المشاركة الأصلية كتبت بواسطة mimomea (المشاركة 3411973)

اخي الكريم ماشاءالله تبارك الرحمان
ربي يديم الحب بيناتكن ويسخركن لبعض

نصيحة اخي الكريم الشي الزايد نفس الناقص
وخير الامور اوسطها
يعني خفف شوي من الاتصالات والكلام الرومانسي لتشتاق وتحن تسمع منك هالشي
والا بيصير عندها شي روتيني وبنفس الوقت ممكن هالشي يخنقها
ولو قلبنا الادوار لكنت حسيت نفس احساسها
وهالشي ما بيعني انها ما بتحبك متل ما بتحبها تماما
بل ممكن الاهتمام الزائد يخلي الطرف التاني يتحسس منو

وقت شغلك مثلا اتصل فيها مرة ومش ضروري بين الفترة والفترة تلفون
مثلا الوردة اهديها ياها بوقت ما بتتوقع انك رح تهديها فبتترك اثر كبير بالنفس

اشغل نفسك بهواية بتحبها
اعطي نفسك مساحة والها مساحة
والعمر قدامكن ان شاءالله بيكبر الحب مع كل زيادة سنة زواج
بتذكر وقت قعدت فترة عند اهلي وزوجي سافر قبلي مدة شهر كان بالنهار يتلفن كذا مرة وبالليل نفس الشي
ودايما نفس السؤال اذا اشتقتلو لمرة من المرات قلتلو طيب اتركلي مجال اشتقلك
جرب ما تتصل فيني لحس اني بحاجة اسمع صوتك
ومرات صرت اترك التلفون بالبيت واضهر وخلي اختي ترد عليه
وهالشي ما بيعني اني ما بحبه بالعكس بس الالتصاق بيخنق الشريك
فحلو الواحد يوزن الامور ويعطي كل شي حقه
لا تكتر اهتمام ولا تهملها بنفس الوقت
وممكن كتير اذا خففت تحس هيي انو في شي نقصها وتصير هيي تعبر لتملي هالفراغ
والكلمة الطيبة حلوة تكون دايما بين الزوجين وبين اي شخصين عم يتعاملوا مع بعض
بس ما تتحول لشي يقلب ضده

اسال الله ان يرزقك السعادة انت وزوجتك دنيا وآخرة

احترامي