير متنمرة عليك .. المشكلة الحل بيد اهلها وللاسف هم حاسين وعارفين ان فيه شي غلط ولكن لاحياة لمن تنادي .... الله يعينك فغلا فيه اطفال يكونون ثقال رغم انهم اطفال ! ومحد يستلطفهم حتى من هم بسنهم وتكون وحيدة المسكينة وهي مو عارفة السبب ويكتشف بالنهايو ان والديها هم من تسببا بكل هالحياة الاجتماعية الغلط !

بالنسبة لي اذا حصل هاذي التصرفات حتى من ابناء اخواتي مباشرة ارفض ، ابين لهم الصح من الخطأ امام اهاليهم ، اخبر اهاليهم وان لم يعجبهم ! واعيد تحويل تركيزهم في العاب معينة او اخترع لهم لعبة او هواية يستمتعوا فيها تيغصوا بصر عن اغراضي ههههههههه ..

رد: أكره قريبتي ( طفلة )
 

مااستطعتي تحببيها فيك عادي وقفيها عند حدها بحيث ما تتعدى ع شي يخصك


هي أكيد مدلعه وتبغى الكل يعاملها زي أبوها وأمها لكن انتبهي لا تشعريها بكرهك خاصه لو كنتي عمه أو خاله لها

اتذكر مره عمتي قالت لي وانا في سن 10 يوه أكره هالبنت 😭😭والله مانسيت كلمتها وتمردت عليها أكثر
ماأعتقد كنت دلوعه لكن كان عندي ثقه بنفسي إنه ماأحد له شغل فيني أسوي الي أبغى وأمي كانت تخاصمني لكن ماكنت أهابها ...

أحب عمتي الآن لكن لما أشوف شقاوة أحفادها وزي العسل ع قلبها 😂😂أتذكر كيف كانت تعاملني وأنا صغيره صح ماتضربني لكن نظراتها ونفورها مني كان واضح

ع فكره أنا الوحيده من بنات أخوها الي ساكنه الان بعد زواجي عندها أجيها بأكل اذا مرضت وأسليها اذا راح زوجها 😬 واعتقد إنها تحبني دحين😅

رد: أكره قريبتي ( طفلة )
 

مو كره بقد ماهو انزعاج..

عادي طبيعي تنزعجين

لكن لاتنسين انها طفلة

رد: أكره قريبتي ( طفلة )
 

اذا طلبو منك تدرسينهااعتذري لاتضغطين ع نفسك..اذا شفتيها جت وجلست يمك قوليلها بصراحه( روحي اجلسي مع الاطفال اللي بسنك باسلوب حازم)،،، تجاهليها اذا جاءت ...وانشغلي بموبايلك عنها لحتى تمل وتجالس الاطفال..ابو 9 سنوات يفهم واكيد بتفهم انك تصرفينها،،