منتدى عالم الأسرة والمجتمع - زواجي على حافة الإنهيار مستجدات الرد 8

صفحة 2 من 3

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زواجي على حافة الإنهيار مستجدات الرد 8 (http://www.66n.com/forums/showthread.php?t=266463)

نبض10

09-04-2016 02:15 AM

رد: زواجي على حافة الإنهيار

اقتباس:

المشاركة الأصلية كتبت بواسطة خط الامام (المشاركة 3401888)

[SIZE="3"]السلام عليكم ورحمة الله وبركاته
أختي الكريمة...بعد انقطاعي لمدة خمس سنين عن هذا المنتدى المبارك اعود من جديد...
الزواج حالة من التفاهم والوئام...من خلال ما قرأت تبين لي الآتي
1-زوجك لا زال يعيش حالة العزوبية وان اختلفت بالمسمى متزوج لكن عزوبي في تصرفاته وجلساته وسهراته.
2-زوجك رجل بسيط في تفكيره وربما تكون علاقته مع الله فيها تقصير انعكس على تصرفاته معك..نعم عمره ليس صغير لكن تصرفاته تصرفات مراهقين ربما لأنه طالت فترة عزوبيته...
لدي تساؤلات وانت مخيرة في الرد عليها من عدمه والهدف من السؤال هو تبيان الامور التي لم تتطرقي لها وربما يكون الجواب مساعدا في المشكلة:

1-ما هي طبيعة علاقته مع الله والمحافظة على الصلوات؟؟ السهر الى منتصف الى الليالي!!!

علاقة جدا ضعيفه .. متى ما تفيج يصلي احيانا يجمع الصلوات بدون سبب .. يصلي فالبيت و الجماعه تقيم وهو عالفون

2-واضح انك اجتماعية بطبعك لكن لديك نفور او ملاحظات على عائلته لذلك لا تريدين الاندماج مع عائلته...لماذا

[COLOR="rgb(139, 0, 0)"]ما أكون علاقات اجتماعيه سريعه و استحي جداا.. اهله ناس طيبه و متفهمه ما يتدخلوا ويفرضوا نفسهم .. زوجي متعلق فيهم مثل الطفل كلامه كانه يقولي بتحبيهم يعني بتحبيهم فرررض يكرهني فيهم .. اطلع لو قالوا لي معاهم بس ماحب اقوللهم لو عندي شغله .. احب زوجي يقوم فيني هو يفهمها اني ماحبهم و ما احب اروح معاهم !!!! الايام هي اللي تحدد مدى عمق العلاقه انا ياهم عللقتنا عسل بس زوجي يقول لا انتي وانتي

3-ما هي المحاولات التي تقومين بها من أجل اقناعه بما تريدين؟

[COLOR="rgb(139, 0, 0)"]اكلمه بهدوء تودد .. ولو السالفه فيها طرف من اهله يوافق
[/COLOR]

لدي عدة تساؤلات لكن الوقت لا يسعني...

SIZE][/COLOR]

بالانتظار و اشكرك عالمشاركه علما اني في بيت اهلي الا الان من نفاسي

خط الامام

09-04-2016 08:20 AM

رد: زواجي على حافة الإنهيار مستجدات الرد 8

أختي الكريمة
عافاك الله من كل سوء وجعل ابنك من الذرية الصالحة...
العذر لك لكني اريد منك اجوبة التساؤلات والاقرار من عدمه على التحليل الذي طرحته عن طبيعة شخصية زوجك.
من خلال ما قرأت تبين لي الآتي
1-زوجك لا زال يعيش حالة العزوبية وان اختلفت بالمسمى متزوج لكن عزوبي في تصرفاته وجلساته وسهراته.
2-زوجك رجل بسيط في تفكيره وربما تكون علاقته مع الله فيها تقصير انعكس على تصرفاته معك..نعم عمره ليس صغير لكن تصرفاته تصرفات مراهقين ربما لأنه طالت فترة عزوبيته...

مــريم

09-04-2016 08:45 AM

رد: زواجي على حافة الإنهيار مستجدات الرد 8

حبيبتي ماعليه شر ولدج الله يشافيه ..
بعطيج نصيحة وحدة ..
زوجج لا تشاورينه في كل شي .. اقصد موضوع الحليب .. انتي في بيت اهلج.. خلي اخوج او اختج يشترون الحليب وعطيه مب لازم تشاورين ريلج .. ولا لازم يعرف انج عطيتي ولدج صناعي .. هو مب 24 ساعة في بيتكم ..
بس تبين الصج؟ الرضاعة الطبيعية هي اللي تودي البوصفار مب الصناعية.. شكلج مافهمتي الدكتور ..

الله يهديه ويصلحه .. دايما الزوج بداية الزواج يبقى متعلق بأهله وربعه ويحتاج وقت طوييييل لين يحس بمسؤولية الزوجة والعيال ..

Lofty

09-04-2016 09:08 AM

رد: زواجي على حافة الإنهيار مستجدات الرد 8

فرج الله همك و أصلح ذات بينكما ...آمين

نبض10

09-04-2016 11:07 AM

رد: زواجي على حافة الإنهيار

اقتباس:

المشاركة الأصلية كتبت بواسطة أميرة بمملكتي (المشاركة 3402065)

صاحبة الموضوع ( نبض 10)
مقطوع عندها النت هاليومين ..لانها فالمستشفى مع ولدها
المستجدات كالتالي

ولدها جاه فايروس فالصدر و تنوم في العناية المركزة صار له 3 ايام .
ابوها رافض انه يخبر ابو الولد لانه قبلها طلبوا منه بطاقة التأمين عشان تطعيم الولد و قال لها (تريدينها تعالي خذيها)
لكنها ارسلت له رسالة مختصرة .. انه ولدك دخل المستشفى
للاسف ما اتصل ولا سأل و لا زار
لاهو ولا أهله ..
أهله اتوقع والله اعلم ما عطاهم خبر لانه معقولة بيعرفوا ولا حتى يسألو .. مستبعدين هالشي

أرائكم و تحليلاتكم

خط الامام ...
مبدئيا بجاوب باللي اعرفه لين تدخل نبض
هو مقصر في صلاته .. ممكن ينام و يترك الصلاة و لما يقوم ما يقضيها
اذا طلعوا ممكن يأذن المغرب و تقوله وقف بنصلي يقول بعدين لين يطلع وقت الصلاة .
و بصراحة هي شاكه شك كبير انه يكلم بنت .

أهله ناس محترمة .. لكن طبيعة علاقته معاهم هي اللي اضايق
تضييقه عليهم بانهم يكونون كل حياتها شي ينرفز .
و تضييقه في زيارات اهلها و الطلعه معاهم مقابل انفتاخ كامل مع اهله ينرفزها
بالاضافةلانه مب مقتنع انها تحبهم ومندمجة معاهم مع انه علاقتهم حلوة بالاسبوع تشوفهم من مرتين لاربع اووخمس مرات . لانهم يجون عند امهم اللي هي ساكنه معاها . لكنه يريد فوق هذا تروح لبيوت خواته مرة او مرتين بالاسبوع .
و مع انه تسايره احيانا لكن ما يعجبه ..

لي عوده ..
لو طرأ شي بوافيكم فيه
دعواتكم للولد

اشكرج اختي اميره على اضافه المستجدات في غيابي لظروف

نبض10

09-04-2016 11:25 AM

رد: زواجي على حافة الإنهيار

اقتباس:

المشاركة الأصلية كتبت بواسطة بقايا انتظار (المشاركة 3402229)

اهلا بك
شباب هالزمن ترى اما طلعاته مع اصدقائه ام مع اهله
او على جواله 24 ساعه او عند القنوات
هذولا هم نادر جدا يصير العكس يجلس مع زوجته
وايضا لاتزعلين يعني طبيعي مو معناته مايحبك او مجبور عليك محد يجبر احد على احد
وانتي خليك ذكيه استغلي تواجده معك سولفي اضحكي
شاهدي انتي واياه برنامج حواري يخص الحياة الزوجيه مع شرب فنجال قهوه وحلى

انتي اشغلي نفسك اما بدراسه او وظيفه
واذا سمعتي شيء منه او من اهله طنشي وكانك ماسمعتي شيء
واذا صار بيسهر روحي لبيت اهلك مو مجبوره تجلسين ليش تجلسين بالبيت لوحدك

اما الطلعات اطلعي معه لاتتركينه
حاولي تجذبينه لك مثل اذا صار الجو حلو وعليل اعملي قهوه وحلى او كيك
وقلي خلنا نطلع نغير جو الجو اليوم حلو
واطلعو بحديقه او حتى ملاهي

حب اهله لك عادي مو لازم يحبونك بقوه انتي خليك رسميه معهم
وبنفس الوقت احترميهم وقدريهم وعطيهم حقهم

ننتظر جديدك

هو ما يجي عشان نقعد .. و يقول لي لو ابا شي بقولج لاتحطين لي شي بدون ما اقول مثل القهوه و او اي شي

الطلعات كل جمعتين بس يقول حدائق و هالاماكن ما يحبها حتى الرحلات قال يحبها وَيَا ربعه .. مره أقنعته نروح العين راح خبر اهله كلهم .. الكل رفض ييون يطلعون بروحهم و هو قالي لا ملل نروح بروحنا !!

مرات نسهر نشوف فلم .. عقب يرد متاخر و ينام .. اهله ماعندي مشاكل وياهم مشكلتي وَيَا زوجي اللي خانقني فيهم اهلي و اهلي .. ما يملي عينه شي

نبض10

09-04-2016 11:35 AM

رد: زواجي على حافة الإنهيار مستجدات الرد 8

اقتباس:

المشاركة الأصلية كتبت بواسطة خط الامام (المشاركة 3403164)

أختي الكريمة
عافاك الله من كل سوء وجعل ابنك من الذرية الصالحة...
العذر لك لكني اريد منك اجوبة التساؤلات والاقرار من عدمه على التحليل الذي طرحته عن طبيعة شخصية زوجك.
من خلال ما قرأت تبين لي الآتي
1-زوجك لا زال يعيش حالة العزوبية وان اختلفت بالمسمى متزوج لكن عزوبي في تصرفاته وجلساته وسهراته.

نعم بالضبط .. و كم مره وضحت له هالنقطه انه عايش حياة عزوبيه تحت مسمى متزوج

2-زوجك رجل بسيط في تفكيره وربما تكون علاقته مع الله فيها تقصير انعكس على تصرفاته معك..نعم عمره ليس صغير لكن تصرفاته تصرفات مراهقين ربما لأنه طالت فترة عزوبيته...

صحيح حتى بتفكيره و قراراته و ردود افعاله .. يكره القراءه انشغاله باشياء ليس لها معني..مقصر ب علاقه مع ربه كثيرا

نبض10

09-04-2016 11:38 AM

رد: زواجي على حافة الإنهيار

اقتباس:

المشاركة الأصلية كتبت بواسطة Immy26 (المشاركة 3402411)

المهم انك الان توقفين خلفه لين تعرفين وش نهايتها معاه !!!
الله يعينك ويخلف عليك بخير

ل

ما بينا تواصل ابدا .. اتابعه ببرامج التواصل الاجتماعي و اشوف شو يحط عن الموضوع عن كبرياءه و كرامته فوق كل شي و ان مافيه شي يهزه .. كلام من هالمعنى

نبض10

09-04-2016 11:56 AM

رد: زواجي على حافة الإنهيار مستجدات الرد 8

اقتباس:

المشاركة الأصلية كتبت بواسطة مــريم (المشاركة 3403174)

حبيبتي ماعليه شر ولدج الله يشافيه ..
بعطيج نصيحة وحدة ..
زوجج لا تشاورينه في كل شي .. اقصد موضوع الحليب .. انتي في بيت اهلج.. خلي اخوج او اختج يشترون الحليب وعطيه مب لازم تشاورين ريلج .. ولا لازم يعرف انج عطيتي ولدج صناعي .. هو مب 24 ساعة في بيتكم ..
[COLOR="rgb(255, 0, 255)"]قلت افضل اخبره ما اخبي شي .. وعقب لو رديت يكون عنده خبره لاني بحتاج بعد
[/COLOR]
بس تبين الصج؟ الرضاعة الطبيعية هي اللي تودي البوصفار مب الصناعية.. شكلج مافهمتي الدكتور ..
انا مع الرضاعه الطبيعيه بس ما يشبعه .. الصناعي مساعد فقط عند الحاجه لان الصفار كانت نسبه زياده شوي و بالموعد اللي بعده زاد اضعاف

الله يهديه ويصلحه .. دايما الزوج بداية الزواج يبقى متعلق بأهله وربعه ويحتاج وقت طوييييل لين يحس بمسؤولية الزوجة والعيال ..

امين يارب و يصلح الشأن بإذن الله

نبض10

09-04-2016 01:53 PM

رد: زواجي على حافة الإنهيار

اقتباس:

المشاركة الأصلية كتبت بواسطة بقايا انتظار (المشاركة 3402229)

الساعة الآن 02:56 AM.

صفحة 2 من 3

عرض 40 مشاركات من هذا الموضوع لكل صفحة